2 Sam 17:12 - Kaqchiquel Bible

¹² K'ari' xqojbe xabakuchi-k'o-wi ri atata', y xqojqaqa chirij rija' y ri ek'o rik'in, achi'el niqaqa ri raxq'ab pa ruwi' re ruwach'ulew toq nutz'apej ronojel. Y kan man xtiqaya' ta kan rik'in ruk'aslen rija' ni ri achi'a' ri ek'o rik'in.

2 Sam 17:12 ပူးပေါင်းရင်းမြစ်များ

1 Rey 20:10

Y ri Ben-hadad xuteq chik rubixik chire ri rey Acab: Yin xkenk'en k'a pe janila chi achi'a' richin chi nikiwulaj ri atinamit; y kan man jun chik k'a xtik'oje' kan, ni poqolaj richin ta chi nikimoq'ej-el ri achi'a' ri'. Wi yin man xtinben ta keri', ri nu-dios xa kan xtikiya' k'a ruk'ayewal pa nuwi' yin y pa ruwi' ri nutinamit achi'el ri xinwajo' xinben chiwe rix, xcha-el chike.

2 Rey 18:23

Yin xtinben k'a jun jikibel-tzij awik'in rat pa rubi' ri nu-rey: Yin xtinya' 2,000 kiej chawe, wi rat ye'awil 2,000 achi'a' yech'oke' chirij kiej.

2 Rey 19:24

E nuk'oton chuqa' ya' pa ch'aqa' chik ruwach'ulew y chiri' xinqum nuya'. Xabakuchi ri xibe-wi pan Egipto, xenchaqirisaj ri raqen taq ya', xacha-el.

Wuj Richin Bix Chire ri Dios 110:3

Y ri chiri' toq rat xkabe pan oyowal, ri aj-labal xtikisuj-ki' richin xkebe chawij. Y rije' kan xtikitz'apej ruwech ri ruwach'ulew roma janila e k'iy, achi'el ri raxq'ab ri niqaqa toq k'a man ja ni niseqer-q'anej,

Wuj Richin ri Abdías 1:3

Rix ixk'o chukojol nima'q taq abej, ixk'o pa ruwi' taq juyu'; y roma ri' iq'olon-iwi' y chuqa' inimirisan-iwi', y nibij-qa pan iwánima: ¿Achike ta k'a xtitikir xtich'akon chiqij roj?, yixcha-qa.

Wuj Richin ri Miqueas 5:7

Ri qawinaq israelita xtikitaluj-ki' chuwech ri ruwach'ulew, jak'a xtapon chik k'a ri q'ij toq xkek'iyer. Y ri Dios xtibanon ronojel re' achi'el nuteq-pe ri raxq'ab y ri job, y man wineq ta ri nibanon.

1 Sam 23:23

Kan tibetz'eta' k'a jebel ri akuchi k'o-wi, y k'ari' xtik'en-pe rutzijol chuwe. Y yin xkibe chuqa' chiwij richin xtibeqanik'oj. Wi kan chiri' k'o-wi, yin kan xtinkururej chikikojol konojel ri winaqi' aj-Judá, xcha' ri Saúl chike.