2 Sam 18:31 - Kaqchiquel Bible

³¹ Chupan ri ramaj ri' xapon ri achin etíope y xuya' ri utzilej rutzijol chire ri David, y xubij: Wajaw, wakami ri Jehová xarukol yan pa kiq'a' ri xeyakatej chawij, xcha'.

2 Sam 18:31 ပူးပေါင်းရင်းမြစ်များ

2 Sam 18:19

K'ari' ri Ahimaas ruk'ajol ri Sadoc xubij chi xtibe chi'anin richin niberuya' ri utzilej rutzijol chire ri David, chi ri Jehová xuya' yan rutojbalil pa kiwi' ri e etzelanel richin.

Wuj Richin Bix Chire ri Dios 58:10

Ri kan choj kik'aslen kan xkekikot k'a toq xtikitz'et re'. Kan xtimu'e' k'a ri kaqen chupan ri kikik'el ri aj-maki'.

2 Sam 18:28

Y toq ri Ahimaas xapon, rik'in uchuq'a' xch'on-apo chire ri rey y xubij chi xech'akon yan. K'ari' xbexuke' chuwech ri rey y xubij: Nimalej ruq'ij ri Jehová, ri qa-Dios, roma xerujech pa qaq'a' ri xeyakatej chawij, rat wajaw, xcha'.

Wuj Kichin ri To'onela' 5:31

Jak'a yin Débora ninbij: Keri' ta k'a xkek'is konojel ri e etzelanel awichin rat Jehová; jak'a ri ye'ajowan awichin, kan ta xkeyok'olin achi'el ri q'ij toq nik'aton, xcha' ri Débora. Chirij ronojel re' xk'oje' uxlanen chupan ri kiruwach'ulew, kawineq juna'.

2 Sam 18:30

Y ri David xubij chire chi tujech'ej-ri', y tik'oje' chiri'. Y ri Ahimaas keri' xuben.

Dn 4:19

Toq xrak'axaj ronojel re' ri Daniel kan xpax ránima y jun xk'oje-wi chuch'obik, y keri' k'a xk'oje' jubama jun hora. Kan janila k'a xuxibij-ri' y roma ri' yin Nabucodonosor xinbij chire: Beltsasar, man tach'ujirisaj-awi' rik'in ri wachik', y ri nel chi tzij, xicha' chire. K'ari' rija' xubij chuwe: Wajaw yin, re achik' re' kan ta pa kiwi' ri e etzelanel awichin xtiqaqa-wi. Ri nel chi tzij re achik' re', kan ta k'a ja ri itzel nikirayij chawij ri xkek'uluman.