2 Sam 17:29 - Kaqchiquel Bible

²⁹ kab ri nikiya' taq chikopi', mantequilla, karne'l y queso. Ronojel re' kik'uan-el roma xkibij-qa chi ri David y ri winaqi' ri ek'o rik'in janila chik yenum, e kosinaqi' y chaqi'j kichi' roma e peteneq pa tz'iran ruwach'ulew.

2 Sam 17:29 ပူးပေါင်းရင်းမြစ်များ

2 Sam 16:14

Y toq ri rey y ri ruwinaq xe'apon chuchi' ri raqen-ya' Jordán, janila e kosinaqi' chik. Roma ri' xe'uxlan-qa chiri'.

2 Sam 16:2

Ri David xuk'utuj chire ri Sibá ri achike roma ruk'uan-el ronojel ri'. Y rija' xubij chi ri taq bur richin yech'oke-el ri rixjayil y ri ralk'ual ri David. Ri kaxlan-wey, ri uva y ri wíkix richin nikitej ri aj-labal, y ri vino richin nikiqum ri janila chaqi'j kichi' pa tz'iran ruwach'ulew.

2 Sam 17:2

Y xkinapon k'a kik'in roma rije' janila e kosinaqi' chik y maneq chik kuchuq'a'. Xtinben k'a chike chi xtipe xibinri'il kik'in, y xa xke'animej. Y keri' kan xaxe k'a ri rey ri xtinkamisaj kan,

Wuj Richin Bix Chire ri Dios 107:5

Rik'in k'a wayjal y chaqi'j-chi'ij, ri kánima kan nimayamo' yan qa.

Wuj Richin Bix Chire ri Dios 84:11

Roma rat Jehová Dios, kan ja rat yasaqirisan ri qabey, y yojachajij; kan naya' ri utzil y ruwaq'ijaj chike ri yebiyin choj chawech rat, y kan man nawelesaj ta k'a ri awutzil pa kiwi'.

Wuj Richin Etamabel-Tzij 21:26

Ek'o winaqi' ri kan niq'ax ri q'ij pa kiwi' y ronojel yekirayila' chi k'o ta pe kik'in, jak'a ri wineq ri choj ruk'aslen, roma kan k'o ri nukusaj, kan rik'in kikoten nuya'.

Wuj Richin ri Isaías 21:14

Kebe'ik'ulu' ri winaqi' ri chaqi'j-kichi', y tik'uaj-el kiya'. Rix winaqi' aj-Temá tik'uaj-el kikaxlan-way ri e animajineq-pe.

Wuj Richin ri Isaías 58:7

Chuqa' kan tiya' ri iway chike ri maneq kiway, y kan tik'ulu' pan iwachoch ri maneq rachoch roma man iwinaq ta. Ri maneq kitziaq, kan tiya' kitziaq, y man tiya' kan richin ye'ito' ri iwach'alal.

San Lucas 8:3

Chuqa' beneq ri jun ixoq ri rubini'an Juana, rixjayil ri jun achin rubini'an Cuza. Y re achin re' jun rusamajel ri Herodes Antipas. Chuqa' beneq ri jun ixoq rubini'an Susana. Ek'o chuqa' ch'aqa' chik ixoqi' ri e beneq ri kan yekito' ri Jesús y ri rutijoxela'.

Romanos 12:13

Toq ek'o ch'aqa' qach'alal ri k'o nik'atzin chike, kan ke'ito'. Y wi ek'o qach'alal ri e aj juk'an chik, man kixkos richin nisuj chike richin ye'uxlan kan pan iwachoch y niya' ri nik'atzin chike.

1 Sam 17:18

Y chire ri aj-raqen pa kiwi' ri awach'alal, nak'uaj-el re lajuj queso re'. Kabiyin y ye'atz'et kan ri animal achike kibanon. Wi utz kiwech, nak'en-pe chuwe jun xabachike retal richin kan q'alaj chi kan e utz, xcha'.