2 Sam 14:14 - Kaqchiquel Bible

¹⁴ Kan qitzij wi chi qonojel k'o chi yojken, roma roj xa oj achi'el ya' ri nitix pan ulew, ri xa nichaqi'j-qa. Jak'a ri Dios man nrajo' ta nrelesaj ruk'aslen jun wineq. Xa kan nukanoj rubanik richin nitzolej jun ri animajineq-el richin nik'oje' chik kik'in ri rach'alal.

2 Sam 14:14 ပူးပေါင်းရင်းမြစ်များ

Wuj Richin ri Achin Job 30:23

Roma yin wetaman chi jare' yatajin chinuk'uaxik k'a pa nukamik, yinak'uaj k'a ri akuchi ye'apon-wi konojel ri winaqi' ri xek'ase-el chuwech re ruwach'ulew.

Hebreos 9:27

Y achi'el k'a chi qonojel roj winaqi' ya'on pa qawi' chi xaxe jun bey yojken, y k'ari' xtiq'at-tzij pa qawi',

Wuj Richin ri Q'axanri'il 35:28

Roma kan chiri' ta pa tinamit richin tobel k'o-wi ri kamisanel, k'a ja toq xtiken ri nimalej sacerdote. K'ari' ri kamisanel xtitzolej chik pa ruwach'ulew ri akuchi eleneq-wi-pe.

Wuj Richin ri Achin Job 34:15

xa kan konojel k'a pa jun bey yeken-el, y konojel ri winaqi' ri', xa kan xke'ok chik ulew jun bey.

Wuj Richin ri Q'axanri'il 35:25

Y ri e aj-raqen richin ri tinamit xtikikol-el ri kamisanel chuwech ri najowan niya'on ruk'exel chire y xtibek'oje' chupan ri tinamit richin tobel. Chiri' k'a xtik'oje-wi k'a toq xtiken na ri nimalej sacerdote.

Wuj Richin ri Q'axanri'il 35:15

Re waqi' tinamit re' richin tobel, chiri' nibekito-wi-ki' ri awinaq y chuqa' ri man e awinaq ta ri xa chaq k'ate' xkiben jun kamik.

Wuj Richin ri Molojri'il 9:5

Ri k'a e k'es, k'a yech'obon na y ketaman chi k'o jun q'ij yebeken, jak'a ri xa e kaminaqi' man yech'obon ta chik. Maneq chik ch'akoj chikiwech y xa kan yemestex-qa chi'anin.

Wuj Richin Bix Chire ri Dios 22:14

Ri wuchuq'a' kan xk'is yan k'a qa, achi'el nik'is ri ya' toq nitix pan ulew. Ronojel k'a ri nubaqil kan xe'el yan pa kik'ojelibal. Kan maneq chik oyobenri'il chuwe yin. Xa xk'is yan qa achi'el nik'is ri cera toq nimeq'e'.

Wuj Richin ri Achin Job 14:14

Wi ri wineq niken, y nik'ase' ta chik jun bey, yin kan ronojel ta q'ij chire ri nuk'aslen xtinwoyobej-apo. Xtinwoyobej k'a toq xtoqaqa na ri q'ij richin yinok-el jun wineq k'ak'a'.

Romanos 2:11

roma ri Dios man nuben ta rukojolil.

San Mateo 22:16

Jari' k'a toq rije' xekiteq ri kitijoxela' e kachibilan-el e ka'i-oxi' ruwinaq ri rey Herodes. Xekiteq k'a el rik'in ri Jesús; y rije' xbekibij k'a chire: Rat ri at jun tijonel, roj kan qetaman k'a chi xaxe ri kan qitzij ri niqa' chawech. Kan nak'ut-wi ri ruch'abel ri Dios pa rubeyal. Y man naxibij ta awi' chuwech jun wineq, stape' kan janila ta ruq'ij.

Wuj Richin Bix Chire ri Dios 90:10

Ri qak'aslen chuwech re ruwach'ulew, kan xaxe k'a oxk'al lajuj juna'. Jak'a wi ek'o ri k'o más kuchuq'a', ye'apon k'a pa jumuch' kijuna'. Man rik'in ri', xa kan xaxe q'axo'n y ruk'ayewal ruk'amon-pe Ri qak'aslen xa kan chi'anin k'a niq'ax y xqojbe.

Wuj Richin Bix Chire ri Dios 90:3

Rat kan naben chiqe chi yojok chik ulew. Kan yojawoyoj-wi richin yojok chik poqolaj.

Wuj Richin Bix Chire ri Dios 79:3

Xkiben k'a chi ri kikik'el xbiyin chuchi' ri Jerusalem, achi'el nibiyin ri ya', y kan man jun chik k'a ri xmuqun ta kichin.

Wuj Richin Bix Chire ri Dios 58:7

Kan ta k'a xtaben chike chi xkek'is-qa achi'el nuben ri ya' toq nibiyin-el. Toq nikik'eq ri kokoj taq ch'ab, kan ta k'a xtaq'ej chikiwech.

Wuj Richin ri Achin Job 34:19

Chuwech rija' qonojel oj junan, man xaxe ta kik'in ri achi'a' e tata'al k'o-wi, chuqa' man xaxe ta ri beyoma' ri yeruto', xa kan yeruto' chuqa' ri man jun k'o kik'in, roma kan qonojel roj winaqi' kan ja ri ruq'a' rija' ri banayon qichin.

2 Sam 11:25

Y ri David kere' xubij chire ri ya'ol rutzijol richin nubij chire ri Joab: Man taxibij-awi' roma re', roma ri pa labal xa kan kere' nibanatej; y kan ek'o-wi ri yeken. Kan tatija' k'a aq'ij richin nichop ri tinamit, y nik'is jumul, xcha-el.

Deut 10:17

Roma ri Jehová ri qa-Dios kan ja rija' ri Dios pa kiwi' konojel ri dios ri ek'o, y kan ja rija' ri Ajaw pa kiwi' konojel ajaw ri ek'o. Rija' kan Dios nim rejqalen ri k'o ronojel uchuq'a' pa ruq'a' y kan ruk'amon yojbaybot chuwech. Rija' man nuben ta rukojol kik'in ri winaqi', ni man yojtikir ta niqapuaqij.

Wuj Richin ri Chojmirisabelri'il 26:40

Stape' ri iwijatzul, xtikiya' chikij ri itzel taq kibanobal rije' y chuqa' ri kichin ri kite-kitata', roma konojel rije' man xkinimaj ta nutzij; y xa xkipaba-ki' chinuwech.

1 Pedro 1:17

Ri Dios ri nibij qatata' chire, jun chojmilej q'atoy-tzij, y man nuben ta rukojol kik'in ri winaqi'. Roma wi utz o man utz ta, ri ibanobal rija' nuya' rutojbalil chiwe. Roma ri' kan tixibij-iwi' yixmakun rokik ixk'o chuwech re ruwach'ulew.

Hechos 10:34

Ri Pedro kan jari' k'a xuchop nich'on, y xubij: Wakami kan qitzij k'a nik'ulun chinuwech chi ri Dios kan junan rubanon chiqe qonojel winaqi'. Man xaxe ta jun tinamit nrajo', y yeretzelaj ta kan ri ch'aqa' chik.

Ex 21:13

Jak'a wi k'o ta chik jun wineq ri xa maneq pa ránima richin nuben kamik y nukamisaj ta jun wineq, roma xa kan xapon ri q'ij richin niken, ri xbanon ri kamik utz chi niberewaj-ri' ri akuchi ri xtinbij-wi yin.

2 Sam 14:15

Y wakami xipe yin richin nonbij re' chawe rat rey, roma ri winaqi' xkiben chuwe richin xinxibij-wi'. Y yin xinbij chi más utz yich'on awik'in rat, roma rik'in juba' naben ri xinbij chawe.

1 Rey 11:39

Y ri Jehová nubij chuqa' chi ri e rijatzul kan ri David xtuya' tijoj-poqonal pa kiwi', roma ri rumak ri Salomón, jak'a re tijoj-poqonal re' man richin ta q'asen, kere' rubin ri Jehová, xcha' ri Ahías.

Wuj Richin Bix Chire ri Dios 22:15

Ri pa nuchi' kan chaqi'j-chaqi'j k'a, kan achi'el ri poqolaj. Ri waq' kan xutz'om k'ari' ri pa nuja'j, roma ri' kan nintz'et k'a ruwech ri nukamik.

Wuj Richin Bix Chire ri Dios 77:8

¿Kan xk'is kami ri rajowabal ri man k'isel ta? ¿Kan xk'is kami chiri' jumul ri rusujun chuwe?

Wuj Richin ri K'uxla'anik 3:31

Ri Jehová kan man oj rumalin ta kan jumul.

Ez 18:23

Yin man ninwajo' ta chi ri banoy etzelal niken, ri ninwajo' yin chi nijalatej ta ri ruk'aslen richin kan xtik'ase'; ja yin Jehová ri yibin.