2 Sam 17:9 - Kaqchiquel Bible

⁹ Y re wakami yan, rik'in juba' rewan-ri' pa jun jul o juk'an chik. Y wi ek'o chike ri qawinaq xkeken kan, ri xke'ak'axan xa xtikibij chi roj xa xojch'akatej yan.

2 Sam 17:9 ပူးပေါင်းရင်းမြစ်များ

2 Sam 17:10

Y stape' ri qawinaq maneq xibinri'il chikiwech, achi'el ri koj, xa xkemayamo-qa, roma chijun tinamit Israel ketaman chi ri atata' jun achin ri maneq xibinri'il rik'in, y keri' chuqa' ri achi'a' ri ek'o rik'in rija'.

2 Sam 17:8

Y chuqa' ri Husai xubij chire: Rat awetaman chi ri atata' y ri achi'a' ri e beneq rik'in, e achi'a' ri man nikixibij ta ki'. Wakami rije' kan itzel kina'on y yakatajineq koyowal achi'el jun ixoq oso toq e majon-el ri taq ral chuwech. Chuqa' ri atata', rija' jun achin ri kan richin oyowal, y man xtuq'axaj ta re aq'a' re' junan kik'in ri ruwinaq.

Wuj Richin ri Jeremías 41:9

Y ri jul ri akuchi xeruya-wi ri kich'akul ri kaminaqi' ri xerukamisaj ri Ismael, ja jul ri' ri xuben ri rey Asá ojer kan, richin xuto-ri' chuwech ri Baasá, rey richin ri tinamit Israel. Jak'a ri Ismael kan xnojisaj chi kaminaqi'.

Wuj Richin ri Josúe 7:5

Ri aj-Ai xekikamisaj k'a pe e juba' ma e juwineq waqlajuj achi'a' chike ri e rijatzul kan ri Israel y xekitzeqelibej-pe ri ch'aqa' chik toq xe'el-pe chiri' chuchi' ri tinamit y xe'apon k'a akuchi ye'elesex-wi abej; y xech'akatej chupan ri xulan-bey y roma ri' ri e rijatzul kan ri Israel xmayamo-qa ri kánima.

Wuj Richin ri Josúe 8:6

Xkepe k'a chiqij, y xkeqelesaj-pe nej chire ri tinamit, roma xtikibij: Xa ye'animej chiqawech achi'el ri nabey mul, xkecha' rije'. Jari' toq xqojanimej k'a pe chikiwech.

1 Sam 22:1

Y chirij re', ri David xel k'a el pa Gat richin xrewaj-el-ri' chupan ri jul chiri' pa Adulam. Y toq ri rach'alal y konojel ri ek'o pa rachoch ri rutata' xketamaj akuchi k'o-wi chuqa' rije' xbekewaj-ki' rik'in.

1 Sam 23:22

Wakami k'a kixbiyin y titz'eta' jebel akuchi rewan-wi-ri', y achike tz'eteyon chiri', roma yin wak'axan chi rija' janila nowineq.

1 Sam 24:3

Y toq ri Saúl xapon akuchi yek'oje-wi ri tzobaj karne'l ri chuchi' bey, chiri' k'o k'a jun nimalej jul. Y rija' xok k'a apo chiri' richin xbechulun kan. Jak'a ri David y ri aj-labal xa kan k'a chupan apo ri jul ri' ek'o-wi.