2 Sam 15:10 - Kaqchiquel Bible

¹⁰ K'ari' ri Absalón pan ewel xeruteq uk'uey rutzijol kik'in konojel ri winaqi' israelita richin xbekibij chi toq xtikak'axaj chi xtiq'ajan ri trompeta, jari' toq xtikibij chi ja rija' ri rey, y ja rija' ri niq'aton-tzij pan Hebrón.

2 Sam 15:10 ပူးပေါင်းရင်းမြစ်များ

1 Crón 12:38

Konojel re achi'a' re' kan e richin labal, y xe'apon k'a pan Hebrón richin xkich'okoba' kan ri David richin xok kan rey pa ruwi' chijun ruwach'ulew Israel. Y konojel ri ch'aqa' chik winaqi' israelita kan rik'in ronojel kánima xjunamatej-kiwech rik'in ri David.

1 Crón 12:23

Kan janila k'a e k'iy aj-labal xjunamatej-kiwech rik'in ri David pa tinamit Hebrón, richin xkijech ri q'atbel-tzij pa ruq'a' ri David, roma xa xken ri Saúl; y ronojel re' xbanatej achi'el ri rubin ri Jehová chire ri David.

1 Crón 11:3

Toq konojel k'a ri achi'a' ri k'o kiq'ij richin ri tinamit Israel xebe y xech'on rik'in ri David pan Hebrón, jari' toq rija' kan xuben jun jikibel-tzij kik'in, y kan chuwech ri Dios xuben-wi. K'ari' rije' xkiqasaj aceite pa ruwi' ri David richin xok kan rey pa ruwi' ri Israel, achi'el ri ch'abel ri rubin kan ri Dios chire ri Samuel.

2 Rey 9:13

K'ari' chikijujunal xkichop chi'anin ri kitziaq ri kiq'un, y xkiya' pa raqen ri Jehú. K'ari' xkixupuj ri trompeta y xkibij: Ja ri Jehú, jari' ri rey, xecha'.

1 Rey 1:34

Y toq ixk'o chik chiri', ja ri Sadoc y ri Natán ri xkeqasan aceite pa ruwi' ri Salomón, richin nok kan rey pa ruwi' chijun ruwach'ulew Israel. Y kan xtixupux k'a ri uk'a' y xtibij: ¡Tiqaya' ruq'ij ri rey Salomón!, xkixcha'.

2 Sam 19:10

Man rik'in ri', ri Absalón ri xqaben chire chi xok qa-rey, xa xken kan pan oyowal. Wakami k'a ¿Achike roma man niqaben chire ri rey David chi nitzolej chik pe qik'in?, xecha'.

2 Sam 14:30

K'ari' ri Absalón xubij chike ri rusamajela' chi tikiya' ruq'aq'al ri rutiko'n richin cebada ri Joab ri k'o chunaqaj ri richin rija'. Y ri samajela' ri' kan xbekiya' k'a kan ruq'aq'al.

2 Sam 13:28

Y ri Absalón xubij chike ri e rusamajela' chi toq xtikitz'et chi ri ránima ri Amnón kan nikikot roma ri vino; y toq rija' xtubij chi tikikamisaj, kan jari' xtikikamisaj, y man tikixibij-ki', roma ja rija' ri xbin. Y xubij chuqa' chi tikitija' kiq'ij richin nikiben, y man tikixibij-ki'.

2 Sam 5:5

Wuqu' juna' rik'in nik'aj xq'aton-tzij pa ruwi' ri Judá chiri' pan Hebrón. Y juwineq oxlajuj juna' xq'aton-tzij pa ruwi' chijun ruwach'ulew Israel chiri' pa Jerusalem.

2 Sam 2:11

Jak'a ri David xuq'et-tzij wuqu' juna' y waqi' ik' pa kiwi' ri winaqi' aj-Judá. Y pan Hebrón xk'oje-wi ri ruq'atbal-tzij.

2 Sam 2:1

Chirij k'a ronojel re' ri David xuk'utuj chire ri Jehová wi ruk'amon nitzolej chupan jun chike ri tinamit richin ri Judá. Y ri Jehová xubij chire chi utz nibe. Y xuk'utuj chik k'a achike chi tinamit ri k'o chi nibe-wi. Y ri Jehová xubij chi tibe pan Hebrón.

2 Sam 15:9

Y ri David xuya' k'a el q'ij chire richin xbe. Y keri' ri Absalón xbe rik'in uxlanibel-k'u'x.

1 Rey 1:11

Xch'on k'a ri Natán rik'in ri Betsabé, ri rute' ri Salomón y xubij chire: ¿Man awak'axan ta chi ri Adonías, ral ri Haguit, xuq'alajirisaj yan ri' chi xok rey, stape' ri David, ri qajaw, man retaman ta?