2 Sam 18:1 - Kaqchiquel Bible

¹ Ri David xeruch'er k'a pa taq tzobaj ri aj-labal, y xeruya' k'a aj-raqen pa kiwi'.

2 Sam 18:1 ပူးပေါင်းရင်းမြစ်များ

Ex 17:9

Y ri Moisés xubij k'a chire ri Josué: Chua'q ke'acha' k'a achi'a' chiqakojol, richin chi yixbe pan oyowal chikij ri e rijatzul ri Amalec y yin xkibek'oje' pa ruwi' ri juyu' y nink'uaj ri ch'ame'y richin ri Dios, xcha'.

Ex 18:21

Chuqa' rat ke'acha' chikikojol ri winaqi' richin ri tinamit, achi'a' ri kan k'o samaj ri yetikir nikiben, achi'a' ri kan k'o rukiy ri Dios chikiwech, achi'a' ri kan nakuquba' ak'u'x kik'in y kan niketzelaj richin yepuaqix. Y jeri' ri ke'aya' richin ye'ok aj-raqen pa kiwi' tzobaj richin 1,000 winaqi', pa kiwi' e wok'al, pa kiwi' e kawineq lajuj y pa kiwi' lajujteq winaqi'.

Ex 18:25

Ri Moisés xerucha' k'a chikikojol ri israelita, achi'a' ri kan k'o samaj ri yetikir nikiben y xeruya' k'a richin xe'ok aj-raqen pa kiwi' 1,000 winaqi', pa kiwi' e wok'al, pa kiwi' e kawineq lajuj y pa kiwi' lajujteq winaqi'.

Wuj Richin ri Q'axanri'il 31:14

Y toq rije' xe'apon, ri Moisés xyakatej janila royowal chikij ri e aj-raqen pa kiwi' ri aj-labal ri xetzolej-pe.

Deut 20:9

Toq rije' xketane-qa chi ch'owen, jari' toq ri aj-raqen xkek'oje-el chikiwech ri aj-labal y nikichop binen.

Wuj Richin ri Josúe 8:10

Y xyakatej k'a nimaq'a' yan ri Josué y xerumol ri achi'a' ri'. K'ari' xjote' k'a el rija' y e rachibilan-el ri e aj-raqen. Y rije' xe'el-el pa nabey chikiwech ri achi'a' richin nibekibana' oyowal rik'in ri tinamit Ai.

1 Sam 22:7

K'ari' ri Saúl xubij chike ri aj-labal ri kisutin-apo-rij: Tiwak'axaj k'a re wakami rix nuwinaq ri oj rijatzul kan ri Benjamín. ¿Ninimaj kami rix chi ri ruk'ajol ri Isaí, nuya' iwulew ri tikon chik uva chuwech, o yixruya' aj-raqen pa kiwi' e 1,000, o aj-raqen pa kiwi' ch'aqa' chik tzobaj?

1 Sam 8:12

Xkerukusaj richin xke'ok aj-raqen pa kiwi' ri aj-labal y chuqa' xkerukusaj richin xtikisamajij ri rulew y xtikimol ruchi' ri rutiko'n. Chuqa' xkerukusaj richin xtikiben kamisabel richin labal y ronojel samajibel ri k'atzinel chire ri ru-carruaje.