2 Sam 13:19 - Kaqchiquel Bible

¹⁹ K'ari' ri Tamar xuretz-el ri rutziaq ri', y xujopij-el chaj pa rujolon, Y k'ari' xuya-el ri ruq'a' chupalej y noq' xbe.

2 Sam 13:19 ပူးပေါင်းရင်းမြစ်များ

Wuj Richin ri Rutikeribel 37:29

Y ri Rubén toq xtzolin-pe akuchi beneq-wi y xbe akuchi k'o-wi ri jul, xutz'et chi xa maneq chik ri José chiri', xpe bis rik'in y roma ri' xuretz ri rutziaq chirij.

2 Sam 1:11

Toq ri David xrak'axaj chi keri' xbanatej, xuretz ri rutziaq chirij roma bis, y chuqa' keri' xkiben konojel achi'a' ri ek'o-apo rik'in.

2 Sam 1:2

Y pa rox q'ij chi tapon ri David pa Siclag, xapon k'a jun ala' ri peteneq ri akuchi xek'oje-wi ri aj-labal ri xek'oje' rik'in ri Saúl. Y re ala' re' kan tzeretzik k'a rutziaq peteneq, y ruya'on-pe ulew pa rujolon, retal richin nibison. Toq rija' xapon rik'in ri David, kan xuqasaj-ri' chuwech richin xuya' ruq'ij.

2 Sam 13:20

Jari' k'a toq xberuk'ulu-pe ri Absalón, y xutzijoj ronojel chire. Y ri Absalón xubij chire: ¡Wakami wetaman chik chi ja ri Amnón ri xbanon ronojel re' chawe! Man rik'in ri' man k'a katoq', roma xa qach'alal chuqa'. Man taya-awi' pa q'axo'n, xcha'. Stape' keri' xubij ri Absalón, ri Tamar kan janila k'a xbison. Y xbek'oje' kan pa rachoch ri Absalón ri ruxibal.

Ester 4:1

Toq xunabej ri Mardoqueo ri xbanatej, xuretz ri rutziaq chirij, retal richin nibison y xukusaj-el jun rutziaq qiriqoj, y xuya-el chaj pa rujolon, y xuchop nibiyajilan kojol jay chiri' chupan ri tinamit, y nisik'in rik'in janila q'axo'n.

Wuj Richin ri Achin Job 2:12

Toq rije' ye'apon yan k'a apo rik'in, kan man niketamaj ta chik ruwech roma ri ruk'uluwachin. Jari' toq xkoq'ej ruwech rik'in raqoj-chi'ij, y chikijujunal rije' xkiretz ri kitziaq chikij y xkijopij ulew chikaj y pa kiwi'.

Wuj Richin ri Achin Job 42:6

Y roma kan xatintz'et re wakami, kan yik'ix roma ronojel ri nubin chawij y ninwetzelaj-wi'. Roma ri' ninqasaj-wi' chawech k'a chupan re poqolaj y re chaj, xcha'.

Wuj Richin ri Jeremías 2:37

Kan xkixel-pe chiri' pan Egipto rik'in k'ixbilal, roma yin man utz ta chik yentz'et ri achoq ik'in ikuquban-wi ik'u'x. Y man jun bey xkixbe pa jotol koma rije', xcha' ri Dios.

Wuj Richin ri Josúe 7:6

K'ari' ri Josué y ri e tata'al kichin ri e rijatzul kan ri Israel xkiretz ri kitziaq chikij y xkijopij ulew pa kijolon, retal richin yebison. K'ari' xkiqasaj-ki' k'a pan ulew chuwech ri káxa richin ri rujikibel-tzij ri Jehová; keri' xkiben k'a toq xqaqa na ri q'ij. K'ari' xeyakatej-q'anej.

1 Sam 4:12

K'o k'a jun achin rijatzul kan ri Benjamín ri xtikir xanimej-el pan oyowal y xbe pa Siló y rutzeron-el ri rutziaq chirij y ruya'on-el poqolaj pa rujolon richin chi xuk'ut chi janila nibison.