2 Sam 18:32 - Kaqchiquel Bible

³² Y ri rey xuk'utuj chire ri achin ri' wi utz ruwech ri Absalón. Y rija' xubij: K'ate' ta konojel ri e etzelanel awichin xkek'is ta; keri' chuqa' konojel ri ye'ajowan ri akamik. Y kan xtiban ta chike achi'el xban chire ri Absalón, xcha'.

2 Sam 18:32 ပူးပေါင်းရင်းမြစ်များ

2 Sam 18:21

K'ari' ri Joab xubij chire jun achin aj-labal aj-Etiopía chi tibe rija' rik'in ri rey richin niberubij chire ri xutz'et kan. Y ri achin ri' xulukuba-qa-ri' chuwech ri Joab y xbe junanin.

2 Sam 18:29

Y ri rey xuk'utuj chire wi utz ruwech ri Absalón ri ruk'ajol. Y ri Ahimaas xubij chi rija' xaxe xutz'et kan chi kimolon-ki' ri winaqi' toq ri Joab xuteq-pe; jak'a man xretamaj ta kan achike banatajineq.

Wuj Richin Bix Chire ri Dios 109:20

Ja ta k'a rutojbalil re' ri xtuya' ri Jehová chike ri e etzelanel wichin, chike ri winaqi' ri yech'on itzel chuwij.

Dn 4:16

Ri ruch'obonik kan tijalatej k'a, y tuk'uaj jun ch'obonik richin chikop, y keri' tik'oje' y k'a xtiq'ax na wuqu' juna' pa ruwi'.

Dn 4:19

Toq xrak'axaj ronojel re' ri Daniel kan xpax ránima y jun xk'oje-wi chuch'obik, y keri' k'a xk'oje' jubama jun hora. Kan janila k'a xuxibij-ri' y roma ri' yin Nabucodonosor xinbij chire: Beltsasar, man tach'ujirisaj-awi' rik'in ri wachik', y ri nel chi tzij, xicha' chire. K'ari' rija' xubij chuwe: Wajaw yin, re achik' re' kan ta pa kiwi' ri e etzelanel awichin xtiqaqa-wi. Ri nel chi tzij re achik' re', kan ta k'a ja ri itzel nikirayij chawij ri xkek'uluman.

Wuj Kichin ri To'onela' 5:31

Jak'a yin Débora ninbij: Keri' ta k'a xkek'is konojel ri e etzelanel awichin rat Jehová; jak'a ri ye'ajowan awichin, kan ta xkeyok'olin achi'el ri q'ij toq nik'aton, xcha' ri Débora. Chirij ronojel re' xk'oje' uxlanen chupan ri kiruwach'ulew, kawineq juna'.

1 Sam 25:26

Ri Jehová xq'aton awichin richin xaben ta kamik, richin ta xaben ruk'exel chike ri xebanon itzel chawe. Kan ja ta k'a ri Jehová xtibanon chi konojel ri e etzelanel awichin y chuqa' ri nikich'ob itzel chawij, xtikik'uluwachij ta achi'el xtiberuk'uluwachij ri Nabal.