2 Sam 14:32 - Kaqchiquel Bible

³² Y ri Absalón xubij chire ri Joab: Yin xinteq awoyoxik richin xape ta, roma ninwajo' chi nabebij chire ri rey ri achike roma xirelesaj-pe pa Guesur. Roma xa más ta utz ink'o kela'. Wakami ninwajo' nintz'et ruwech ri rey. Y wi ta k'o mak nubanon chuwech, kan kirukamisaj k'a, xcha'.

2 Sam 14:32 ပူးပေါင်းရင်းမြစ်များ

Wuj Richin Etamabel-Tzij 28:13

Ri man yeruq'alajirisaj ta ri itzel taq rubanobal ri yeruben, xa ronojel itzel ye'el chuwech; jak'a ri yeruq'alajirisaj y nuya' kan rubanik, kan xtril kuyubel rumak.

1 Sam 20:8

Tajoyowaj k'a nuwech roma kan qabanon jun jikibel-tzij chuwech ri Jehová, y wi kan ja yin ri in aj-mak, kan ja k'a rat xkakamisan wichin. Man k'atzinel ta yinak'uaj-el chuwech ri atata', xcha' ri David.

Ex 14:12

¿Peja chi xqabij chawe chila' pan Egipto, chi qojaya' kan qayon, chi roj niqaben na ri kisamaj ri aj-Egipto? Xa más ta utz chi xeqasamajij ta na ri aj-Egipto ke chuwech chi k'a wawe' pa tz'iran ruwach'ulew yojken wi kan, xecha'.

Romanos 3:19

Y qetaman k'a chi ronojel ri tz'ibatel kan, nich'on chiqij roj ri ojk'o chuxe' ri pixa'. Y ri pixa', k'o richin chi man jun tibin chi maneq rumak, y richin nuk'ut chiqawech chi qonojel k'o chi yojapon na chuwech ri ruq'atbel-tzij ri Dios.

San Mateo 25:44

Y jari' k'a toq rije' chuqa' xtikibij chuwe: Qajaw, roj man jun bey xatqatz'et chi natej ta wayjal, nichaqi'j ta achi'; chuqa' man xqatz'et ta chi nik'atzin akuchi ta xak'oje-wi, o maneq ta atziaq chawij, at yawa' ta, atk'o ta pa cárcel. Roj man jun bey xatqatz'et chi keri' ta ak'uluwachin; roma ri' kan man jun wi k'a utzil xqaben chawe, xkecha'.

Wuj Richin ri Jeremías 8:12

Rije' ruk'amon ta richin nik'oje' kik'ix, roma ri itzel taq kibanobal. Jak'a rije' xa maneq kik'ix. Roma ri' toq xtinya' rutojbalil-mak pa kiwi', kan xtikipajk'ij kaqen y xketzaq achi'el ri ch'aqa' chik. Yin Jehová ri yibin.

Wuj Richin Bix Chire ri Dios 36:2

Kan kiyon k'a rije' kinimirisan-ki'. Kan nikibij chi man xke'ilitej ta chire ri kimak. Kan man jun xtetzelan richin ri kibanobal.

1 Sam 15:13

Toq ri Samuel xapon rik'in ri Saúl, ri Saúl xubij chire: Ja ri Jehová xturtisan awichin. Yin xinben yan ri xubij ri Jehová chuwe, xcha'.

Ex 17:3

Y ri winaqi' kan janila k'a xchaqi'j kichi' ri chiri' y xa xexebexot chirij ri Moisés y xkibij chire: ¿Achike roma xojawelesaj-pe pan Egipto, xaxe richin yojken kan roma chaqi'j-chi'ij qonojel roj, ri qalk'ual y ri qawej?, xecha'.

Ex 16:3

y nikibila' k'a chike: K'ate' ta xojrukamisaj kan ri Jehová pan Egipto, roma noqaqa chiqak'u'x toq oj tz'uyul richin yojwa' qasurin rij ri bojo'y ri k'o ti'ij chupan y kan jebel k'a yojwa'. Y jak'a re wakami xa xojak'en-pe wawe' pa tz'iran ruwach'ulew xaxe richin chi qonojel yojken roma wayjal, xecha'.

Wuj Richin ri Rutikeribel 3:12

Y ri Adán xubij: Ri ixoq ri xaya' chuwe rat richin wachibil, xuya' chuwe ri ruwech ri che' y yin xintej, xcha'.

2 Sam 3:3

Ri ruka'n rubini'an Quilab, ral ri Abigail ri rixjayil kan ri Nabal aj-Carmel. Ri rox rubini'an Absalón, ral ri Maacá ri rumi'al ri Talmai, ri rey richin ri ruwach'ulew Guesur.

2 Sam 13:37

Ri Absalón xanimej k'a el y xberewaj-ri' pa ruwach'ulew Guesur rik'in ri Talmai ruk'ajol ri Amihud ri rey richin ri ruwach'ulew ri'. Jak'a ri David ronojel k'a q'ij noq' roma ri rukamik ri Amnón.

2 Sam 14:31

K'ari' ri Joab xbe chirachoch ri Absalón, y xuk'utuj chire ri achike roma ri rusamajela' xkiporoj kan ri rutiko'n.