2 Sam 15:21 - Kaqchiquel Bible

²¹ Jak'a ri Itai xubij: Ninjikiba' nutzij chawech pa rubi' ri Dios, chi rokik at k'es rat, yin kan xkatintzeqelibej richin k'aslen o kamik. Akuchi xkak'oje-wi rat, chiri' xkik'oje-wi yin, xcha'.

2 Sam 15:21 ပူးပေါင်းရင်းမြစ်များ

Wuj Richin Etamabel-Tzij 17:17

Ri wineq ri kan qitzij achibil, kan nrajo-wi ri rachibil stape' k'o pa rutzil o ruk'ayewal; jun ach'alalri'il xalex chuwech re ruwach'ulew richin chi nuto' ri rach'alal toq napon pa ruk'ayewal.

2 Rey 4:30

Jak'a ri rute' ri ak'ual xubij: Ninya' nutzij chuwech ri Jehová y chawech rat, chi man xkatinya' ta kan, xcha'.

2 Corintios 7:3

Ronojel ri xinbij chiwe man richin ta chi yich'olin chiwij. Roma rix kan jantape' ixk'o pa qánima, y man jun xtelesan ri ajowabel ri' qik'in. Ni ri kamik man xtitikir ta xtrelesaj, ni xabachike ri niqak'uluwachij chupan re k'aslen re'.

Hechos 21:13

Jak'a ri Pablo xubij chiqe: ¿Achike roma toq rix niya-pe bis pa wánima rik'in la yixoq'? Yin man k'a ninpoqonaj ta wi' wi yikamisex roma ri nintzijoj ri ruch'abel ri ajaw Jesús, k'a ta la' k'a chi xaxe yibexim ri chila' pa Jerusalem, xcha' ri Pablo.

Hechos 11:23

Toq ri Bernabé xapon, xutz'et k'a chi ri Dios kan ruya'on-wi k'a ruq'a' pa ruwi' ri kisamaj ri qach'alal. Roma ri' janila xkikot ránima ri Bernabé, y xubij k'a chike konojel chi kan tikuqer kik'u'x rik'in ri ajaw Jesucristo, y chi kan rik'in ronojel kánima kek'oje' rik'in.

Wuj Richin Etamabel-Tzij 18:24

Ek'o achibil ek'o rik'in ri wineq toq utz rubanon y xeri' xa yebe; y ek'o juley chik achibil ri kan jebel kina'oj, kan más e utz chikiwech ri ach'alalri'il.

2 Rey 2:6

Y ri Elías xubij chire: Nink'utuj utzil chawe chi kak'oje' kan wawe', roma ri Jehová yiruteq richin yibe pa raqen-ya' Jordán, xcha'. Y ri Eliseo xujikiba' rutzij chire ri Elías chi kan chuwech ri Jehová y chuwech ri Elías nubij chi kan man xtuya' ta kan. Y junan k'a xebe chi e ka'i'.

2 Rey 2:4

Y ri Elías xubij chik jun bey chire ri Eliseo: Wakami kakanej kan wawe', roma ri Jehová yiruteq pa tinamit Jericó, xcha'. Y ri Eliseo xujikiba' rutzij chire ri Elías chi kan chuwech ri Jehová y chuwech ri Elías nubij chi kan man xtuya' ta kan. Y xebe k'a junan pa Jericó.

2 Rey 2:2

Y ri Elías xubij chire ri Eliseo: Wakami kakanej kan wawe', roma ri Jehová yiruteq pa tinamit Betel, xcha'. Y ri Eliseo xujikiba' rutzij chire ri Elías chi kan chuwech ri Jehová y chuwech ri Elías nubij chi kan man xtuya' ta kan. Y k'ari' xebe junan k'a pa Betel.

1 Sam 25:26

Ri Jehová xq'aton awichin richin xaben ta kamik, richin ta xaben ruk'exel chike ri xebanon itzel chawe. Kan ja ta k'a ri Jehová xtibanon chi konojel ri e etzelanel awichin y chuqa' ri nikich'ob itzel chawij, xtikik'uluwachij ta achi'el xtiberuk'uluwachij ri Nabal.

1 Sam 20:3

K'ari' ri David xuya' rutzij chuwech ri Jonatán y xubij chire: Ri atata' retaman jebel chi roj janila niqajo-qi'. Roma ri' rija' man xtubij ta chawe ri achike ri ruch'obon chuwij, richin keri' rat man yabison ta. Kan qitzij na wi, k'es k'a ri Jehová y k'es k'a ri awánima rat, chi ri nukamik yin xa naqaj chik k'o-wi, xcha'.

2 Sam 15:22

K'ari' ri David xubij chire: Jo' k'a, y katik'o-el, xcha'. Y xik'o k'a el ri Itai, y ri ch'aqa' chik achi'a' ri e beneq rik'in, y chuqa' ri e aj pa kachoch.