2 Sam 16:21 - Kaqchiquel Bible

²¹ K'ari' ri Ahitófel xubij chire ri Absalón: Wakami, kak'oje' kik'in ri e ru-concubina kan ri atata', ri e ruya'on kan richin nikichajij ri rachoch rija'. Y keri' konojel k'a ri qawinaq xtikak'axaj chi rat kan xaqasaj ruq'ij ri atata'. Y kan xtik'oje-el awuchuq'a' rat y konojel ri ek'o awik'in, xcha'.

2 Sam 16:21 ပူးပေါင်းရင်းမြစ်များ

Wuj Richin ri Rutikeribel 34:30

Y ri Jacob xubij chike ri Simeón y ri Leví: Rix janila xiniya' pa ruk'ayewal roma xe'ikamisaj kan re rajaw re ruwach'ulew re'. Wakami xtikimol k'a pe ki' chiqij ri e rijatzul kan ri Canaán y ri Feres y roj xa man oj k'iy ta ok ri achi'a'; xkinkikamisaj k'a yin y ri e aj pa wachoch, xcha' chike.

Wuj Richin ri Rutikeribel 35:22

Rokik ri Israel k'o chupan ri ruwach'ulew ri', jari' toq ri Rubén xk'oje' rik'in ri Bilhá, ri jun chik rixjayil ri rutata'; y ri Israel xunabej k'a ri xbanatej. Y konojel ralk'ual ri Israel e kablajuj.

Wuj Richin ri Rutikeribel 38:16

Y roma ri Judá man retaman ta chi xa ja ajk'a ri rali' ri pa'el ri chiri', rija' xpa'e-qa y xjel-apo rik'in ri chiri' chuchi' ri bey y xubij chire: Taya' q'ij chuwe richin yik'oje' awik'in, xcha' chire. Y ri Tamar xubij chire: ¿Achike naya' chuwe richin yak'oje' wik'in?, xcha'.

Wuj Richin ri Rutikeribel 6:4

Chupan ri q'ij ri', toq ri e ralk'ual ri Dios xek'ule' kik'in ri xtani' ri', y xe'alk'ualan k'a, ek'o k'a achi'a' ri nima'q kipalen*f8* chuwech ri ruwach'ulew ri yekiya' pa k'ayew ri ch'aqa' chik. Y chikij k'a rije' ek'o k'a chuqa' ch'aqa' chik itzel taq achi'a' ri kan e achi'el ri xeq'ax yan ri xek'uluyaj-pe. Jare' ri itzel taq achi'a' ri maneq xibinri'il chikiwech ri yalan xenatex ri ojer kan.

2 Sam 10:6

Y toq ri amonita xkinabej chi ri David janila chik itzel yerutz'et, jari' toq xekitoj e 20,000 aj-labal ri yebe chikaqen ri e aj-Siria ri ek'o pa tinamit Bet-rehob y ri ek'o pa tinamit Sobá. Chuqa' xekitoj-el e 1,000 achi'a' ri e aj-Maacá, y 12,000 achi'a' e aj-Is-tob.

2 Sam 12:11

Re ruk'ayewal re' xtipe pan awi' y kan ja ri e aj pan awachoch ri xkek'amon-pe pan awi'. Kan chawech rat xkenk'uaj-el ri awixjayilal y xkenjech chire jun chike ri aj pan awachoch, richin xtik'oje' kik'in. Y re' man pan ewel ta xtibanatej-wi, roma xa kan chijun re tinamit xtitz'eton. Rat abanon-pe ri mak ri' pan ewel, jak'a yin xtinben richin xtiq'alajin chuwech chijun re ruwach'ulew Israel. Yin Jehová ri yibin, xcha' ri Natán.

2 Sam 13:5

Y ri Jonadab xubij chire: Kakotz'e' pan ach'at, y tabana' chi at yawa'. Y toq ri atata' xtipe chi aq'ejeloxik, tabij chire chi tutaqa-pe ri Tamar awik'in richin chi norubana' kan away, richin keri' kan natz'et-apo, y keri' ja rija' xkatzuqu, xcha'.

2 Sam 15:16

K'ari' ri David xuchop-el bey y xeruk'uaj-el ri ralk'ual y ri rixjayil. Jak'a k'a xeruya' na kan e lajuj ru-concubina richin nikichajij kan ri rachoch.

2 Sam 16:20

K'ari' ri Absalón xuk'utuj chire ri Ahitófel ri achike k'atzinel nikiben.

2 Sam 17:7

K'ari' ri Husai xubij chire ri Absalón chi ri na'oj ri xuya' ri Ahitófel, man utz ta.

2 Sam 2:7

Wakami k'a titija' iq'ij y kixok achi'a' ri maneq xibinri'il chiwech. Stape' ri Saúl ri qa-rey xa xken, jak'a re wakami ri winaqi' aj-Judá xkiqasaj aceite pa nuwi' yin richin xkiben rey chuwe, xcha-el ri David.

2 Sam 20:3

Y toq xapon ri David pa rachoch chiri' pa Jerusalem, xeroyoj ri lajuj ru-concubina ri e ruya'on kan richin nikichajij ri rachoch. K'ari' xeruya' pa jun chik jay, xerilij y xechajix chiri', jak'a man jun bey chik xk'oje' kik'in. Xa kan xetz'ape' chiri', y xek'oje' achi'el malkani' k'a xeken na el.

1 Rey 11:25

Kan xretzelaj ri tinamit Israel janipe' xk'ase-el ri rey Salomón. Ri Hadad y ri Rezón, rey pa ruwi' ri ruwach'ulew Siria, kan janila k'a chi etzelal xkiben chire ri Salomón.

1 Rey 2:17

rija' xubij: Ninwajo' chi yach'on ta juba' rik'in ri rey Salomón, roma rija' xtunimaj atzij rat. Yin ninwajo' chi nak'utuj ta chire richin nuya' ta q'ij chuwe chi nok wixjayil ri Abisag ri aj-Sunem, xcha' ri Adonías.

1 Rey 2:22

K'ari' ri Salomón xubij chire ri rute': ¿Achike k'a roma nak'utuj ri Abisag ri aj-Sunem richin nok rixjayil ri Adonías? ¿O xa nawajo' nak'utuj chuqa' ri q'atbel-tzij richin rija'? Wi keri', kan utz k'ari', roma ja rija' nimalaxel. ¡Pa ruwi' ri' ek'o ri sacerdote Abiatar y ri Joab rik'in!, xcha'.

Wuj Richin ri Chojmirisabelri'il 18:8

Chuqa' man jun tik'oje' rik'in ri rixjayil ri rutata', richin man nuqasaj ruq'ij ri rutata'.

Wuj Richin ri Chojmirisabelri'il 20:11

Wi k'o ta jun achin ri nik'oje' rik'in ri rixjayil ri rutata', rija' kan nuqasaj-ruq'ij ri rutata': Roma ri' kan xtikamisex k'a ri achin y ri ixoq, roma kiyon rije' xkikanoj kikamik.

Wuj Richin ri Zacarías 8:13

Ri ojer kan xixok etzelanik chikikojol ri ruwach'ulew. Jak'a chiwech-apo, rix winaqi' aj-Judá y ri aj-Israel, xkixinkol y xkixok jun urtisanik. Roma ri' man k'a tik'oje' xibinri'il iwik'in; xa kan tik'oje' iwuchuq'a'.

1 Corintios 5:1

Kan xetamex k'a ri mak ri banatajineq chi'ikojol rix, ¡roma k'o jun qach'alal ri xkik'en-qa-ki' rik'in ri ruyijte' ri pa jay! re banobel re', ni ri winaqi' ri man ketaman ta ruwech ri Dios man jun bey nikiben.

1 Sam 13:4

Y konojel k'a ri israelita xkak'axaj chi ri Saúl xuch'ek yan ri akuchi ek'o-wi-qa ri aj-Filistea ri e etzelanel kichin. K'ari' rije' xkimol-ki' rik'in ri Saúl chiri' pa Guilgal.

1 Sam 27:12

Ri rey Áquis kan xukuquba' ruk'u'x rik'in ri David, y xubij-qa: Ri winaqi' aj-Israel kan itzel chik nikina' chire, y roma ri' rija' xtok nusamajel richin q'asen, xcha-qa.