2 Sam 16:1 - Kaqchiquel Bible

¹ Toq ri David k'a juba' tuya' kan ri ruwa-juyu', jari' toq k'o jun achin rubini'an Sibá rusamajel ri Mefi-bóset xapon chuk'ulik ri David. Y e ruk'uan-el ka'i' taq bur ri ruya'on-el kixalma. Y chikijujunal kik'uan-el 200 kaxlan-wey, wok'al etabel uva ri chaqirisan, wok'al etabel wíkix ri chaqirisan y jun k'ojelibel ri banon rik'in tz'um nojineq-el chi vino.

2 Sam 16:1 ပူးပေါင်းရင်းမြစ်များ

2 Sam 15:30

Ri David xuchop chik k'a el bey chuwech ri juyu' richin olivo, y maneq k'a ruxajab beneq. Noq' y ruya'on-el jun tzieq pa rujolon retal richin bis. Y konojel ri winaqi' ri e beneq rik'in chuqa' kiya'on-el tzieq pa kijolon y ye'oq' e beneq.

2 Sam 15:32

K'ari' ri David xapon-q'anej pa ruwi' ri juyu' richin olivo ri akuchi niya'ox ruq'ij ri Dios ojer. Jari' toq xuk'ul-ri' rik'in ri Husai arquita, beneq rik'in rutziaq tzeretzik, y ruya'on-el ulew pa rujolon, retal richin rija' nibison rik'in ri David.

2 Sam 19:17

Rija' e ruk'uan-el e 1,000 achi'a' aj-Benjamín, y chuqa' ri Sibá ri samajel pa rachoch kan ri Saúl, e rachibilan-el e wolajuj ruk'ajol y e juwineq rusamajela'. Xkiq'axaj k'a apo ri raqen-ya' richin xe'apon rik'in ri rey David.

2 Sam 19:32

Ri Barzilai janila k'a ti ri'j chik; jumuch' chik rujuna'. Rija' jun achin beyom, y ja rija' ri xya'on ronojel k'atzinel chire ri rey toq xk'oje' chiri' pa Mahanaim.

1 Crón 12:40

Chuqa' ri yepe nej chire ri ruwach'ulew Isacar, ri Zabulón y ri Neftalí xkik'en-pe ri k'o chi nitij, chikij bur, camello, kowilej taq kiej y bóyix. Y ri kik'amon-pe ja ri k'ej, wíkix ri banon pa kab, uva ri chaqirisan, vino, aceite y kokoj y nima'q taq awej. Xkik'en-pe ronojel re' pa ruk'iyal roma janila kikoten k'o chiri' pan Israel.

Wuj Richin Etamabel-Tzij 18:16

Ri sipanik ri nuben jun wineq chire jun chik, kan nuben k'a chire chi nuch'ek-apo ruk'ojlen rik'in; re sipanik re' kan nitikir k'a nuya-apo chikikojol ri k'o nima'q kiq'ij.

Wuj Richin ri Jeremías 40:10

Y yin xkik'ase' re wawe' pa Mispá richin yenk'ul-apo ri aj-Babilonia ri xkepe qik'in. Jak'a rix tiwuxu' ri uva y tibana' vino chire. Chuqa' tiwuxu' ruwech taq che' richin yetij y ri aceite. Ke'iyaka' kan jebel pa taq yakonabel y kixk'oje' k'a chiri' pa taq tinamit ri akuchi xkixk'oje-wi, xcha' chike.

Wuj Richin ri Jeremías 40:12

konojel rije' xetzolin-pe ri akuchi e talutajineq-wi y xe'apon rik'in ri Guedalías pa Mispá. Y rije' xkiwux k'a ri uva y k'iy ruwech taq che' richin yetij.

Am 8:1

Ri Jehová Dios xuk'ut chinuwech pa jun achi'el achik'. Y xubij chuwe: ¿Achike ri natz'et?, xcha'. Y yin xinbij chire: Nintz'et chi k'o k'a jun chakech nojineq rik'in ruwech che' ri kan jebel e cheq', e cheq' chik, xicha'.

Wuj Richin ri Miqueas 7:1

Kan maneq chik winaqi' chuwach'ulew ri kan choj ta kik'aslen; maneq chik ri kuqul ta kik'u'x rik'in ri Dios. Kan toq'ex k'a nuwech yin roma yenkanoj y man yenwil ta. Yin in achi'el jun ri nukanoj uva toq xa xk'ol yan el ronojel. Yin kan xinrayij ta k'a xintej ri nabey taq ruwech ri wíkix, jak'a xa maneq. Konojel k'a ri winaqi' xa kan xaxe ri kamik nikajo' nikiben. Chi kach'alal-ki' nikiyala' tzaqibel pa taq kibey.

1 Sam 10:3

Toq xtachop chik el binen, xkatapon akuchi k'o-wi ri jun paten-che' chunaqaj ri juyu' Tabor. Chiri' xke'ak'ul k'a oxi' achi'a' e jotol-q'anej pa Betel richin nibekiya' ruq'ij ri Jehová. Ri jun ruk'uan oxi' alaji' taq tzuntzun y ri jun chik ruk'uan oxi' kaxlan-wey y ri rox ruk'uan jun tz'um nojineq chi vino.

1 Sam 16:20

Y ri Isaí xuteq k'a el ri David, xuya-el kaxlan-wey, jun tz'um yakbel vino ri nojineq-el, jun ti alaj tzuntzun, y xuya-el chirij ri rubur richin xuk'uaj chire ri Saúl, k'ari' xbe.

1 Sam 25:18

K'ari' ri Abigail chi'anin xberuk'ama-pe 200 kaxlan-wey, ka'i' tz'um vino, wo'o' karne'l q'anarisan, ka'i' arroba jalajoj ruwech ixin k'ilin, wok'al tzeqaj uva chaqi'j y 200 peraj wíkix ri chaqirisan. Ronojel re' xuya-el chikij ri taq bur.