2 Sam 12:7 - Kaqchiquel Bible

⁷ K'ari' ri Natán xubij chire ri David: Ja rat ri' ri xabanon keri'. Roma ri' kan tawak'axaj k'a ri nubij ri Jehová, ri qa-Dios chawe: Yin xinqasaj aceite pan awi' richin xatok rey pa ruwi' ri tinamit Israel, y xatinkol pa ruq'a' ri Saúl.

2 Sam 12:7 ပူးပေါင်းရင်းမြစ်များ

2 Sam 14:13

Y ri ixoq xubij: ¿Achike k'a roma abanon jun ch'a'oj qik'in roj ri rutinamit ri Dios? Roma rik'in ri xabij chuwe, nel chi tzij chi rat at aj-mak, roma man nawajo' ta richin nitzolin-pe ri ak'ajol ri animajineq-el.

2 Sam 22:1

Toq ri David xkolotej yan roma ri Jehová pa kiq'a' ri etzelanel richin, y pa ruq'a' ri Saúl, jari' toq xuben re jun bix re' chire ri Jehová:

2 Sam 22:49

Ja rija' k'a ri nikolon wichin pa kiq'a' ri e etzelanel wichin. Kan nuben k'a chuwe chi kan yich'akon chikij ri e yakatajineq chuwij. Chuqa' kan yirukol pa ruq'a' ri wineq itzel.

2 Sam 7:8

Wakami, yin Jehová k'iytisanel richin ronojel, ninbij k'a chawe rat David chi ja yin ri xinelesan-pe awichin chikikojol ri karne'l richin xatok tata'al pa ruwi' ri nutinamit Israel.

1 Rey 14:7

Kabiyin y tabebij chire ri Jeroboam ri nubij ri Jehová ri qa-Dios richin Israel. Kere' k'a ri nubij: Yin xatincha' chikikojol ri nuwinaq richin xatok rey pa ruwi' ri nutinamit Israel.

1 Rey 18:18

Y ri Elías xubij: Yin man nusachon ta kik'u'x ri qawinaq israelita: Ja rat y ri ek'o pa rachoch ri atata'. Rix xa xiya' k'a kan ri rupixa' ri Jehová richin xe'itzeqelibej ri Baal.

1 Rey 20:40

Rokik yin yibe kela-yibe kela' ninben pan oyowal, ri achin ri' xsacho-el ri', xcha' chire ri Acab. Y ri Acab xubij chire: Kan ja rat k'a xkakamisex pa ruk'exel, roma kan ja rat xabin, xcha'.

1 Rey 20:42

Y ri achin ri' xubij chire ri Acab: Kere' nubij ri Jehová: Rat kan xaya-el q'ij chire ri Ben-hadad richin xbe, stape' yin kan nubin chik chi kan k'o chi nikamisex. Wakami k'a, kan ja ri ak'aslen rat xtaya' pa ruk'exel ri ruk'aslen rija', y ri atinamit pa ruk'exel ri rutinamit rija', nicha' ri Jehová, xcha'.

Wuj Richin Bix Chire ri Dios 18:1

Jehová, yin kan janila yatinwajo', roma kan ja rat yaya'on wuchuq'a'.

Wuj Richin ri Jeremías 34:6

K'ari' xinkamuluj k'a ronojel re' chire ri rey Sedequías chiri' pa Jerusalem,

Dn 4:22

ri che' ri' kan ja rat ri' nu-rey. Ri awajawaren rat, kan janila k'a xnimer y janila ruchuq'a'. Ri runimirinen kan janila xbe pa jotol ri kan napon k'a chikaj. Y ri aq'atbel-tzij kan napon k'a pa taq ruk'isibel chire ri ruwach'ulew.

San Mateo 14:14

Y toq ri Jesús nel k'a kan chupan ri barco ri chiri' juk'an ruchi' ri choy, xutz'et k'a chi e janila chik e k'iy winaqi' ri e oyobeyon richin, y rija' janila k'a xujoyowaj kiwech ri winaqi' ri'. Roma ri' kan xeruk'achojirisaj-wi k'a ri yawa'i' ri ek'o chikikojol.

1 Sam 13:13

K'ari' ri Samuel xubij chire ri Saúl: Rat xa kan xach'ujer chubanik re'. Wi ta rat xataqej ri rupixa' ri Jehová ri qa-Dios ri rubin chawe, kan ja ta re wakami xujikiba' ri aq'atbal-tzij pa ruwi' ri Israel richin jantape'.

1 Sam 15:17

K'ari' ri Samuel xubij: Stape' pa nabey, rat xana-awi' chi man jun awejqalen. ¿Man banon ta kami chawe chi at jun aj-raqen pa kiwi' ri israelita? Y ri Jehová xarukusaj kan rey pa ruwi' ri tinamit.

1 Sam 16:13

K'ari' ri Samuel xuchop ri uk'a' nojineq rik'in aceite y xuqasaj pa ruwi' ri David chiri' chikikojol ri rach'alal. Y chupan k'a ri q'ij ri' ri Espíritu richin ri Jehová xoqaqa pa ruwi' ri David. Y ri Samuel xtzolin-el pa tinamit Ramá.

1 Sam 18:11

Y xuch'ob chi nuch'ik ri David chuwech ri jay, y xuk'eq ka'i' mul ri rukamisabal chirij ri David y rija' kan chi e ka'i' mul xtikir xujel.

1 Sam 18:21

Y xubij-qa: Xtinya' ri Mical chire ri David, y re' xtik'atzin richin jun pikbel chire richin xtitzaq pa kiq'a' ri aj-Filistea, xcha-qa. K'ari' ri Saúl xubij chik chire ri David: Wakami kan xkatok-wi nuji', xcha'.

1 Sam 23:14

Y ri David xebek'oje' k'a chuwi' taq juyu' richin xbekewaj-ki' pa taq jul chiri' pa tz'iran ruwach'ulew richin Zif. Y ri Saúl kan ronojel k'a q'ij xerukanoj, jak'a ri Dios man xeruk'ut ta chuwech.

1 Sam 23:7

Y xya'ox k'a rutzijol chire ri Saúl chi ri David k'o pa Queilá. K'ari' ri Saúl xubij: Ja ri Dios xjachon pa nuq'a', roma wakami k'o chupan jun tinamit ri yojtikir niqatz'apej ruchi', xcha' ri Saúl.