2 Sam 12:8 - Kaqchiquel Bible

⁸ Xinya' ri rachoch pan aq'a', chuqa' ri ixoqi' ri e richin kan rija'. Chuqa' xinya' chawe ri ajawaren richin ri Israel y ri Judá. Y wi ta ti juba' ok re', yin kan xinya' ta chik más chawe.

2 Sam 12:8 ပူးပေါင်းရင်းမြစ်များ

2 Sam 12:11

Re ruk'ayewal re' xtipe pan awi' y kan ja ri e aj pan awachoch ri xkek'amon-pe pan awi'. Kan chawech rat xkenk'uaj-el ri awixjayilal y xkenjech chire jun chike ri aj pan awachoch, richin xtik'oje' kik'in. Y re' man pan ewel ta xtibanatej-wi, roma xa kan chijun re tinamit xtitz'eton. Rat abanon-pe ri mak ri' pan ewel, jak'a yin xtinben richin xtiq'alajin chuwech chijun re ruwach'ulew Israel. Yin Jehová ri yibin, xcha' ri Natán.

2 Sam 12:2

Ri beyom k'o k'a janila chi kokoj y nima'q taq awej rik'in.

2 Sam 2:4

Y xeri' xe'apon k'a ri e aj-raqen richin ri Judá rik'in ri David richin xbekiqasaj aceite pa ruwi' richin xok kan rey. Chirij ri' xtzijox chire ri David chi ja ri achi'a' aj-Jabés ri richin Galaad ri xebanon utzil richin xkimuq ri Saúl.

2 Sam 5:5

Wuqu' juna' rik'in nik'aj xq'aton-tzij pa ruwi' ri Judá chiri' pan Hebrón. Y juwineq oxlajuj juna' xq'aton-tzij pa ruwi' chijun ruwach'ulew Israel chiri' pa Jerusalem.

2 Sam 7:19

Y re' xa kan ti juba' ok chawech rat Nimalej Jehová, roma stape' yin xa in jun asamajel, man rik'in ri' rat kan xach'on yan apo chirij ri wijatzul ri chinuwech-apo. ¿Kan kere' kami naben kik'in konojel winaqi', rat nimalej Jehová?

2 Sam 9:7

Y ri David xubij chire: Man naxibij-awi', roma yin kan xtinjoyowaj awech roma ri ajowabel ri xk'oje' chiqakojol rik'in ri atata' Jonatán. Y roma ri' xtintzolij chik k'a chawe ri ulew ri richin kan ri amama'. Y chuqa' kan jantape' xkawa' wik'in yin, xcha'.

1 Rey 2:22

K'ari' ri Salomón xubij chire ri rute': ¿Achike k'a roma nak'utuj ri Abisag ri aj-Sunem richin nok rixjayil ri Adonías? ¿O xa nawajo' nak'utuj chuqa' ri q'atbel-tzij richin rija'? Wi keri', kan utz k'ari', roma ja rija' nimalaxel. ¡Pa ruwi' ri' ek'o ri sacerdote Abiatar y ri Joab rik'in!, xcha'.

Wuj Richin Bix Chire ri Dios 84:11

Roma rat Jehová Dios, kan ja rat yasaqirisan ri qabey, y yojachajij; kan naya' ri utzil y ruwaq'ijaj chike ri yebiyin choj chawech rat, y kan man nawelesaj ta k'a ri awutzil pa kiwi'.

Wuj Richin Bix Chire ri Dios 86:15

Jak'a rat ajaw kan at Dios joyowanel y koch'onel, man chi'anin ta k'a nipe awoyowal y ri awajowabal kan man jun bey xtik'is y rat man jun bey yojamalij kan.

Romanos 8:32

¿Kan k'o ta kami ri man utz ta ri nuya-pe chiqe? Man jun; roma rija' man xupoqonaj ta k'a xuya-pe ri kan Ruk'ajol richin chi xken qoma qonojel roj.

1 Sam 15:19

¿Achike k'a roma man xanimaj ta ri xubij ri Jehová chawe? Y xa xak'en chuwi-kiq'a' ri etzelanel qichin ri k'o rejqalen y xa chirij ri' xbe awánima. Re' kan itzel xaben chuwech ri Jehová, xcha' ri Samuel.