2 Sam 14:22 - Kaqchiquel Bible

²² K'ari' ri Joab xuqasaj-qa ri' k'a pan ulew chuwech ri rey, y xubij: Wakami xq'ax chinuwech chi xinwil utzil awik'in rat rey, roma xanimaj nutzij yin ri xa in asamajel, xcha'.

2 Sam 14:22 ပူးပေါင်းရင်းမြစ်များ

Wuj Richin Etamabel-Tzij 31:28

Ri e ral ri ixoq ri' y ri rachijil kan nikiya' k'a ruq'ij, y nikibij:

Wuj Richin ri Achin Job 31:20

Y rije' kan janila k'a xematioxin, roma xinya' pim y meq'en taq kitziaq ri kan banon rik'in ri rusumal ri nukarne'l yin.

Wuj Richin ri Achin Job 29:11

Ri winaqi' ri ye'ak'axan wichin kan janila k'a yekikot, y utz yech'on chuwij. Ri yetz'eton wichin rik'in ri nubanobal, kan nikiq'alajirisaj k'a chi utz ri ninben.

Wuj Richin ri Nehemías 11:2

Chirij re' ri winaqi' ri xe'el-el xkiya' kan urtisanik pa kiwi' ri xek'oje' kan.

2 Sam 19:39

Y konojel k'a ri e beneq rik'in ri David xkiq'axaj k'a apo ri raqen-ya' Jordán nabey chuwech rija'. Y toq xeq'ax rija' y ri Barzilai, jari' toq xutz'ubaj kan y chuqa' xrurtisaj kan richin xkijech kan ki'. Y ri Barzilai xk'oje' k'a kan, y xtzolin-el pa rachoch.

1 Sam 20:3

K'ari' ri David xuya' rutzij chuwech ri Jonatán y xubij chire: Ri atata' retaman jebel chi roj janila niqajo-qi'. Roma ri' rija' man xtubij ta chawe ri achike ri ruch'obon chuwij, richin keri' rat man yabison ta. Kan qitzij na wi, k'es k'a ri Jehová y k'es k'a ri awánima rat, chi ri nukamik yin xa naqaj chik k'o-wi, xcha'.

Wuj Richin ri Rut 2:2

Y k'o k'a jun q'ij ri Rut xubij chire ri ralite': Tabana' utzil, taya' q'ij chuwe richin chi yibe pa juyu', richin yibepich'olin pa rulew ri xtijoyowan nuwech, xcha'. Y ri Noemí xuya' k'a el q'ij chire.

Wuj Richin ri Rutikeribel 6:8

Jak'a ri Noé utz xtz'et roma ri Jehová.

Wuj Richin ri Rutikeribel 47:7

Chuqa' ri José xuk'uaj ri rutata' k'a chuwech ri rey y ri Jacob kan xuya' urtisanik pa ruwi' ri rey,

2 Sam 14:21

Chirij re' ri David xubij chire ri Joab chi rija' xuch'ob yan rij ri xubij chire, y roma ri' tiberuk'ama' k'a ri Absalón.

2 Sam 14:23

Kan jari' xbe ri Joab pa tinamit Guesur richin xberuk'ama' ri Absalón. Keri' ri Absalón xapon chik jun bey pa Jerusalem.

2 Sam 14:4

Xok k'a apo ri ixoq ri' rik'in ri rey, xulukuba-qa ri' k'a pan ulew, retal richin xuqasaj-ri' chuwech, y xuk'utuj utzil chire.