2 Sam 13:3 - Kaqchiquel Bible

³ Ri Amnón k'o k'a jun rachibil rubini'an Jonadab, ri kan janila nowineq. Y rija' ruk'ajol ri Simá ri rach'alal ri David.

2 Sam 13:3 ပူးပေါင်းရင်းမြစ်များ

1 Sam 16:9

K'ari' ri Isaí xuq'axaj-apo ri Samá, y ri Samuel xubij chik chi man ja ta la'.

1 Corintios 3:19

Roma chuwech ri Dios, ri na'oj richin re ruwach'ulew xa kan man jun nik'atzin-wi, achi'el ri nubij chupan ri ruch'abel ri tz'ibatel kan: Ri winaqi' ri nikikuquba' kik'u'x rik'in ri na'oj ri k'o kik'in, k'iy bey xa chubanik ri etzelal nikikusaj-wi y chiri' k'a yeruchop-wi ri Dios y yeqaqa pa ruq'a'.*f7*

Santiago 3:15

Jun ch'obonik keri' man peteneq ta chila' chikaj rik'in ri Dios. Xa kan kichin ri winaqi' ri maneq Dios chikiwech, y xa richin chuqa' ri Itzel-Wineq.

Wuj Richin ri Jeremías 4:22

Ri nuwinaq kan maneq kina'oj, man ketaman ta nuwech. Kan e alk'ualaxela' ri maneq ketamabal y kan man jun niq'ax chikiwech. Kan janila e nowineq richin nikiben etzelal, jak'a man ketaman ta nikiben ri utz.

Wuj Richin Etamabel-Tzij 19:6

Kan janila wi e k'iy winaqi' ri yekamela'an chikiwech ri winaqi' ri k'o kiq'ij, richin nikik'utuj jun utzil; y kan konojel winaqi' yebin chi kachibil jun wineq, xaxe roma k'o sipanik ri nuya' chike.

Ester 6:13

K'ari' xutzijoj chire ri Zeres ri rixjayil y chike konojel ri rachibil ronojel ri xbanatej. Y rije' xkibij chire: Rat xa kan xqasex k'a aq'ij roma ri Mardoqueo. Y roma rija' judío, kan man xkatikir ta chirij; xa xkabetzaq k'a pa ruq'a', xecha'.

Ester 5:14

Xeri' ri Zeres y konojel ri rachibil xkibij chire: Tataqa' rubixik chi tipabex-q'anej jun che' richin nitzeqebex chikaj ri Mardoqueo, y ri che' ri' xtiban chire chi oxlajuj jaj rik'in jun q'a'aj ri rujotolen. Y chua'q nimaq'a', tak'utuj utzil chire ri rey chi titzeqebex ri Mardoqueo; richin keri' xkakikot chupan ri nima-wa'in rik'in ri rey, xecha'. Re jun na'oj re' kan xqa' chuwech ri Amán, y keri' k'a xuteq rubixik chi tiban.

Ester 5:10

Jak'a ri Amán xa man xuk'ut ta chi royowal. Y toq xapon chirachoch, xeroyoj ri rachibil y chuqa' xroyoj ri Zeres, ri rixjayil.

2 Sam 14:2

jari' toq xuteq ruk'amik jun ixoq aj-Tecoa ri kan janila nowineq. Y xuk'utuj utzil chire chi tubana-el achi'el xa ta janila nibison, y tukusaj-el tzieq richin bis, y man tuya-el jubulej aq'om chirij. Chuqa' xubij chi chirij ri' tapon rik'in ri rey, y tubana' chi achi'el xa ta k'iy yan juna' k'o-pe pa bis roma k'o jun ri xken rik'in.

2 Sam 13:32

Jak'a ri Jonadab, ri ruch'utik'ajol ri David, xch'on-apo y xubij: Wajaw, man tanimaj chi kan konojel ri awalk'ual xekamisex, roma xaxe ri Amnón ri xkamisex. Re' kan rurayibel-wi k'a ri Absalón, kan chupan-pe ri q'ij toq ri Amnón xk'oje' rik'in ri Tamar ri yijrana'. Kan jari' toq rubin-pe richin k'o chi nukamisaj.

Wuj Kichin ri To'onela' 14:20

Y ri rixjayil ri Sansón xa xya'ox chik k'a el chire jun chike ri alaboni' ri xerachibilaj chupan ri ruk'ulubik.

Wuj Richin ri Rutikeribel 38:20

Y ri Judá xuteq k'a ri alaj tzuntzun, xuteq chirij ri rachibil ri aj-Adulam, richin nitzolix-pe ri retal ri ruya'on kan chire ri ixoq; y ri rachibil ri Judá xa man xril ta ri ixoq.

Wuj Richin ri Rutikeribel 38:1

Y xk'uluwachitej k'a chupan ri q'ij ri', chi ri Judá xuch'er-el ri' chike ri rach'alal y xbek'oje' pa rachoch jun achin rubini'an Jirá ri k'o chupan ri tinamit ri nibix Adulam chire.

Wuj Richin ri Rutikeribel 3:1

Y chikikojol k'a ri chikopi' ri e richin pa k'echelaj ri xeruben ri Dios, k'o k'a jun kumetz ri más nowineq y kan man jun chik k'a ri achi'el rija'. Y rija' xubij chire ri ixoq: ¿Kan qitzij chi ri Dios xubij chiwe chi man titej kiwech re che' re ek'o wawe' pa qejoj?, xcha'.

1 Sam 16:11

¿Ja konojel ak'ajol re'?, xcha'. Y ri Isaí xubij: K'a k'o na kan jun nuk'ajol ri ti ch'i'p, ri niyuq'un kichin ri nukarne'l, xcha'. Y ri Samuel xubij chire ri Isaí: Tataqa' royoxik, roma kan man xqojtz'uye' ta qa richin ri wa'in k'a toq xtipe na rija', xcha'.

2 Sam 13:2

Ri Amnón kan man nril ta k'a achike nuben richin nik'oje' rik'in, roma man niya'ox ta q'ij chi jun xten nik'oje' chikikojol alaboni' y ri achi'a'. Y roma ri' ri Amnón sachineq ruk'u'x y kan xuyabij.

2 Sam 13:4

Y ri Jonadab xuk'utuj chire ri Amnón ri achike roma q'ij-q'ij más yawa' nitzu'un, stape' kan ruk'ajol ri rey. Y xubij chire chi tuq'alajirisaj chuwech. K'ari' ri Amnón xubij chi keri' rubanon roma janila nrajo' ri Tamar ri rana' ri Absalón.

2 Sam 21:21

Y re achin re' xuyek koyowal ri aj-Israel. Jak'a ri Jonatán ruk'ajol ri Simá, ri rach'alal ri David, xa xukamisaj.

1 Crón 2:13

Ri Isaí xralk'ualaj ri Eliab, ri nabey ruk'ajol. K'ari' ri Abinadab, ri Simá,

1 Crón 27:32

Ri Jonatán, ri ruch'utitata' ri David, rija' jun achin ri janila nowineq kan tijon jebel richin nipixaban. Rija' y ri Jehiel ruk'ajol ri Hacmoní, ja rije' e tijonel kichin ri e ralk'ual ri rey.