2 Sam 13:29 - Kaqchiquel Bible

²⁹ Toq xbanatej yan k'a ri rubin ri Absalón chike ri rusamajela' richin xkikamisaj ri Amnón, jari' toq konojel ri e ralk'ual ri rey chi'anin xech'oke-el chirij ri kikowilej taq kiej richin xe'animej.

2 Sam 13:29 ပူးပေါင်းရင်းမြစ်များ

1 Rey 1:33

rija' xubij chike: Ke'iwoyoj konojel e nima'q taq nusamajela', y tich'okoba-el ri nuk'ajol Salomón chirij ri nubur, y kixbiyin-qa pa ralaxbel-ya' Guihón.

2 Sam 18:9

Chupan ri oyowal ri', ri Absalón xberuk'ulu-pe-ri' kik'in jujun chike ri ruwinaq ri David, y rija' ch'okol k'a el chirij jun kowilej-kiej. Y toq ri kowilej kiej ri' xok k'a chuxe' ruq'a' jun paten che', jari' toq ri rusumal-ruwi' ri Absalón xubek' ri' chirij ri ruq'a' ri che' ri'. Y rija' xtzeqe' kan chiri', jak'a ri kowilej-kiej xa yakel xq'ax-el.

Wuj Richin ri Miqueas 7:3

Konojel ri winaqi' kan e nowineq k'a chubanik etzelal. Ri e tata'al man jun nikiben wi maneq naya' chike. Ri to'onela' xa nikik'ayij-ki'. Ri winaqi' ri k'o kuchuq'a' xa nikiben ri nikajo' rije'. Y konojel xa kiya'on chikiwech.

Wuj Richin Etamabel-Tzij 29:12

Ri tata'al ri kan jebel nunimaj-qa ri tz'ukun taq tzij ri yebix chire; xa yeruyoj ri rusamajela', y nuben chike chi xke'ok tz'ukuy taq tzij.

Wuj Richin ri Chojmirisabelri'il 19:19

Kan ke'iyaka' k'a pa taq iwánima ri pixa' ri nuya'on chiwe. Man tiya' q'ij chike ri iwawej richin ye'etz'an kik'in ch'aqa' chik kiwech chikopi' richin ye'alex. Toq niben tiko'n man k'a titik-qa jalajoj ruwech ija'tz chupan jun ulew. Chuqa' man k'a tikusaj tzieq ri banon rik'in jalajoj ruwech betz'.

Wuj Richin ri Rutikeribel 36:24

Ri e ralk'ual ri Sibón: Ja ri Aiá y ri Aná. Y re Aná re' ja rija' ri xilo ri ralaxbel-ya' ri k'o pa tz'iran ruwach'ulew, toq e ruchajin ri rubur ri rutata'.

2 Sam 13:30

Rokik e animajineq ri ch'aqa' chik ralk'ual ri David, kan ja yan ri' xapon rutzijol rik'in rija', chi ri Absalón xerukamisaj konojel ri rach'alal, y man jun xk'oje' kan.

1 Rey 1:38

K'ari' ri sacerdote Sadoc, ri Natán ri q'alajirisey ruch'abel ri Dios, ri Benaías ri ruk'ajol ri Joiadá, y ri chajinela' richin ri rey xkich'okoba' k'a el ri Salomón chirij ri rukowilej-kiej ri rey, y keri' xebe-qa pa Guihón.

2 Sam 12:10

xinawetzelaj yin y xak'en-qa ri rixjayil ri Urías. roma ri' kan jantape' k'a xkeken ri e aj pan awachoch.

2 Sam 14:6

Y ek'o k'a e ka'i' wal alaboni'. Y rije' xech'ayon-ki' pa juyu'; y kan man jun k'o chiri' richin xch'aron kichin. Roma ri' ri jun xukamisaj ri rach'alal.