2 Sam 17:17 - Kaqchiquel Bible

¹⁷ Y ri Jonatán y ri Ahimaas man pa Jerusalem ta k'a ek'o-wi; rije' xa ek'o pan En-roguel. Y roma man utz ta chi yetz'etetej rije' chiri' pa tinamit Jerusalem, ri e ka'i' sacerdote xa jun ixoq aj-ik' ri xkiteq-el chuya'ik re rutzijol re' chike rije'. Y rije' kan xebe k'a richin nibekibij chire ri David.

2 Sam 17:17 ပူးပေါင်းရင်းမြစ်များ

2 Sam 15:36

Y ri e kik'ajol rije', ri Ahimaas y ri Jonatán, ja rije' ri xkebeya'on rutzijol chire rija'.

2 Sam 15:27

Jak'a rat Sadoc roma kan natz'et ronojel ri peteneq-apo chiqawech, más utz katzolin kan pa tinamit rik'in uxlanibel-k'u'x. Katzolin kan rik'in ri ak'ajol Ahimaas, y chuqa' ri Abiatar rachibilan ri Jonatán ri ruk'ajol.

Wuj Richin ri Josúe 18:16

Y re k'ulba't re' nuchojmij-ri' pa xokon y niqaqa pa taq'aj kojol juyu' Ben-hinom, ri k'o pa xaman chire ri taq'aj kojol juyu' Refaim. Chirij re' nuchojmij-ri' pa relebel-q'ij y niq'ax pa xokon chire ri juyu' kichin ri aj-Jebús, y napon-qa pa ralaxbel-ya' richin Roguel.

Wuj Richin ri Josúe 15:7

Y napon k'a pa taq'aj kojol juyu' richin Acor y nijote-q'anej k'a pa tinamit Debir, nuchojmij-el-ri' pa xaman y napon k'a jun chik tinamit Guilgal, nitzu'un-qa chuwech ri ruwa-juyu' Adumim, ri k'o pa xaman y ri ch'uti'n raqen-ya' niq'ax chikikojol. Y ri k'ulba't ri' niq'ax-el k'a rik'in ri ralaxbel-ya' richin Semes, y napon k'a rik'in ri ralaxbel-ya' richin Roguel.

1 Rey 1:9

Y k'o k'a jun q'ij ri Adonías xuben k'a jun nimaq'ij y xerukamisaj k'a nima'q y kokoj taq awej, ri kan jebel e ti'oj; y re' xuben chunaqaj ri jun nimalej abej rubini'an Zohélet, ri k'o chunaqaj ri ralaxbel-ya' Roguel. Y xeroyoj k'a konojel rach'alal ri e ralk'ual ri rey, y konojel ri e achi'a' ri aj-Judá ri e rusamajela' ri rey;

1 Rey 1:42

K'a nitzijon na k'a rija', toq xapon chiri' ri Jonatán ri ruk'ajol ri sacerdote Abiatar. Y ri Adonías xubij chire: Katok, rat ala' ri kan k'o awejqalen, y tabij k'a ri rutzijol ri ak'amon-pe, xcha'.

2 Sam 15:35

Xubij chi chiri' xtiberuk'ulu-ri' kik'in ri Sadoc y ri Abiatar, y ronojel ri achike xtrak'axaj-pe chupan ri rachoch ri rey, tubij chike rije'.