2 Sam 13:20 - Kaqchiquel Bible

²⁰ Jari' k'a toq xberuk'ulu-pe ri Absalón, y xutzijoj ronojel chire. Y ri Absalón xubij chire: ¡Wakami wetaman chik chi ja ri Amnón ri xbanon ronojel re' chawe! Man rik'in ri' man k'a katoq', roma xa qach'alal chuqa'. Man taya-awi' pa q'axo'n, xcha'. Stape' keri' xubij ri Absalón, ri Tamar kan janila k'a xbison. Y xbek'oje' kan pa rachoch ri Absalón ri ruxibal.

2 Sam 13:20 ပူးပေါင်းရင်းမြစ်များ

Romanos 12:19

Rix ri yalan yixinwajo', ninbij k'a chiwe chi wi ek'o ri yebanon itzel chiwe, man tiben ruk'exel chike. Xa tiya' pa ruq'a' ri Dios, roma ja rija' ri xtiya'on rutojbalil ri itzel taq kibanobal, kan achi'el ri nubij ri ruch'abel ri Dios ri tz'ibatel kan:*f47* Pa nuq'a' yin k'o-wi ri ruk'ayewal y ninya' rutojbalil chike ri yemakun, nicha'.

Wuj Richin Etamabel-Tzij 26:24

Ri wineq ri xa nretzelaj jun chik, kan jebel nrewaj rik'in ri jebel taq ch'abel ri yerubila' chire, jak'a ri pa ránima, xa k'o ta nrajo' chi niqaqa pa ruq'a'.

Wuj Richin ri Rutikeribel 46:15

E waqxaqi' ruk'ajol ri Jacob ri xek'oje' rik'in ri Lea pa Padán-aram y ri ch'aqa' chik ri e riy y ri e ruxikin riy ri Lea e juwineq oxlajuj konojel. Y ri Dina ral chuqa' ri Lea.

Wuj Richin ri Rutikeribel 34:2

Y ri achin Hamor heveo, ri tata'al ri chiri' chupan ri ruwach'ulew ri' k'o jun ruk'ajol rubini'an Siquem, y rija' xutz'et k'a ri Dina xuchop y rik'in uchuq'a' xkotz'e' rik'in.

2 Sam 13:19

K'ari' ri Tamar xuretz-el ri rutziaq ri', y xujopij-el chaj pa rujolon, Y k'ari' xuya-el ri ruq'a' chupalej y noq' xbe.

2 Sam 13:21

Y toq ri David xrak'axaj ronojel re', kan janila k'a xyakatej royowal. Jak'a man jun xubij chire ri Amnón roma kan jari' ri nabey ruk'ajol, y janila nrajo'

2 Sam 14:24

Jak'a ri rey xubij-el chi ri Absalón tibek'oje' chupan ri rachoch rija', y man pa rachoch ta ri rey. Keri' xtzolin k'a ri Absalón chirachoch, jak'a man xutz'et ta ruwech ri rutata'.