2 Sam 15:32 - Kaqchiquel Bible

³² K'ari' ri David xapon-q'anej pa ruwi' ri juyu' richin olivo ri akuchi niya'ox ruq'ij ri Dios ojer. Jari' toq xuk'ul-ri' rik'in ri Husai arquita, beneq rik'in rutziaq tzeretzik, y ruya'on-el ulew pa rujolon, retal richin rija' nibison rik'in ri David.

2 Sam 15:32 ပူးပေါင်းရင်းမြစ်များ

2 Sam 1:2

Y pa rox q'ij chi tapon ri David pa Siclag, xapon k'a jun ala' ri peteneq ri akuchi xek'oje-wi ri aj-labal ri xek'oje' rik'in ri Saúl. Y re ala' re' kan tzeretzik k'a rutziaq peteneq, y ruya'on-pe ulew pa rujolon, retal richin nibison. Toq rija' xapon rik'in ri David, kan xuqasaj-ri' chuwech richin xuya' ruq'ij.

2 Sam 13:19

K'ari' ri Tamar xuretz-el ri rutziaq ri', y xujopij-el chaj pa rujolon, Y k'ari' xuya-el ri ruq'a' chupalej y noq' xbe.

2 Sam 15:30

Ri David xuchop chik k'a el bey chuwech ri juyu' richin olivo, y maneq k'a ruxajab beneq. Noq' y ruya'on-el jun tzieq pa rujolon retal richin bis. Y konojel ri winaqi' ri e beneq rik'in chuqa' kiya'on-el tzieq pa kijolon y ye'oq' e beneq.

2 Sam 16:1

Toq ri David k'a juba' tuya' kan ri ruwa-juyu', jari' toq k'o jun achin rubini'an Sibá rusamajel ri Mefi-bóset xapon chuk'ulik ri David. Y e ruk'uan-el ka'i' taq bur ri ruya'on-el kixalma. Y chikijujunal kik'uan-el 200 kaxlan-wey, wok'al etabel uva ri chaqirisan, wok'al etabel wíkix ri chaqirisan y jun k'ojelibel ri banon rik'in tz'um nojineq-el chi vino.

2 Sam 16:15

Rokik xbanatej ri' rik'in ri David, ri Absalón y ri ruwinaq xe'apon pa Jerusalem. Y chikikojol rije' beneq ri Ahitófel.

2 Sam 17:5

Man rik'in ri', ri Absalón xa xubij chi tik'utux chik chire ri Husai ri arquita pa ruwi' ri xubij ri Ahitófel. Y wi man niqa' ta chuwech, nikak'axaj chik k'a ri nuch'ob rija'.

1 Rey 11:7

Y jari' toq ri rey Salomón xuteq k'a rupabaxik ri akuchi niya'ox-wi ruq'ij ri itzel ruwachibel Quemós ri dios kichin ri aj-Moab, ri chiri' pa ruwi' jun juyu' ri k'o pa relebel-q'ij ri chiri' pa Jerusalem, y chuqa' xuteq rupabaxik ri akuchi niya'ox-wi ruq'ij ri itzel ruwachibel Moloc ri dios kichin ri amonita.

1 Rey 4:16

Ri Baaná ruk'ajol ri Husai ja rija' ri k'o pa ruwi' ri ruwach'ulew Aser y chuqa' pa ruwi' ri tinamit Alot.

1 Crón 27:33

Chuqa' ri Ahitófel y ri Husai ri arquita e ruq'a-raqen ri rey.

Wuj Richin Bix Chire ri Dios 3:7

Jehová, ¡kayakatej k'a chikij! ¡Kinakolo' k'a nu-Dios yin. Tasoko' k'a ri kipalej ri e etzelanel wichin. Tawulaj k'a key ri e banoy taq etzelal.

Wuj Richin Bix Chire ri Dios 50:15

Y kan kinawoyoj k'a chupan ri q'ij richin tijoj-poqonal. Y yin kan xkatinkol y rat kan xtaya' nuq'ij.

Wuj Richin Bix Chire ri Dios 91:15

Rija' k'o xtuk'utuj chuwe, y yin xtink'uluba-pe ri ruch'abel. Kan xkik'oje' rik'in pa bis, Xtinkol k'a y xtinnimirisaj ruq'ij.

San Lucas 19:29

Toq ye'apon yan apo ri pa tinamit Betfagé y ri Betania ri ek'o chuwech ri juyu' richin Olivo, ri Jesús xeruteq k'a el e ka'i' chike ri rutijoxela',

Wuj Richin ri Josúe 16:2

Y nel-el chiri' pa Betel y chuqa' pa tinamit Luz. Chuqa' ri k'ulba't pa kiruwach'ulew ri arquita ri akuchi k'o-wi ri tinamit Atarot-adar.

1 Sam 4:12

K'o k'a jun achin rijatzul kan ri Benjamín ri xtikir xanimej-el pan oyowal y xbe pa Siló y rutzeron-el ri rutziaq chirij y ruya'on-el poqolaj pa rujolon richin chi xuk'ut chi janila nibison.