2 Sam 13:9 - Kaqchiquel Bible

⁹ Toq xchaq'aj, xroyoj ri Amnón richin niwa'. Jak'a rija' man xrajo' ta. Y xa xubij chi ke'el-el konojel ri winaqi' ri ek'o-apo rik'in. Y xe'el k'a el konojel.

2 Sam 13:9 ပူးပေါင်းရင်းမြစ်များ

Wuj Richin ri Rutikeribel 45:1

Ri José kan man nukoch' ta chik ri roq'ej chikiwech konojel rusamajela' y xubij chike: Kixel-el chi'iwonojel wawe', xcha'. Y kan man jun k'a chike ri rusamajela' xk'oje' kan chiri' toq xuq'alajirisaj-ri' chikiwech ri rach'alal.

San Juan 3:20

Konojel k'a ri yebanon ri itzel taq banobel, man k'a niqa' ta chikiwech ri saqil, ni man chuqa' yejel ta apo rik'in, roma re saqil re' nuben k'a chi yebeq'alajin-pe ronojel ri itzel taq kibanobal ri ye'ajin chubanik.

Wuj Kichin ri To'onela' 3:19

akuchi ek'o-wi ri wachibel ri niya'ox kiq'ij ri ek'o pa Guilgal. Ri Ehud xtzolin kan ruyon y xberubij chire ri rey: K'o jun ninwajo' ninbij chawe pan ayonil, xcha'. Y ri rey xubij chike ri ek'o rik'in: Kixel na el juba', xcha' chike. Y konojel ri ek'o-apo rik'in xe'el-el

2 Sam 13:8

Xapon k'a ri Tamar chirachoch ri Amnón, y toq xapon xberila' kotz'ol. Ri Tamar xuben k'a qa ka'i-oxi' kaxlan-wey y xuchaq'arisaj. Y ronojel re' rutzuliben-apo ri Amnón.

2 Sam 13:10

K'ari' ri Amnón xubij chire ri Tamar chi tuk'uaj-apo ri kaxlan-wey ri xuben k'a pa ruch'at, richin chi kan ja rija' nitzuqun-apo. Ri Tamar kan xuk'uaj k'a apo ri kaxlan-wey pa ruwarabel ri Amnón richin nutzuq.