2 Sam 14:1 - Kaqchiquel Bible

¹ Ri Joab ral ri Seruiá, toq xunabej chi ri ránima ri rey David nibison roma ri Absalón,

2 Sam 14:1 ပူးပေါင်းရင်းမြစ်များ

2 Sam 13:39

Rokik ri' ri rey David xukuquba' ruk'u'x chi xken ri Amnón, y xpe rayibel rik'in richin nutz'et chik ruwech ri Absalón.

2 Sam 14:2

jari' toq xuteq ruk'amik jun ixoq aj-Tecoa ri kan janila nowineq. Y xuk'utuj utzil chire chi tubana-el achi'el xa ta janila nibison, y tukusaj-el tzieq richin bis, y man tuya-el jubulej aq'om chirij. Chuqa' xubij chi chirij ri' tapon rik'in ri rey, y tubana' chi achi'el xa ta k'iy yan juna' k'o-pe pa bis roma k'o jun ri xken rik'in.

2 Sam 18:33

Y toq ri David xrak'axaj ri', xpe k'a jun nimalej q'axo'n pa ránima. Xjote' k'a el chupan ri jay ri k'o pa ruwi' ri okibel richin ri tinamit. Y rokik jotol-el janila k'a noq' y nubij: ¡Nuk'ajol Absalón, nuk'ajol, nuk'ajol Absalón, k'ate' ta yin xiken pan ak'exel rat nuk'ajol!, xcha'.

2 Sam 19:2

Chupan ri q'ij ri' ri ch'akonik xa xok bis chike konojel ri aj-labal, roma xkak'axaj chi ri rey kan janila nibison y nroq'ej ri ruk'ajol.

2 Sam 19:4

Y ri David xutz'apej rupalej rik'in jun tzieq y nisik'in y nubij: ¡Nuk'ajol Absalón! ¡Absalón nuk'ajol, nuk'ajol!, ncha'.

2 Sam 2:18

Chiri' ek'o k'a ri e oxi' ral ri Seruiá: Ri Joab, ri Abisai y ri Asael. Jak'a ri Asael janila nanin, kan achi'el k'a jun masat ri k'o pa juyu'.

1 Crón 2:16

Re achi'a' re' xek'oje' ka'i' kana', ri nabey xubini'aj Seruiá y ri ruka'n xubini'aj Abigail. Ri Seruiá xek'oje' e oxi' ral y ja kibi' re': Ri nabey xubini'aj Abisai; ri ruka'n xubini'aj Joab y ri rox xubini'aj Asael.

Wuj Richin Etamabel-Tzij 29:26

E janila winaqi' ri nikiben chi utz yetz'et koma ri ek'o pa kiwi', richin chi man jun nikik'uluwachij, y man noqaqa ta chikik'u'x chi ri xtiq'aton-tzij pa kiwi' konojel ri winaqi', ja ri Jehová.