2 Sam 15:30 - Kaqchiquel Bible

³⁰ Ri David xuchop chik k'a el bey chuwech ri juyu' richin olivo, y maneq k'a ruxajab beneq. Noq' y ruya'on-el jun tzieq pa rujolon retal richin bis. Y konojel ri winaqi' ri e beneq rik'in chuqa' kiya'on-el tzieq pa kijolon y ye'oq' e beneq.

2 Sam 15:30 ပူးပေါင်းရင်းမြစ်များ

Ester 6:12

Chirij k'a ronojel re' ri Mardoqueo xtzolej chik chupan ri rusamaj chuchi' ri rachoch ri rey; jak'a ri Amán xbe junanin chirachoch rik'in janila bis y rukuchun-el rujolon roma ri ruk'ix.

2 Sam 19:4

Y ri David xutz'apej rupalej rik'in jun tzieq y nisik'in y nubij: ¡Nuk'ajol Absalón! ¡Absalón nuk'ajol, nuk'ajol!, ncha'.

Ez 24:23

Man xtiwelesaj ta ri kuchubel-ijolon, ni ta ri ixajab. Chuqa' man xtijiq' ta oq'ej. Xa kan xkixbek'is roma ri imak y kan junan k'a xkixjilon chi'iwonojel.

Ez 24:17

Jak'a pan ewel ninya' q'ij chawe chi yajiq'ijo'x chirij. Man tak'ut chi yabison ni man tawelesaj ri kuchubel-ajolon, ni ri axajab. Chuqa' man tatz'apej apalej, ni man tatej q'utun richin bis, xcha' ri Jehová chuwe.

1 Corintios 12:26

Roma ri' wi k'o jun ri niq'axo, yixq'axon chi'iwonojel; y wi k'o jun ri ninimirisex ruq'ij, yixkikot chi'iwonojel.

Romanos 12:15

Kixkikot kik'in ri yekikot, y kixoq' kik'in ri ye'oq'.

Hechos 1:12

Ri e taqon roma ri Cristo xe'el k'a pe ri chiri' pa ruwi' ri juyu' Olivo, y xetzolin ri pa tinamit Jerusalem. Ri juyu' ri' man nej ta k'o-wi chire ri tinamit; xa pa jun la'eq kilómetro k'o-wi.

San Lucas 22:39

Ri Jesús toq eleneq chik k'a el ri chiri', xbe k'a ri akuchi kan tibe-wi. Rija' xbe k'a ri pa juyu' richin Olivo. Y ri rutijoxela' kan e tzeqetel-wi-el chirij.

San Lucas 21:37

Ri paq'ij, ri Jesús k'o k'a chiri' ri pa rachoch ri Dios, yerutijoj ri winaqi' rik'in ri ruch'abel ri Dios. Jak'a ri chaq'a' nibe ri pa juyu' richin Olivo, y chiri' nik'oje-wi.

San Lucas 19:41

Toq xapon chunaqaj ri tinamit, xutzu' y xroq'ej.

San Lucas 19:37

Jak'a toq xa nikichop yan ri xulan richin ri juyu' richin Olivo, konojel ri e tzeqelibey richin ri Jesús e beneq, y rik'in kikoten xkichop nikiya' ruq'ij ri Dios, roma ri meyel taq banobel kitz'etelon rik'in ri Jesús. Kan rik'in k'a kuchuq'a' nikibila':

San Lucas 19:29

Toq ye'apon yan apo ri pa tinamit Betfagé y ri Betania ri ek'o chuwech ri juyu' richin Olivo, ri Jesús xeruteq k'a el e ka'i' chike ri rutijoxela',

San Mateo 5:4

Jebel ruwa-kiq'ij ri ye'oq' wakami, roma rije' kan xtibekuqubex kik'u'x.

Wuj Richin ri Zacarías 14:4

Xtipe y xtipa'e' pa ruwi' ri juyu' Olivo, ri k'o pa relebel-q'ij chire ri Jerusalem. Y ri juyu' ri' xtich'aratej; ri nik'aj chire ri juyu' nibe pa xaman y ri nik'aj chik pa xokon, y chukojol ri' xtuben k'a jun nimalej taq'aj, nitiker-el rik'in ri Jerusalem, y napon k'a pa relebel-q'ij.

Wuj Richin Bix Chire ri Dios 43:5

¿Achike roma yimayamo' yan qa? ¿Achike roma janila yibison? Yin kan ninkuquba' nuk'u'x rik'in ri Dios, y xtapon ri q'ij chi yin xtinya' chik ruq'ij. roma ja rija' ri nukolotajik y nu-Dios yin.

Wuj Richin Bix Chire ri Dios 42:3

Kan chi paq'ij chi chaq'a' k'a yinoq' chawech rat. Ri woq'ej jari' ri nuway. Jak'a ri winaqi' chaq palik nikibij chuwe: ¿Akuchi k'a k'o-wi ri a-Dios richin yaruto'?

2 Sam 15:29

K'ari' ri Sadoc y ri Abiatar xkitzolij ri káxa richin ri rujikibel-tzij ri Dios pa Jerusalem y chiri' xek'oje-wi kan.

2 Sam 19:5

K'ari' ri Joab xapon pa jay ri akuchi k'o-wi ri David y xubij chire: Wakami xe'ak'ixbisaj ri aj-labal ri xkikol ri ak'aslen rat, ri kik'aslen ri ami'al-ak'ajol, ri kik'aslen ri awixjayilal y ri kik'aslen ri a-concubina.