2 Sam 17:22 - Kaqchiquel Bible

²² K'ari' ri David xyakatej-el y chuqa' konojel ri winaqi' ri ek'o rik'in. Y konojel k'a xkiq'axaj ri raqen-ya' chupan ri aq'a' ri'.

2 Sam 17:22 ပူးပေါင်းရင်းမြစ်များ

San Juan 18:9

Rija' keri' ri xubij, richin keri' nibanatej na k'a achi'el ri rubin toq xubij: Nata' Dios, chike k'a ri winaqi' ri xe'aya' chuwe, kan man jun k'a ri xtisach ta kan chike, nicha'.

San Mateo 10:16

Wakami yin yixinteq-el, achi'el taq karne'l ri yixbeqaqa chikikojol ri winaqi' ri e achi'el utiwa'. Jak'a rix xa kan kixok k'a nowineq achi'el nuben ri kumetz. Kan man tich'upu ik'u'x. Xa tibana' achi'el jun paloma ri kan man jun etzelal ri k'o ta rik'in.

Wuj Richin Etamabel-Tzij 27:12

Ri wineq ri kan k'o na'oj rik'in, toq nunabej chi k'o ruk'ayewal peteneq, nukanoj akuchi nuto-ri'; jak'a ri wineq ri xa maneq runa'oj, choj nibe y k'a pa ruk'ayewal nibeqaqa-wi.

2 Sam 17:24

Chirij ri' ri David xel-el chuchi' ri raqen-ya' y xapon pa tinamit Mahanaim. Ri Absalón chuqa' xuq'axaj ri raqen-ya' Jordán kik'in ri ruwinaq ri e richin oyowal.

Wuj Richin ri Q'axanri'il 31:49

y xkibij chire: Qajaw, xeqajlaj ri aj-labal ri ek'o pa qaq'a' y qonojel k'a ojk'o y man jun xken kan chiqe.

2 Sam 17:21

Y toq xebe yan ri e tzeqelibeyon kichin, ri kewan-ki' pa pozo xe'el-pe, y xebe richin xbekibij chire ri David chi chi'anin keyakatej-el, y tikiq'axaj ri raqen-ya' Jordán, roma ri Ahitófel k'o ri ruch'obon chikij.

2 Sam 17:23

Jak'a toq ri Ahitófel xunabej chi man xban ta ri xubij rija', xuben-el ruchojmil ri rukiej, xch'oke' k'a el chirij y xbe chirachoch pa rutinamit. Xuchojmirisaj k'a kan ronojel y k'ari' xberujitz'aj-ri'. Y keri' xken y xmuq akuchi muqun-wi ri rutata'.

Wuj Richin Bix Chire ri Dios 42:6

Ink'o wawe' akuchi nitiker-wi-el ri raqen-ya' Jordán, pa juyu' Hermón y ri Misar. Janila yibison, y roma ri' kan janila yatinquqa' rat.