2 Sam 13:1 - Kaqchiquel Bible

¹ Jun k'a chike ri ralk'ual ri David rubini'an Amnón. Y ri Amnón k'o k'a jun yijrana' rubini'an Tamar, ri kan jebel ok nitzu'un. Y ri Amnón kan xbe k'a ránima chirij ri Tamar.

2 Sam 13:1 ပူးပေါင်းရင်းမြစ်များ

Wuj Richin ri Rutikeribel 29:18

Y ri Jacob kan xbe ránima chirij ri Raquel roma janila jebel ok y xubij chire ri Labán: Xkatinwilij k'a wuqu' juna' roma la chaq'laxel ami'al, xcha'.

Wuj Richin ri Rutikeribel 29:20

Y keri' ri Jacob xsamej k'a wuqu' juna' roma ri Raquel, jak'a chuwech rija' man k'iy ta juna' xsamej, roma janila nrajo'.

Wuj Richin ri Rutikeribel 34:3

Jak'a ri Siquem man xuya' ta chik kan ri Dina y xbe ránima chirij. Y xutej ruq'ij chirij ri Dina richin chi xajowex ta.

Wuj Richin ri Rutikeribel 6:2

jari' toq ri e ralk'ual ri Dios, xekitz'et chi ri xtani' ri', kan e jebejoj ok y roma ri' xekicha' richin xek'ule' kik'in.*f7*

2 Sam 11:2

Y k'o k'a jun q'ij, toq xqaq'ij-qa, ri David xyakatej-el pa ruwarabel y xbek'astan-q'anej pa ruwi' ri rachoch. Y k'a chiri' xutz'et-qa jun ixoq ri natin y kan janila jebel ok.

2 Sam 13:15

Chirij ri' ri Amnón xubij chire ri Tamar chi tiyakatej-el y tibe. Y kan xretzelaj k'a rik'in ronojel ránima. Kan más k'a xretzelaj ke chuwech toq xrajo'.

2 Sam 13:2

Ri Amnón kan man nril ta k'a achike nuben richin nik'oje' rik'in, roma man niya'ox ta q'ij chi jun xten nik'oje' chikikojol alaboni' y ri achi'a'. Y roma ri' ri Amnón sachineq ruk'u'x y kan xuyabij.

2 Sam 14:27

Y ri Absalón xek'oje' k'a e oxi' ruk'ajol y jun rumi'al xubini'aj Tamar. Y ri Tamar kan jun k'a ixoq ri janila jebel ok.

1 Rey 11:1

Ri rixjayil ri rey Salomón ja ri rumi'al ri rey richin Egipto, jak'a pa ruwi' ri' ek'o más ixoqi' ri xerajo' y xe'ok rixjayil. Ek'o chike rije' e aj-Moab, aj-Amón, aj-Edom, aj-Sidón y chuqa' ixoqi' hitita; konojel re ixoqi' re' man e ruwinaq ta.

1 Crón 3:2

ri rox ja ri Absalón, ral ri Maacá, rumi'al ri Talmai, rey richin ri ruwach'ulew Guesur; ri rukaj ja ri Adonías, ral ri Haguit;

1 Crón 3:9

Jare' k'a ri e ralk'ual ri David ri xek'oje', y man xe'ajlex ta k'a ri ch'aqa' chik ralk'ual ri xe'alex kik'in ri e ru-concubina. Y re' xk'oje' jun kana' xubini'aj Tamar.

Wuj Richin Etamabel-Tzij 31:30

Ri jebejoj ok nitzu'un jun ixoq y ri jebel rubanik, xa chi'anin niq'ax; jak'a ri ixoq ri kan k'o rukiy ri Jehová chuwech, kan xtinimirisex ruq'ij.

Wuj Richin Etamabel-Tzij 6:25

Kan man k'a tirayij chi iwichin ta rix ri jun jebejoj ok ixoq ri', y kan man k'a kixqaqa pa ruq'a' rik'in ri rubanik ri yixrutzu'.