2 Sam 17:16 - Kaqchiquel Bible

¹⁶ Y ri Husai xubij k'a chike chi chi'anin tikitaqa' rutzijol chire ri David chi man tikanej-qa re jun aq'a' re' chuchi' ri tz'iran ruwach'ulew, xa kan tuk'owisaj chi'anin ri raqen-ya' Jordán, richin man nikamisex ta rija' y ri ek'o rik'in.

2 Sam 17:16 ပူးပေါင်းရင်းမြစ်များ

2 Sam 15:28

Yin xkik'oje' pa taq'aj chire ri tz'iran ruwach'ulew, k'a toq xtiteq-pe rutzijol wik'in, xcha'.

2 Corintios 5:4

Roj kan yojjilon y niqak'owisaj tijoj-poqonal rik'in re ch'akulaj re qak'uan, jak'a man niqajo' ta chi niqaya' yan kan. Ri niqajo' ja ri nipe yan ta ri k'ak'a' qachoch, richin keri' ri ch'akulaj ri xa kamel nijalatej yan ta rik'in ri man kamel ta.

1 Corintios 15:54

Y jak'a toq ri qach'akul xtijalatej, y man xtiq'ey ta chik, y chuqa' man xtiken ta chik, jari' toq xtibanatej ri tz'ibatel kan chupan ri ruch'abel ri Dios, toq nubij:*f18* Ri kamik xch'akatej yan y man jun chik ruq'a' chiqe, nicha'.

Wuj Richin Bix Chire ri Dios 57:3

Kan k'a chila' chikaj nateq-pe ri awutzil pa nuwi' y kan yirukol chuwech ri kich'abel ri e etzelanel wichin. Rat kan nateq k'a pe ri ajoyowanik pa nuwi' y kan naben wik'in ri nabij.

Wuj Richin Bix Chire ri Dios 56:2

Kan chijun k'a q'ij ri e etzelanel wichin nikiqasaj nuq'ij. Janila k'a e k'iy ri yebanon oyowal wik'in, rik'in nimirisanen.

Wuj Richin Bix Chire ri Dios 55:8

Kan chi'anin ta k'a ninto-wi' chuwech ri nimalej kaq'iq'. Kan yinanimej ta k'a chuwech ri kaq'iq'-job.

Wuj Richin Bix Chire ri Dios 35:25

Man tikibij-qa pa taq kánima: Qánima jare' ri niqajo', y man tikibij chuqa': Xojtikir chirij.

2 Sam 15:14

K'ari' ri David xubij chike konojel ri e tata'al ri k'a ek'o rik'in: Qojyakatej y qojanimej, roma man xqojtikir ta xtiqakol-qi' chuwech ri Absalón. Wi man xqojanimej ta, man xqojkolotej ta, y ri Absalón kan xtuben k'a janila chi kamik. Jo' chi'anin richin man yojruq'i' ta y yojruk'is roj y konojel ri winaqi' richin re tinamit, xcha'.

1 Sam 20:38

K'ari' ri Jonatán xsik'in chik apo jun bey chire ri ti ala' y xubij: Chi'anin ri', man yapa'e-qa, xcha'. Y ri ti ala' xeberusik'a-pe ri kokoj raqen-ch'ab, y xtzolej-pe rik'in ri Jonatán.

2 Sam 15:35

Xubij chi chiri' xtiberuk'ulu-ri' kik'in ri Sadoc y ri Abiatar, y ronojel ri achike xtrak'axaj-pe chupan ri rachoch ri rey, tubij chike rije'.