2 Sam 14:4 - Kaqchiquel Bible

⁴ Xok k'a apo ri ixoq ri' rik'in ri rey, xulukuba-qa ri' k'a pan ulew, retal richin xuqasaj-ri' chuwech, y xuk'utuj utzil chire.

2 Sam 14:4 ပူးပေါင်းရင်းမြစ်များ

2 Sam 1:2

Y pa rox q'ij chi tapon ri David pa Siclag, xapon k'a jun ala' ri peteneq ri akuchi xek'oje-wi ri aj-labal ri xek'oje' rik'in ri Saúl. Y re ala' re' kan tzeretzik k'a rutziaq peteneq, y ruya'on-pe ulew pa rujolon, retal richin nibison. Toq rija' xapon rik'in ri David, kan xuqasaj-ri' chuwech richin xuya' ruq'ij.

1 Sam 25:23

Y toq ri Abigail xutz'et-apo ri David, jari' toq chi'anin xqaqa-qa chirij ri bur, y xulukuba-qa-ri' chuwech, k'a pan ulew.

1 Sam 20:41

Y toq ri ti ala' xbe yan, k'ari' ri David xpa'e-q'anej ri chiri' pa xokon, y chiri' oxi' k'a mul xxuke' y xulukuba-qa-ri' chuwech ri Jonatán. Y chiri' xkitz'ubaj-wi kan ki', y chi e ka'i' k'a xe'oq', jak'a ri David kan más janila xoq'.

2 Sam 14:5

Y ri rey xuk'utuj chire ri achike xuk'uluwachij. K'ari' rija' xubij: Kan qitzij ninbij chawe chi yin in malka'n.

2 Sam 18:28

Y toq ri Ahimaas xapon, rik'in uchuq'a' xch'on-apo chire ri rey y xubij chi xech'akon yan. K'ari' xbexuke' chuwech ri rey y xubij: Nimalej ruq'ij ri Jehová, ri qa-Dios, roma xerujech pa qaq'a' ri xeyakatej chawij, rat wajaw, xcha'.

2 Sam 14:22

K'ari' ri Joab xuqasaj-qa ri' k'a pan ulew chuwech ri rey, y xubij: Wakami xq'ax chinuwech chi xinwil utzil awik'in rat rey, roma xanimaj nutzij yin ri xa in asamajel, xcha'.