2 Sam 15:13 - Kaqchiquel Bible

¹³ Y k'o k'a jun ri xbeya'on rutzijol chire ri David, y xberubij chi ri tinamit Israel xkiben yan ki-rey chire ri Absalón.

2 Sam 15:13 ပူးပေါင်းရင်းမြစ်များ

2 Sam 15:6

Y keri' k'a xuben kik'in konojel ri winaqi' israelita ri yepe rik'in ri rey richin nikichojmirisaj xabachike na'oj. Keri' xuben ri Absalón richin utz xtz'et koma ri winaqi', y xa kan rik'in rija' xkikuquba-wi kik'u'x.

2 Sam 3:36

Y konojel k'a ri ek'o-apo chiri' kan xqa' chikiwech ri xubij y ronojel ri xuben rija'.

Wuj Richin Bix Chire ri Dios 3:1

¡Jehová, kan janila k'a xek'iyer ri e etzelanel wichin! Kan janila k'a e k'iy ri e yakatajineq chuwij.

Wuj Richin Bix Chire ri Dios 62:9

Kan qitzij wi, chi ri wineq xa q'axel achi'el ri kaq'iq', Stape' beyom o k'o ta pa meba'il, xa kan maneq rejqalen. Wi ta ye'etex pa jun etabel konojel, kan yek'ulun chi xa man jun kejqalen.

San Mateo 21:9

Ri winaqi' ri e nabey chuwech ri Jesús y ri ek'o kan chirij, kan rik'in k'a ronojel kuchuq'a' nikibij: ¡Nimalej ruq'ij ri riy-rumam kan ri rey David! ¡Kan utz wi ri ruq'ij ri peteneq pa rubi' ri qajaw Dios! ¡Kan nimalej ruq'ij chila' chikaj! ¡Matiox chire ri Dios!, yecha' k'a.

San Mateo 27:22

K'ari' ri Pilato xuk'utuj k'a chike ri winaqi': ¿Achike k'a ri nibij rix chi yin ninben ta rik'in ri Jesús, ri nibix chuqa' Cristo chire?, xcha'. Kan jari' k'a toq konojel xech'on-apo y nikibij: Tikamisex chuwech cruz, yecha'.

Wuj Kichin ri To'onela' 9:3

Y ri e ruch'utitata' xkibij k'a chike ri kiwinaq aj-Siquem; y rije' xqa' chikiwech chi xaxe jun ri niq'aton-tzij pa kiwi' y ja ta ri Abimélec, y roma ri' rije' nikibila' k'a: Re' kan qach'alal-qi' rik'in, xecha'.