2 Sam 17:7 - Kaqchiquel Bible

⁷ K'ari' ri Husai xubij chire ri Absalón chi ri na'oj ri xuya' ri Ahitófel, man utz ta.

2 Sam 17:7 ပူးပေါင်းရင်းမြစ်များ

2 Sam 15:31

Y ri David kan retaman chik k'a chi ri Ahitófel k'o chikikojol ri e yakatajineq chirij. Roma ri' xuk'utuj utzil chire ri Dios chi xtuyoj ta ronojel ri ruch'obonik ri Ahitófel.

2 Sam 15:34

Y xubij chire chi titzolin pa tinamit richin niberubij chire ri Absalón chi rija' xtok jun rusamajel achi'el rubanon-pe rik'in ri rutata'. Ri David xubij re' richin chi ri rupixabanik ri Ahitófel xtiyojtej ta.

2 Sam 16:21

K'ari' ri Ahitófel xubij chire ri Absalón: Wakami, kak'oje' kik'in ri e ru-concubina kan ri atata', ri e ruya'on kan richin nikichajij ri rachoch rija'. Y keri' konojel k'a ri qawinaq xtikak'axaj chi rat kan xaqasaj ruq'ij ri atata'. Y kan xtik'oje-el awuchuq'a' rat y konojel ri ek'o awik'in, xcha'.

2 Sam 17:6

Toq ri Husai xapon, ri Absalón xutzijoj chire ronojel ri xubij ri Ahitófel. K'ari' xuk'utuj chire wi ruk'amon nikiben o ni. Y wi man ruk'amon ta, tubij k'a rija' ri ruk'amon chi nikiben.

Wuj Richin Etamabel-Tzij 31:8

Rat wal yin, kan takusaj k'a ri achi', richin ye'ato' ri winaqi' ri maneq kich'abel; kan takusaj k'a ri achi' richin chi ye'ato' chuwech ri ruk'ayewal ri nikiq'axaj ri maneq kite-kitata'.