2 Sam 16:11 - Kaqchiquel Bible11 K'ari' ri David xubij chire ri Abisai y chike konojel ri e tata'al: Wi ri nuk'ajol ri walk'ualan, nrajo' nrelesaj nuk'aslen, ¡K'a ta la' chik k'a jun chike ri rijatzul kan ri Benjamín! Tiya' k'a q'ij chire richin nroyoj itzel pa nuwi', roma rik'in juba' kan ja ri Jehová biyon chire. အခန်းကိုကြည့်ပါ။ |
Xk'oje' k'a jun achin ri janila banoy etzelal ri rubini'an Sebá, ruk'ajol ri Bicrí aj-Benjamín. Rija' nuxupuj k'a trompeta y nubila': Roj man jun achike ta niqoyobej chi nuya' ri David chiqe. Man jun niqach'ek chi niqatzeqelibej re ruk'ajol kan ri Isaí. Qonojel roj israelita qojtzolej pa qachoch, nicha'.
Y ri Jehová xuteq-pe jun ángel richin xeruk'is konojel ri aj-labal aj-Asiria ri ek'o chiri'; chuqa' xek'is konojel ri aj-raqen y ri achi'a' ri k'o más kiq'ij. Chirij re' ri Senaquerib xtzolin pa rutinamit rik'in janila k'ix. Y k'o k'a jun q'ij, xapon pa rachoch ri ru-dios, y kan chiri' k'a xkamisex-wi kan chi espada koma ri ralk'ual.
Wakami k'a wajaw tabana' utzil tawak'axaj k'a ri nuch'abel yin, ri asamajel. Wi ja ri Jehová xbin chawe richin yayakatej chuwij, rik'in juba' rija' xtuk'ul ta jun sipanik chiqawech ri xtiqasuj chire. Jak'a wi ja ri achi'a' ri xetaqchi'in awichin, ri Jehová xtuben chi xtiqaqa itzel pa kiwi', roma kan xinkelesaj-pe richin chi yin man yinichinan ta kik'in chupan ri qaruwach'ulew. Rije' chuqa' xkibij chi yin xkensamajij ch'aqa' chik dios.