2 Sam 13:26 - Kaqchiquel Bible

²⁶ K'ari' ri Absalón xubij chi wi rija' man nitikir ta nibe, stape' xaxe k'a ri Amnón ri runimal ri nibe rik'in. Y ri rey xuk'utuj chire achike roma nrajo' chi nibe ri Amnón rik'in.

2 Sam 13:26 ပူးပေါင်းရင်းမြစ်များ

Wuj Richin Bix Chire ri Dios 55:21

Ri ruch'abel kan jebel k'a nuben chire, Jak'a ri ránima xa nojineq chi oyowal. Ri ruch'abel kan e ch'uch'uj, más chuwech ri aceite ri niya'ox chirij jun sokotajik. Jak'a ri ch'abel ri' xa e achi'el jun espada ri nikamisan.

2 Sam 20:9

Xusik' k'a el, y toq xapon-apo rik'in ri Amasá, ruk'uan pa ruq'a'. Xuk'utuj k'a rutzil ruwech y xuchop-apo ri rusumal-ruchi' ri Amasá rik'in ri rijkiq'a' richin nutz'ubaj.

2 Sam 3:27

Y toq ri Abner xapon chik pan Hebrón, jari' toq ri Joab xuk'uaj-el chuchi' ri tinamit richin nitzijon rik'in pa ruyonil. Jari' toq xuchuq'ij chirupan. Y ri Abner xken kan chiri'. Y keri' ri Joab xuben ruk'exel chire roma xukamisaj ri Asael ri rach'alal.

2 Sam 13:25

Jak'a ri rey xubij chi man yebe ta konojel richin chi man nikiya' ta pa latz'. Y stape' ri Absalón xutej ruq'ij, ri rey man xrajo' ta xbe. Y xaxe k'a xuya-el urtisanik pa ruwi'.

2 Sam 13:27

Jak'a ri Absalón kan xutej ruq'ij chuk'utuxik, y roma ri' ri David xuya-el q'ij chire ri Amnón y xebe chuqa' konojel ri kach'alal.

Wuj Richin Etamabel-Tzij 26:24

Ri wineq ri xa nretzelaj jun chik, kan jebel nrewaj rik'in ri jebel taq ch'abel ri yerubila' chire, jak'a ri pa ránima, xa k'o ta nrajo' chi niqaqa pa ruq'a'.

Wuj Richin ri Jeremías 9:7

Roma ri' yin Jehová ri in k'iytisanel richin ronojel ninbij k'a chi kan man jun chik yitikir ninben kik'in ri nuwinaq, xaxe k'a achi'el niban chire ri q'eqapueq ri niya'erisex pa q'aq' richin yech'ajch'ojir-el.