2 Sam 17:14 - Kaqchiquel Bible

¹⁴ Ri Absalón y konojel ri israelita kan utz k'a xkak'axaj ri rupixabanik ri Husai arquita chuwech ri rupixabanik ri Ahitófel. Kere' xbanatej roma ri Jehová kan rubin chik chi ri rupixabanik ri Ahitófel xa xtiyojtej, richin chi xtiqaqa ri ruk'ayewal pa ruwi' ri Absalón.

2 Sam 17:14 ပူးပေါင်းရင်းမြစ်များ

2 Sam 15:34

Y xubij chire chi titzolin pa tinamit richin niberubij chire ri Absalón chi rija' xtok jun rusamajel achi'el rubanon-pe rik'in ri rutata'. Ri David xubij re' richin chi ri rupixabanik ri Ahitófel xtiyojtej ta.

Wuj Richin ri Isaías 8:10

Stape' xtich'ob ri achike niben, jak'a kan man jun utz xtel chiwech. Nibij-apo ri niwajo' niben, jak'a xa kan man xtibanatej ta, roma ri Dios kan k'o-wi qik'in roj, xecha' ri aj-Judá.

Wuj Richin Etamabel-Tzij 21:30

Ri na'oj, ri etamabel y ronojel ri pixa' ri xa richin ok ri wineq, xa kan e man jun ok chuwech ri Jehová.

Wuj Richin Etamabel-Tzij 19:21

Ri pa ránima ri wineq kan k'o k'iy ri nrajo' nuben, y ri nibanatej xaxe ri nrajo' ri Jehová.

2 Sam 15:31

Y ri David kan retaman chik k'a chi ri Ahitófel k'o chikikojol ri e yakatajineq chirij. Roma ri' xuk'utuj utzil chire ri Dios chi xtuyoj ta ronojel ri ruch'obonik ri Ahitófel.

1 Corintios 3:19

Roma chuwech ri Dios, ri na'oj richin re ruwach'ulew xa kan man jun nik'atzin-wi, achi'el ri nubij chupan ri ruch'abel ri tz'ibatel kan: Ri winaqi' ri nikikuquba' kik'u'x rik'in ri na'oj ri k'o kik'in, k'iy bey xa chubanik ri etzelal nikikusaj-wi y chiri' k'a yeruchop-wi ri Dios y yeqaqa pa ruq'a'.*f7*

San Lucas 16:8

Toq ri rajaw ri beyomel xrak'axaj ri xuben ri jun itzel samajel ri', xubij chi kan rik'in na'oj xuben ronojel ri'. Achi'el k'a ri achin ri', e keri' ri winaqi' ri k'a kikuquban na kik'u'x rik'in ri ruwach'ulew. Y janila wi e nowineq chikiwech ri kiniman ri Dios y e richin chik ri saqil.

Wuj Richin ri K'uxla'anik 3:37

Man jun yojtikir niqaben wi ri Jehová man nuya' ta q'ij chiqe.

2 Sam 16:23

Chupan ri q'ij ri' ri pixabanik ri nuya' ri Ahitófel kan kibanon k'a chire chi achi'el xa ta kan ja ri Dios ri nich'on kik'in. Y roma ri' ri David jantape' xuk'ulubej, y keri' chuqa' xuchop rubanik ri Absalón.

Wuj Richin ri Rutikeribel 32:28

Y rija' xubij chire ri Jacob: Man xtabini'aj ta chik Jacob, xa kan xtabini'aj k'a Israel, roma xatej-aq'ij richin xach'ek ri Dios y ri achi'a'; y kan xach'akon, xcha'.

Am 9:3

Chuqa' stape' xtikewaj-ki' pa ruwi' ri juyu' Carmelo kan k'a chiri' xkenwil-wi-pe. Stape' nibekewaj-ki' chinuwech chupan ri palou, yin xtinteq ri chikop aj pa ya' chikij richin xkeruk'is.

Wuj Richin Bix Chire ri Dios 9:16

Ri Jehová kan xuk'ut k'a ri' chi rija' pa ruchojmilal niq'aton-wi-tzij; jak'a ri e banoy taq etzelal xa xetzaq chupan ri pikbel ri kibanon rije'.

2 Crón 25:20

Jak'a ri Amasías man xniman ta chire re ch'abel re', roma ri Dios kan rubanon chik chire chi nich'akatej koma ri israelita ri ek'o pa xaman, roma xa xuya' kiq'ij ri dios kichin ri aj-Edom.

2 Crón 25:16

Y toq ri q'alajirisanel nubij keri', jari' toq ri rey xubij-apo: ¿At ya'on kan rat richin napixabaj ri rey? Man chaq ronojel ke'abij. ¿O nawajo' richin yakamisex?, xcha'. K'ari' ri q'alajirisanel xtane' rik'in re ch'abel re': Wakami wetaman chik chi ri Dios kan xkaberuk'isa' roma kere' xaben, y man xataqej ta ri xinbij chawe, xcha'.

Deut 2:30

Jak'a ri rey ri' man xuya' ta q'ij richin xojq'ax-el chupan ri ruwach'ulew, roma ri Jehová ri qa-Dios xukowirisaj ri ránima y kan xupaba-ri' chiqawech. Ri Jehová xuben keri' richin chi xujech pa qaq'a' ri Sihón y ri ruwach'ulew.

Ex 9:16

Jak'a yin kan qitzij ri ninbij chawe chi kan nuya'on-wi ri ak'aslen, richin chi ri nibanatej awik'in, xtuben chi niq'alajin ri wuchuq'a' yin; y keri' kan xtinimirisex k'a ri nubi', chuwech chijun re ruwach'ulew.

2 Crón 10:8

Jak'a ri Roboam man xuya' ta ruxikin chire ri xkibij ri achi'a' ri', y xa xuk'utuj chik runa'oj kik'in ri alaboni' ri junan e k'iyineq rik'in, ri e rusamajela' chuqa'.

Wuj Richin ri Nehemías 4:15

Toq ri e etzelanel qichin xketamaj chi roj qanaban chik qi', y ri qa-Dios xuwulaj chikiwech ronojel ri kich'obonik, qonojel roj xojtzolin chik richin xqaben chik q'anej jun bey ri qasamaj rik'in ri tz'aq.

Wuj Richin Bix Chire ri Dios 9:15

Ri winaqi' richin ch'aqa' chik ruwach'ulew xekibanala' jul, xekiyala' pikbel y xa ja rije' ri xeqaqa chupan.

Wuj Richin ri Josúe 11:20

Xbanatej k'a ronojel re' roma kan ja ri Jehová xkowirisan ri kánima ri winaqi', richin xkiben oyowal kik'in ri aj-Israel. Y ri Jehová xuben keri' richin chi xekamisex, y man jun xjoyowan ta kiwech. Keri' xek'is konojel tinamit, achi'el k'a xubij ri Jehová chire ri Moisés.

2 Crón 10:15

Ri rey man xerak'axaj ta ri winaqi' ri', roma ja ri Dios xbanon chire richin keri' nibanatej, achi'el ri rubin ri Dios chire ri Ahías ri aj-Siló chirij ri Jeroboam ri ruk'ajol ri Nabat, chi keri' xtibebanatej.

Wuj Richin ri Achin Job 12:17

Rija' kan nuben k'a chike ri yepixaban chi nik'is ch'abel kik'in, y nuben nakaneq chike ri to'onela'.