2 Sam 14:2 - Kaqchiquel Bible

² jari' toq xuteq ruk'amik jun ixoq aj-Tecoa ri kan janila nowineq. Y xuk'utuj utzil chire chi tubana-el achi'el xa ta janila nibison, y tukusaj-el tzieq richin bis, y man tuya-el jubulej aq'om chirij. Chuqa' xubij chi chirij ri' tapon rik'in ri rey, y tubana' chi achi'el xa ta k'iy yan juna' k'o-pe pa bis roma k'o jun ri xken rik'in.

2 Sam 14:2 ပူးပေါင်းရင်းမြစ်များ

Wuj Richin ri Rutikeribel 38:19

y ri Tamar kan xaxe xuben ri keri', man jun chik achike ta ri xroyobej xa kan jari' xbe; xberelesaj k'a ri tzieq chupalej y xberukusaj chik jun bey ri rutziaq ri nuk'ut chi kan malka'n.

2 Sam 11:26

Toq ri Betsabé xrak'axaj chi xken ri rachijil, kan xbison y xuchajij ri rubis.

2 Sam 12:20

K'ari' ri David xyakatej-q'anej pan ulew, xatin, xuyala-el jubulej taq aq'om chirij y xukusaj-el ri rutziaq. K'ari' xbe pa rachoch ri Jehová richin xuya' ruq'ij. Toq xtzolin chirachoch, xuk'utuj ruway y xwa-xuk'ya'.

2 Sam 20:16

Y k'o k'a jun ixoq richin ri tinamit ri janila nowineq ri xsik'in-pe pa ruwi' ri tz'aq y xubij: ¡Tiwak'axaj! ¡Tiwak'axaj! Yin nink'utuj utzil chiwe chi tibij chire ri Joab chi tipe wawe' richin yich'on rik'in, xcha'.

2 Sam 23:26

ri Heles ri paltita; ri Irá ruk'ajol ri Iqués ri aj-Tecoa;

1 Rey 14:2

Y ri Jeroboam xubij chire ri rixjayil: Yin ninwajo' chi rat yabe k'a pa tinamit Siló, y yabe k'a rik'in ri Ahías ri q'alajirisey ruch'abel ri Dios, ri xbin chuwe chi ja yin xkinok rey pa ruwi' re tinamit re'. Jak'a richin man netamex ta awech chi at wixjayil yin, tajala-el awech.

1 Rey 14:5

Ri Jehová kan xubij yan k'a chire ri Ahías chi ri rixjayil ri Jeroboam xtapon rik'in richin niberuk'ulubej ri achike xtiberuk'uluwachij ri ti ral, roma re ak'ual re' janila yawa'. Ri Jehová xubij k'a chire ri Ahías ri k'o chi xtubij-el chire ri ixoq, y chi rija' rujalon-el ruwech xtapon rik'in.

2 Crón 11:6

Ri Roboam xk'oje-qa pa Jerusalem y xupaba' chik q'anej ri tinamit ri k'o pa ruwach'ulew Judá y Benjamín, ri e tz'apen-kij chi tz'aq. Ja tinamit re': Belén, Etam, Tecoa, Bet-sur, Socó, Adulam, Gat, Maresá, Zif, Adoraim, Laquis, Azecá, Sorá, Aialón y ri Hebrón.

2 Crón 20:20

Ri ruka'n q'ij, xeyakatej nimaq'a' yan richin yebe pa tz'iran ruwach'ulew ri k'o chunaqaj ri tinamit Tecoa, y toq rije' ye'el yan el, ri Josafat xpa'e-q'anej y xubij chike konojel: Kiniwak'axaj chi'iwonojel nuwinaq. Kan tiqakuquba' qak'u'x rik'in ri Jehová ri qa-Dios y keri' kan xtik'oje' k'a quchuq'a'; chuqa' tiqakuquba' qak'u'x kik'in ri q'alajirisey ruch'abel ri Dios y kan utz k'a xtel ronojel chiqawech, xcha' chike.

Wuj Richin ri Nehemías 3:27

Chikij rije' ri aj-Tecoa xkiben chik jun ruka'n samaj. Xkichojmirisaj k'a q'anej ri jun chik ram chire ri tz'aq ri k'o chuwech ri rachoch ri chajinel ri k'o pa ruwi' ri tz'aq ri janila nej jotol chikaj y napon k'a rik'in ri tz'aq richin Ówel.

Wuj Richin ri Nehemías 3:5

Y chikinaqaj chik rije' xesamej ri aj-Tecoa, stape' ri achi'a' ri k'o kiq'ij man xkajo' ta xeto'on chubanik ri samaj kik'in ri e uk'uey bey.

Wuj Richin Bix Chire ri Dios 104:15

naben chi k'o ri vino ri nibanon chi nikikot ri ránima ri wineq; ri aceite ri nibanon chi jebel nitzu'un ri wineq; keri' chuqa' ri wey ri chapayon richin.

Wuj Richin ri Molojri'il 9:8

Kan jantape' k'a chuqa' takusaj ri saqilej atziaq, y taya' k'a ri aq'om pan awi', richin ri rusumal-awi' jebel nitzu'un.

Wuj Richin ri Jeremías 6:1

Chuqa' ri Dios nubij: Rix winaqi' aj-Benjamín kan tikanoj k'a akuchi nito-wi-el-iwi'. Kixanimej-el re wawe' pa tinamit Jerusalem. Tibexupuj ri trompeta chiri' pa tinamit Tecoa richin niya' rutzijol y tiya-q'anej jun retal rik'in jun sib, chiri' pa tinamit Bet-haquérem, roma peteneq jun wululen, jun nimalej ruk'ayewal ri peteneq kela' pa xaman.

Am 1:1

Yin nubini'an Amós, jun chike ri yuq'unela' ri ek'o pa tinamit Tecoa. Ri Jehová xch'on k'a wik'in pa ruwi' ri xtuk'uluwachij ri ruwach'ulew Israel ri k'o pa xaman. Re ch'abel re' xbix chuwe toq niq'aton-tzij ri Ozías pa ruwi' ri ruwach'ulew Judá, y toq ri Jeroboam ruk'ajol ri Joás niq'aton-tzij pa ruwi' ri ruwach'ulew Israel. K'o yan k'a ka'i' juna' tibix chuwe toq xuben ri nimalej silonel. Y kere' k'a ri rutzijol ri xuya' ri Dios chuwe:

San Mateo 6:17

Jak'a toq rix yixmewayin, xa kan jebel tich'aja' ipalej, tiya' juba' jubulej aq'om chiwij y jebel tijika' ri rusumal-iwi'.

Wuj Richin ri Rut 3:3

Wakami k'a tabana' ri ninbij chawe yin: Katatin-el, taya-el jubulej taq aq'om chawij y takusaj-el ri más jebel atziaq; k'ari' kabiyin akuchi k'o-wi rija'. Xaxe man tak'ut-awi' chuwech toq k'a man jani tiwa' y tuk'ya'.