2 Sam 17:10 - Kaqchiquel Bible

¹⁰ Y stape' ri qawinaq maneq xibinri'il chikiwech, achi'el ri koj, xa xkemayamo-qa, roma chijun tinamit Israel ketaman chi ri atata' jun achin ri maneq xibinri'il rik'in, y keri' chuqa' ri achi'a' ri ek'o rik'in rija'.

2 Sam 17:10 ပူးပေါင်းရင်းမြစ်များ

Wuj Richin ri Rutikeribel 49:9

Rat Judá, at achi'el kape jun alaj koj, nuk'ajol yin, at achi'el jun alaj koj ri peteneq pa kanonik, niwune' y nikotz'e-qa pan ulew achi'el jun nimalej achij koj, achi'el chuqa' jun nimalej ixoq koj, ri man jun nitikir nijel-apo rik'in richin nuk'asoj.

2 Sam 1:23

Ri Saúl y ri Jonatán kan janila xe'ajowex qoma roj israelita. Rije' kan janila k'a jebel xkik'uaj-ki' toq k'a k'o kik'aslen, chuqa' man jun xch'aron kichin chupan ri kamik. Rije' kan más k'a e anineq chikiwech ri kot, Kan ik'owineq chik ruwi' ri kuchuq'a' chikiwech ri koj.

2 Sam 17:9

Y re wakami yan, rik'in juba' rewan-ri' pa jun jul o juk'an chik. Y wi ek'o chike ri qawinaq xkeken kan, ri xke'ak'axan xa xtikibij chi roj xa xojch'akatej yan.

2 Sam 23:20

Chuqa' ri Benaías ri ruk'ajol ri Joiadá aj-Cabseel man nuxibij ta ri'. Rija' xerubanala' k'a k'iy banobel. Xerukamisaj k'a ri e ka'i' ruk'ajol ri Ariel ri aj-Moab. Chuqa' xqaqa pa jun jul y xukamisaj jun koj toq ruchapon niqaqa jun pim laj tew.

Wuj Richin Bix Chire ri Dios 89:19

K'o k'a jun q'ij toq rat Jehová xach'on qik'in pa jun achi'el achik'. Xabij k'a chiqe: Yin xinya' k'a ruchuq'a' jun nimalej achin richin oyowal. Kan xinsuj yan k'a ri ajawaren chire ri nucha'on chi'ikojol rix.

Ex 15:15

Ri e aj-raqen ri chiri' pan Edom xkelawalo' roma xibinri'il, ri man jun bey nikixibij-ki' chiri' pa Moab, k'ari' xtikixibij-ki'. Y ri aj pa Canaán kan xtikik'en rukiy.

Wuj Richin Etamabel-Tzij 28:1

Ri wineq itzel xa nixibiyaj y jantape' tzeqeliben nuna', jak'a ri chojmilej wineq, kan achi'el jun koj ri xa man jun xibinri'il chuwech.

Wuj Richin ri Nimalej Bix 3:7

Ri jotol-pe ja ri Salomón tz'uyul-pe pa jun ch'aket, k'amon-pe koma e oxk'al aj-labal, ri kan maneq xibinri'il chikiwech, y ri kan janila e utz ri ek'o pan Israel.

Wuj Richin ri Isaías 13:7

Roma ri' konojel ri winaqi' aj chiri' kan xkelawalo-qa; konojel kan xtimayamo-qa ri kánima.

Wuj Richin ri Isaías 19:1

Ri Dios xuteq-pe rutzijol ri xtibebanatej pa ruwi' ri ruwach'ulew Egipto, y jare' k'a: Titz'eta' chi ri Jehová peteneq pa jun sutz', ri anineq peteneq pa ruwach'ulew Egipto. Y konojel k'a ri kiwachibel ri ch'aqa' chik dios kan xkebaybot chuwech. Chuqa' ri winaqi' ri ek'o chiri' kan xtimayamo-qa ri kánima.

Ez 21:15

Roma ri' kan xtimayamo-qa ri kánima; kan janila k'a e k'iy ri xkeken. Pa taq ronojel jay xtapon ri kamik, ja espada re' ri josq'in chik jebel richin nuk'eq koyopa', y e k'iy k'a ri xkerukamisaj.

Deut 1:28

Wakami k'a ¿Akuchi k'a xqojbe-wi? Ri qawinaq ri xeqateq xojokixibij y xkibij chiqe chi ri winaqi' ri ek'o chiri' kan más kuchuq'a' y más nima'q kipalen chiqawech roj y ri kitinamit kan janila e nima'q, y e sutin-kij rik'in tz'aq ri kan janila nej e jotol chikaj. Y chuqa' xkibij chiqe chi xekitz'et kan ri e rijatzul ri Anac. Y roma ri' xqamalij qak'u'x, xixcha'.

Hebreos 11:34

man xek'at ta toq xek'aq pa nimalej taq q'aq', xekolotej chuwech ri espada. Toq maneq chik kuchuq'a', ri Dios xuya' kuchuq'a'. Xech'akon chikij ch'aqa' chik tinamit ri xebanon labal kik'in.

1 Sam 16:18

Y jun chike ri rusamajela' xubij-apo: Yin nutz'eton jun chike ri ruk'ajol ri Isaí aj-Belén. Rija' nitikir niq'ojoman, y kan k'o ruchuq'a', y maneq xibinri'il chuwech richin nibe pan oyowal. Chuqa' kan nino'on rik'in ri ruch'abel y ri nitzu'un kan jebel ok, y ri Jehová kan k'o-wi rik'in, xcha'.

1 Sam 18:17

K'o k'a jun q'ij ri Saúl xubij chire ri David: Yin xtinya' chawe ri numi'al nimalaxel Merab richin xtok awixjayil, wi xtak'ut chi at jun achin ri k'o awuchuq'a' y maneq xibinri'il chawech richin naben oyowal qoma roj ri oj rutinamit ri Jehová, xcha' chire. Jak'a ri Saúl xubij-qa pa ránima: Man ja ta yin ri xkikamisan, xa ja ri aj-Filistea xkekamisan richin, xcha-qa.