2 Sam 15:31 - Kaqchiquel Bible

³¹ Y ri David kan retaman chik k'a chi ri Ahitófel k'o chikikojol ri e yakatajineq chirij. Roma ri' xuk'utuj utzil chire ri Dios chi xtuyoj ta ronojel ri ruch'obonik ri Ahitófel.

2 Sam 15:31 ပူးပေါင်းရင်းမြစ်များ

2 Sam 17:23

Jak'a toq ri Ahitófel xunabej chi man xban ta ri xubij rija', xuben-el ruchojmil ri rukiej, xch'oke' k'a el chirij y xbe chirachoch pa rutinamit. Xuchojmirisaj k'a kan ronojel y k'ari' xberujitz'aj-ri'. Y keri' xken y xmuq akuchi muqun-wi ri rutata'.

2 Sam 17:14

Ri Absalón y konojel ri israelita kan utz k'a xkak'axaj ri rupixabanik ri Husai arquita chuwech ri rupixabanik ri Ahitófel. Kere' xbanatej roma ri Jehová kan rubin chik chi ri rupixabanik ri Ahitófel xa xtiyojtej, richin chi xtiqaqa ri ruk'ayewal pa ruwi' ri Absalón.

Santiago 3:15

Jun ch'obonik keri' man peteneq ta chila' chikaj rik'in ri Dios. Xa kan kichin ri winaqi' ri maneq Dios chikiwech, y xa richin chuqa' ri Itzel-Wineq.

Wuj Richin Bix Chire ri Dios 41:9

Jajun ri wachibil ri achoq ik'in nukuquban-wi nuk'u'x, y chuqa' kan wik'in yin nutej-wi ruway, kan xyakatej chuwij.

2 Sam 16:23

Chupan ri q'ij ri' ri pixabanik ri nuya' ri Ahitófel kan kibanon k'a chire chi achi'el xa ta kan ja ri Dios ri nich'on kik'in. Y roma ri' ri David jantape' xuk'ulubej, y keri' chuqa' xuchop rubanik ri Absalón.

1 Corintios 1:20

Wi keri', ¿akuchi k'a ek'o-wi ri etamanela' y ri tijonela'? Y ¿akuchi k'a ek'o-wi ri jebel yetikir yech'on pa ruwi' re etamabel richin re ruwach'ulew? Roma ri Dios rubanon chire ri etamabel richin re ruwach'ulew chi xa jun ch'ujerik.

Wuj Richin Bix Chire ri Dios 3:1

¡Jehová, kan janila k'a xek'iyer ri e etzelanel wichin! Kan janila k'a e k'iy ri e yakatajineq chuwij.

Wuj Richin ri Achin Job 5:12

Rija' nuyoj ri kinojin nikiben ri itzel taq achi'a', nuben chike chi man jun yetikir nikiben chire ri kich'obon.

2 Sam 15:12

Rokik ri Absalón nusuj ri kamelabel chuwech ri Jehová, jari' toq xroyoj ri Ahitófel ri aj-Guiló, pixabanel richin ri David. Y ri yakatajinenri'il ri' kan ik'owineq chik ruwi' ri ruchuq'a', y kan e k'iy k'a ri winaqi' ri xetzeqeliben richin ri Absalón.

San Juan 13:18

Kan ninbij k'a chi man chi'iwonojel ta keri' xtiben, roma yin kan wetaman iwech chi'iwonojel ri xixincha'. Y chuqa' ri tz'ibatel kan, k'o k'a chi nibanatej na, roma nubij: Jajun ri wachibil ri kan nutej ruway wik'in, kan xyakatej chuwij, nicha'.*f18*

Wuj Richin ri Isaías 19:3

Konojel k'a ri winaqi' aj-Egipto xa xtisach kik'u'x, roma ri Dios kan xtuben chike richin man jun chik xketikir xtikiben. K'ari' xkekik'ulubej kiwachibel ri ki-dios; xkebe kik'in aj-itza'; xkekik'ulubej itzel taq espíritu y kik'in ri nikibananej chi ketaman ri peteneq chikiwech.

Wuj Richin Bix Chire ri Dios 109:3

Ruyon k'a ch'abel richin ch'upun-k'u'x ri nikibila' chuwij. Nikibanala' k'a oyowal wik'in y xa man jun achike ta roma.

Wuj Richin Bix Chire ri Dios 55:12

Xa ta ja ri etzelanel wichin ri xya'on nuk'ix, kan ta xinkoch'. O wi ja ta ri netzelan wichin, kan ta xinwewaj-wi' chuwech.

Wuj Richin ri Isaías 44:25

Ja yin ri yiyojon ri retal chuwech ri nubananej chi retaman ri peteneq chuwech-apo, y kan yench'ujirisaj ri e etamanel. Ja yin ri ninben chike ri aj-na'oj taq achi'a' richin nikitzolij-ki' chikij, y ronojel ketamabal man jun achoq chuwech niq'ax-wi.

2 Sam 17:5

Man rik'in ri', ri Absalón xa xubij chi tik'utux chik chire ri Husai ri arquita pa ruwi' ri xubij ri Ahitófel. Y wi man niqa' ta chuwech, nikak'axaj chik k'a ri nuch'ob rija'.

2 Sam 17:7

K'ari' ri Husai xubij chire ri Absalón chi ri na'oj ri xuya' ri Ahitófel, man utz ta.

Wuj Richin Bix Chire ri Dios 55:10

Ri etzelal kan chaq nisutiyaj k'a chirij ri tinamit chi paq'ij chi chaq'a'. Chupan ri tinamit kan xaxe k'a ri itzel taq banobel y ri itzel taq ch'obonik k'o.