2 Sam 14:11 - Kaqchiquel Bible

¹¹ K'ari' ri ixoq xuk'utuj utzil chire chi tujikiba-rutzij chuwech ri Jehová chi wi k'o ta jun ri najowan nikamisan richin ri ral, kan tubana' chire chi man chik tuben keri'. Toq ri David xrak'axaj keri', kan xujikiba' k'a chuwech ri Jehová chi kan man jun rusumal-ruwi' ri ral, xtitzaq pan ulew.

2 Sam 14:11 ပူးပေါင်းရင်းမြစ်များ

Wuj Richin ri Rutikeribel 14:22

Y ri Abram xubij k'a chire ri rey richin Sodoma: Yin ninjikiba' k'a nutzij chuwech ri Jehová Dios, ri man jun chik achi'el rija', ri banayon ri kaj y ri ruwach'ulew,

Wuj Richin ri Rutikeribel 31:50

Wi k'o jun q'ij xtaben poqon chike ri numi'al o wi k'o ta jun q'ij xke'akanoj ch'aqa' chik ixoqi', stape' man jun wineq xkatz'eton, kan ja ri Dios ri xtitz'eton awichin, xcha'.

2 Sam 14:10

K'ari' ri David xuya' rutzij chi wi k'o jun ri xtich'on chik itzel chirij ri ixoq ri', k'o chi nuk'uex chuwech rija', richin keri' man jun chik tuben.

2 Sam 14:12

Chirij ri' ri ixoq xuk'utuj chik utzil chire ri rey richin tuya' q'ij chire chi nich'on chik juba'. Y ri rey kan xuya' q'ij chire.

2 Sam 14:21

Chirij re' ri David xubij chire ri Joab chi rija' xuch'ob yan rij ri xubij chire, y roma ri' tiberuk'ama' k'a ri Absalón.

1 Rey 1:52

wi ri Adonías xtuk'ut chi rija' jun chojilej achin, man jun xtiberuk'uluwachij, y ni ta jun rusumal-ruwi' man xtitzaq ta el pan ulew. Jak'a wi kan k'o rumak, kan xtiken-wi.

Wuj Richin ri Jeremías 4:2

Y wi rix niya' itzij pa nubi' yin rik'in qitzijri'il y ruchojmilal. Jari' toq yin xtinya' urtisanik y ruwaq'ijaj pa kiwi' ch'aqa' chik ruwach'ulew iwoma rix.

Wuj Richin ri Q'axanri'il 35:19

Ri rach'alal ri k'o más naqaj chire ri xkamisex, jari' ri xtiya'on ruk'exel chire ri kamisanel. Toq xtril kan xtukamisaj k'a.

Wuj Richin ri Q'axanri'il 35:21

o wi xa k'o etzelanik chikikojol y xuya' q'a' chire, y wi re wineq re' kan xken, ri kamisanel ri' chuqa' xtikamisex, roma jun ach'alalri'il.

Wuj Richin ri Q'axanri'il 35:27

y ri niya'on ruk'exel chire ri kamisanel niberuk'ulu' ta pe ri kamisanel chirij-el ruk'ulba't ri tinamit ri', y ri banoy ruk'exel xtukamisaj k'a ri kamisanel, re' kan man jun xtiban chire.

San Mateo 10:30

Keri' chuqa' rix, kan ronojel k'a ri rusumal taq iwi' ajlan roma ri Dios.

Hechos 27:34

Roma ri' ninbij chiwe wakami, chi kixwa' chi utz richin k'o iwuchuq'a'. Roma kan xqojkolotej qonojel, achi'el ri xq'alajirisex chinuwech. Kan man jun k'a ri k'o ta xtuk'uluwachij, xcha'.

1 Sam 14:45

K'ari' ri aj-labal xkibij chire ri Saúl: Roj kan man xtiqaya' ta q'ij chi niken ri Jonatán roma ja rija' ri xkolon qichin roj ri oj israelita. Chuwech ri Jehová niqabij, chi ri Jonatán kan man jun rusumal-ruwi' ri xtitzaq ta pan ulew, roma ri xuben kan xuben rik'in ri ruto'onik ri Dios, xecha'. Y keri' toq ri achi'a' ri' xkikol ri Jonatán chuwech ri kamik.

1 Sam 20:42

K'ari' ri Jonatán xubij chire: Kabiyin k'a rik'in uxlanibel-k'u'x roma chi oj ka'i' xqaya' yan qatzij pa rubi' ri Jehová. Ja ri Jehová ri xtik'oje' awik'in rat y xtik'oje' wik'in yin. Y kan ja rija' xtik'oje' kik'in ri awijatzul rat y keri' chuqa' kik'in ri e wijatzul yin, xcha'. Xbe k'a ri David, y ri Jonatán xtzolej kan pa tinamit.

1 Sam 28:10

Jak'a ri Saúl xubij chire ri ixoq: Ninya' nutzij chuwech ri Jehová chi rat kan man jun xtabek'uluwachij roma re', xcha' ri Saúl.