2 Sam 14:26 - Kaqchiquel Bible

²⁶ Rija', k'a chi juna' k'a nusokaj rusumal-ruwi' roma janila chik ralal. Ri rusumal-ruwi' ri nusokaj-el nipajon jun la'eq wo'o' libra.

2 Sam 14:26 ပူးပေါင်းရင်းမြစ်များ

Ez 44:20

Man tikijos-el ri rusumal-kiwi', chuqa' man tikiya' q'ij richin nik'iy-qa. Xa kan xaxe choj tikisokaj-el.

1 Corintios 11:14

Roma kan q'alaj chi ri achin kan richin-wi chi man utz ta nuben chire chi nuya' q'ij chi nik'iy-qa ri rusumal-ruwi'.

2 Sam 18:9

Chupan ri oyowal ri', ri Absalón xberuk'ulu-pe-ri' kik'in jujun chike ri ruwinaq ri David, y rija' ch'okol k'a el chirij jun kowilej-kiej. Y toq ri kowilej kiej ri' xok k'a chuxe' ruq'a' jun paten che', jari' toq ri rusumal-ruwi' ri Absalón xubek' ri' chirij ri ruq'a' ri che' ri'. Y rija' xtzeqe' kan chiri', jak'a ri kowilej-kiej xa yakel xq'ax-el.

Wuj Richin ri Isaías 3:24

Roma ri' keri' k'a xtibanatej pa tinamit Sión: Pa ruk'exel ri jubulej taq aq'om, ri ixoqi' xa xkechuwir-pe. Pa ruk'exel jun jebelej ximibel-kipan, xa xtik'oje' jun kolo' richin xkexim-el toq xkebe pa ximonri'il. Pa ruk'exel jebelej taq jikoj rusumal-wi'aj, xa maneq chik rusumal-kiwi'. Pa ruk'exel ri jebelej taq tzieq, xa xtikikusaj qiriqoj taq tzieq richin bis. Y pa ruk'exel jebejoj ok yetzu'un, xa xtiya'ox ketal chi kipalej rik'in q'aq'.

Wuj Richin ri Rutikeribel 23:16

Y ri Abraham xqa' chuwech ri rajel y xupej k'a ri lajuj libra saqipueq y xujech chire ri Efrón chikiwech konojel. Y kan tz'aqet k'a ri xuya' chire. Kan achi'el yepajon ri k'ayinela' y ri loq'onela'.