2 Sam 12:30 - Kaqchiquel Bible

³⁰ Ri David xrelesaj k'a ri ru-corona ri rey richin ri Rabá. Y ri corona ri' xya'ox pa rujolon rija'. Ri ralal jubama oxk'al wolajuj libra y banon rik'in q'anapueq y kan k'o k'a jebelej taq abej chirij. Chuqa' xumej-el chuwi-kiq'a' ri amonita ronojel ri k'o rejqalen.

2 Sam 12:30 ပူးပေါင်းရင်းမြစ်များ

2 Sam 12:29

K'ari' ri David xerumol k'a ri aj-labal, y xkichop oyowal rik'in ri tinamit Rabá, y kan xkich'ek.

1 Crón 20:2

Chirij ri' ri David xbe richin xberelesaj-pe ri ru-corona ri rey richin ri tinamit ri' y xutz'et chi kan janila ralal. Nipajon k'a jubama oxk'al wolajuj libra, y banon rik'in q'anapueq; kan ek'o jebejoj taq abej chirij. Re' xya'ox pa rujolon ri David. Keri' chuqa' kan xekimej k'a pe chuwi-kiq'a' ri etzelanel kichin ronojel ri k'o rejqalen.

Wuj Richin Bix Chire ri Dios 21:3

Xaya' k'a pe urtisanik pa ruwi', corona ri banon rik'in q'anapueq xaya' pa rujolon.

Wuj Richin ri Zacarías 6:11

K'ari' xtak'uaj k'a el ri saqipueq y ri q'anapueq, richin xtiban jun nima-corona chire ri kan k'o ruwiq. Y xtaya' pa rujolon ri nimalej sacerdote Josué ri ruk'ajol ri Josadac.