2 Sam 18:27 - Kaqchiquel Bible

²⁷ Y ri k'o-q'anej chikaj xubij chi ri nabey peteneq, niq'alajin chi achi'el xa ja ri Ahimaas roma ri rubinibal. Y ri rey xubij chi rija' kan jun achin ri kan utz y kan ruk'amon-pe utzilej rutzijol chire.

2 Sam 18:27 ပူးပေါင်းရင်းမြစ်များ

2 Sam 18:26

Chiri' chuchi' ri tinamit, k'o chuqa' jun chik chajinel. Y toq ri tz'etonel ri k'o-q'anej chikaj xutz'et chi peteneq chik jun achin junanin, xsik'in-pe chire ri jun chik chajinel richin xubij-pe chire. Y ri rey xubij chi re achin re' chuqa' utz rutzijol ruk'amon-pe.

1 Rey 1:42

K'a nitzijon na k'a rija', toq xapon chiri' ri Jonatán ri ruk'ajol ri sacerdote Abiatar. Y ri Adonías xubij chire: Katok, rat ala' ri kan k'o awejqalen, y tabij k'a ri rutzijol ri ak'amon-pe, xcha'.

2 Rey 9:20

K'ari' ri chajinel ri k'o pa ruwi' ri tz'aq xubij chik jun bey chike ri rachibil chi ri achin ri taqon-el chikitz'etik ri winaqi' xapon yan kik'in, jak'a xa man nitzolin ta pe. Y xubij chuqa' chi ri ik'owineq-pe chikiwech ri tzobaj winaqi' ri e peteneq, achi'el xa ja ri Jehú ri ruk'ajol ri Nimsí, roma kan achi'el ch'u'j ruk'amon-pe ri ru-carruaje.

Wuj Richin Etamabel-Tzij 25:13

Kan achi'el nich'uch'urisan ri pimilej-tew, ri niqaqa toq nik'ol ri kiwech ri tiko'n, keri' ch'u'ul-ch'u'ul nikina' ri yetaqo-el jun samajel nimey tzij, richin nuk'uaj jun rutzijol, re' samajel re' kan nukuquba-wi kik'u'x ri e rajaw.

Wuj Richin Etamabel-Tzij 25:25

Kan achi'el nuben ri raxya' chi nuch'uch'urisaj ri chaqi'j ruchi' jun ri q'itajineq, keri' chuqa' nuben chire jun wineq, ri nuk'ul utzilej taq rutzijol kichin ri k'a janila nej ek'o-wi.

Wuj Richin ri Isaías 52:7

Kan janila jebel ok toq natz'et jun ya'ol utzilej rutzijol, ri peteneq pa ruwi' taq juyu' richin ri Jerusalem. Xtuk'en-pe ri utzilej rutzijol chi xtik'oje' uxlanibel-k'u'x, chi xtik'oje' kolotajik, y chi ri qa-Dios kan niq'aton chik tzij.

Romanos 10:15

¿Y nitikir kami jun nibin chire wi man ta jun taqayon richin? Y chupan ri ruch'abel ri Dios nubij*f33* chi kan janila jebel ok natz'et jun ri nuk'en-pe utzilej rutzijol, keri' nubij ri tz'ibatel kan.