2 Sam 14:9 - Kaqchiquel Bible

⁹ Jak'a ri ixoq xubij: Ni, wajaw yin. Taya' q'ij chuwe chi yin xtinchojmirisaj re' richin keri' ja yin xkinejqalen ronojel re', y man jun xtawejqalej rat, ni ri aq'atbel-tzij, xcha'.

2 Sam 14:9 ပူးပေါင်းရင်းမြစ်များ

1 Sam 25:24

K'ari' xjel-apo chiraqen y xubij chire: Wajaw, kan pa nuwi' ta k'a yin xtiqaqa-wi ronojel re mak re'; taya' q'ij richin yich'on awik'in y kan xtawak'axaj ta k'a ronojel ri xtinbij chawe yin ri in asamajel.

1 Rey 2:33

Richin keri' ri Joab y konojel ri rijatzul, kan jantape' xtikejqalej re mak re'. Jak'a ri Jehová kan jantape' xtuya' uxlanibel-k'u'x kik'in ri e rijatzul kan ri David ri xkek'oje' chupan ri q'atbel-tzij, xcha' ri Salomón.

San Mateo 27:25

K'ari' konojel ri winaqi' nikibij: Xa pa qawi' k'a roj y pa kiwi' ri e qami'al-qak'ajol, xtiqaqa-wi ri rukamik, yecha'.

Wuj Richin ri Q'axanri'il 35:33

Y man tiben chire ri itinamit ri akuchi yixbek'oje-wi richin nok man ch'ajch'oj ta roma ri kamik ri xiben, roma ri kik' nuben chi ri ruwach'ulew nok man ch'ajch'oj ta. Y ri ruwach'ulew xtok ch'ajch'oj k'a toq xtiken na ri kamisanel.

Wuj Richin ri Rutikeribel 27:13

Y ri rute' xubij chire: Wal, ri etzelanik pa nuwi' ta k'a yin xtiqaqa-wi. Rat xaxe tanimaj nutzij; kabiyin, ke'abek'ama-pe ri taq chikopi', xcha' chire.

Wuj Richin ri Rutikeribel 43:9

Pa nuq'a' k'a yin xtik'oje-wi-el ri Benjamín; chuwe yin xtak'utuj-wi, wi k'o ri nuk'uluwachij. Y wi man xtonjacha' ta chik chawe k'a re wawe', kan ja yin k'a ri xkinejqalen chupan chijun ri nuk'aslen.

2 Sam 14:8

K'ari' ri rey xubij chire ri ixoq chi titzolin chirachoch, y ja rija' xtichojmirisan ronojel.

2 Sam 14:10

K'ari' ri David xuya' rutzij chi wi k'o jun ri xtich'on chik itzel chirij ri ixoq ri', k'o chi nuk'uex chuwech rija', richin keri' man jun chik tuben.