2 Sam 18:20 - Kaqchiquel Bible

²⁰ Jak'a ri Joab xubij chi man ja ta ri Ahimaas ri xtuk'uan ri rutzijol ri' chire ri rey, roma xa kan ja ri rukamik ri ruk'ajol ri nibebix chire. Y xubij chi k'a jun bey chik na xtibe rija' chuya'ik jun chik rutzijol.

2 Sam 18:20 ပူးပေါင်းရင်းမြစ်များ

2 Sam 18:19

K'ari' ri Ahimaas ruk'ajol ri Sadoc xubij chi xtibe chi'anin richin niberuya' ri utzilej rutzijol chire ri David, chi ri Jehová xuya' yan rutojbalil pa kiwi' ri e etzelanel richin.

2 Sam 18:21

K'ari' ri Joab xubij chire jun achin aj-labal aj-Etiopía chi tibe rija' rik'in ri rey richin niberubij chire ri xutz'et kan. Y ri achin ri' xulukuba-qa-ri' chuwech ri Joab y xbe junanin.

2 Sam 18:27

Y ri k'o-q'anej chikaj xubij chi ri nabey peteneq, niq'alajin chi achi'el xa ja ri Ahimaas roma ri rubinibal. Y ri rey xubij chi rija' kan jun achin ri kan utz y kan ruk'amon-pe utzilej rutzijol chire.

2 Sam 18:29

Y ri rey xuk'utuj chire wi utz ruwech ri Absalón ri ruk'ajol. Y ri Ahimaas xubij chi rija' xaxe xutz'et kan chi kimolon-ki' ri winaqi' toq ri Joab xuteq-pe; jak'a man xretamaj ta kan achike banatajineq.

2 Sam 18:33

Y toq ri David xrak'axaj ri', xpe k'a jun nimalej q'axo'n pa ránima. Xjote' k'a el chupan ri jay ri k'o pa ruwi' ri okibel richin ri tinamit. Y rokik jotol-el janila k'a noq' y nubij: ¡Nuk'ajol Absalón, nuk'ajol, nuk'ajol Absalón, k'ate' ta yin xiken pan ak'exel rat nuk'ajol!, xcha'.

2 Sam 18:5

Y xuchilabej k'a el chike ri Joab, ri Abisai, y ri Itai, chi roma ri ajowabel ri k'o kik'in chire rija', kan tikijoyowaj ruwech ri Absalón. Y kan konojel k'a ri aj-labal xk'oje-el chikik'u'x ri xubij-el ri rey chike pa ruwi' ri Absalón.

2 Sam 19:1

Xbeya'ox k'a rutzijol chire ri Joab chi ri David janila nubisoj ri ruk'ajol, y kan janila nroq'ej.