2 Sam 13:31 - Kaqchiquel Bible

³¹ K'ari' ri David xyakatej-q'anej, y roma ri rubis xuretz ri rutziaq chirij, y xuqasaj-ri' k'a pan ulew. Y chuqa' konojel ri rusamajela' ri ek'o-apo rik'in keri' xkiben.

2 Sam 13:31 ပူးပေါင်းရင်းမြစ်များ

2 Sam 12:16

K'ari' ri David xmewayin y xuk'utuj chire ri Dios chi man ta niken ri ak'ual. Y ri pa taq chaq'a' toq nitzolej pa rachoch, kan pan ulew k'a nikotz'e-wi kan.

2 Sam 1:11

Toq ri David xrak'axaj chi keri' xbanatej, xuretz ri rutziaq chirij roma bis, y chuqa' keri' xkiben konojel achi'a' ri ek'o-apo rik'in.

Wuj Richin ri Achin Job 1:20

Kan jari' toq ri Job xuretz ri rutziaq chirij roma bis, y xujuk'uk'ej-el ri rusumal-ruwi', y xuxuk-xumej-ri' richin xuya' ruq'ij ri Dios roma ri xuk'uluwachij,

2 Sam 3:31

Chirij ri' ri David xubij chire ri Joab y ri ruwinaq, chi richin nibekimuqu' kan ri Abner, rije' k'o chi nikiretz ri kitziaq chikij, tikikusaj tzieq richin bis, y ke'ik'o-el chuwech ri kamineq. Y ri rey David chirij k'a ri kamineq xbe-wi.

Wuj Richin ri Josúe 7:6

K'ari' ri Josué y ri e tata'al kichin ri e rijatzul kan ri Israel xkiretz ri kitziaq chikij y xkijopij ulew pa kijolon, retal richin yebison. K'ari' xkiqasaj-ki' k'a pan ulew chuwech ri káxa richin ri rujikibel-tzij ri Jehová; keri' xkiben k'a toq xqaqa na ri q'ij. K'ari' xeyakatej-q'anej.

Wuj Richin ri Rutikeribel 37:34

K'ari' rija' xuretz ri rutziaq chirij, xukusaj ri tzieq ri richin bis y janila k'iy q'ij xubisoj ri rukamik ri ruk'ajol.

Wuj Richin ri Rutikeribel 37:29

Y ri Rubén toq xtzolin-pe akuchi beneq-wi y xbe akuchi k'o-wi ri jul, xutz'et chi xa maneq chik ri José chiri', xpe bis rik'in y roma ri' xuretz ri rutziaq chirij.

2 Sam 13:30

Rokik e animajineq ri ch'aqa' chik ralk'ual ri David, kan ja yan ri' xapon rutzijol rik'in rija', chi ri Absalón xerukamisaj konojel ri rach'alal, y man jun xk'oje' kan.