2 Sam 16:4 - Kaqchiquel Bible

⁴ K'ari' ri rey xubij chire ri Sibá: Wakami k'a, ronojel ri rulew ri Mefi-bóset xtinwelesaj chire y xtinya' chawe rat, xcha'. K'ari' ri Sibá xubij: Yin ri in asamajel. Kan xtinqasaj k'a wi' chawech, y kan ta beneq ruwech xtinwil utzil awik'in rat, xcha'.

2 Sam 16:4 ပူးပေါင်းရင်းမြစ်များ

2 Sam 14:22

K'ari' ri Joab xuqasaj-qa ri' k'a pan ulew chuwech ri rey, y xubij: Wakami xq'ax chinuwech chi xinwil utzil awik'in rat rey, roma xanimaj nutzij yin ri xa in asamajel, xcha'.

2 Sam 14:4

Xok k'a apo ri ixoq ri' rik'in ri rey, xulukuba-qa ri' k'a pan ulew, retal richin xuqasaj-ri' chuwech, y xuk'utuj utzil chire.

2 Sam 14:8

K'ari' ri rey xubij chire ri ixoq chi titzolin chirachoch, y ja rija' xtichojmirisan ronojel.

2 Sam 16:3

Ri rey xuk'utuj akuchi k'o-wi ri Mefi-bóset. Y ri Sibá xubij chi rija' xa xkanej kan pa Jerusalem, roma xuch'ob chi ri israelita xtikitzolij chire ri ruq'atbal-tzij ri ánima rumama'.

2 Sam 16:5

Y ri rey David ruchapon k'a el bey y napon yan pa tinamit Bahurim. Y pa bey xbe-el k'a pe jun achin rubini'an Simí rijatzul kan ri Saúl y ruk'ajol ri Guerá. Y nroyoj k'a itzel pa ruwi' ri David,

2 Sam 19:27

Man xaxe ta k'a xiruq'ol kan, xa kan xutz'uk chuqa' tzij chuwij chawech rat wajaw. Jak'a rat kan janila na'oj k'o awik'in achi'el jun ángel richin ri Dios. Y roma ri' kan tabana' k'a ri utz nuben chawech rat.

2 Sam 9:6

Y xpe k'a ri Mefi-bóset ruk'ajol kan ri Jonatán y rumam kan ri Saúl. Y toq xapon rik'in ri David, xxuke-qa chuwech y xuya' ruq'ij. Y ri David xuk'utuj chi wi ja rija' ri Mefi-bóset. Y rija' xubij chi kan ja wi rija'.

2 Sam 9:9

K'ari' ri rey xroyoj ri Sibá ri rusamajel kan ri Saúl y xubij chire: Ronojel ri richin kan ri awajaw Saúl y ri kichin kan ri aj pa rachoch, xintzolij kan chire ri Mefi-bóset.

Ex 23:8

Man jun bey tik'ul méro toq ri winaqi' nikajo' yixkipuaqij, roma re' xa xtuben chiwe chi man yixtzu'un ta chik rik'in ruchojmilal y nuxotoba' rubanik ri iq'atbel-tzij ri kan ix choj.

Wuj Richin Etamabel-Tzij 18:13

Ri wineq ri kan chi'anin nich'on yan y xa k'a man jani tik'is-apo rubixik chire ri najowex nik'utux chire; xa nuk'ut chi maneq runa'oj y xa ruyon rija' nuya' ruk'ix.

Wuj Richin Etamabel-Tzij 18:17

Toq k'o jun ch'ojinik napon chuwech jun q'atoy-tzij, kan niq'alajin chi ja ri nich'on nabey jari' ri choj; y k'a toq nich'on na ri rachpochel ri nich'ojin chuqa', k'ari' xtitz'et achike ri aj-mak.

Wuj Richin Etamabel-Tzij 19:2

Ri wineq ri kan man nuch'ob ta jebel ri achike ri nrajo' nuben, man utz ta; roma toq ri wineq kan anineq nrajo' nuben ronojel, xa xtibesach.

Deut 19:15

Wi xa ruyon jun wineq nisujun chirij jun chik wineq rik'in xabachike mak, ch'a'oj o kamik man ruk'amon ta ninimex, xa kan xaxe ninimex kitzij wi yesujun e ka'i' o e oxi' ri xetz'eton ronojel.