2 Sam 12:24 - Kaqchiquel Bible

²⁴ Chirij re' ri David xukuquba' ruk'u'x ri Betsabé ri rixjayil. Xk'oje' chik k'a jun bey rik'in, y rija' xk'oje' k'a jun chik ti ral. Y re ak'ual re' xubini'aj Salomón, y re' kan janila k'a xajowex roma ri Jehová.

2 Sam 12:24 ပူးပေါင်းရင်းမြစ်များ

San Mateo 1:6

Y re Isaí re' xralk'ualaj ri rey David. Ri rey David xralk'ualaj ri Salomón rik'in ri Betsabé ri rixjayil. Ri Betsabé ri', ja ri rixjayil kan ri Urías.

1 Crón 29:1

Chirij ronojel ri' ri rey David kere' xubij chike konojel ri winaqi': Ri Dios xcha'on ri nuk'ajol Salomón, jak'a rija' jun ala' k'a ko'ol ok y ri samaj janila nim, roma ri jay ri' man achi'el ta ok jun xabachike jay. Re' kan rachoch ri Jehová Dios.

1 Crón 3:5

ri akuchi xe'alex chik re e kaji' ralk'ual re': Ri Simá, ri Sobab, ri Natán, y ri Salomón; konojel re' e ral ri Betsabé, rumi'al ri Amiel.

2 Sam 7:12

Y toq xkaken, yin xtinkusaj kan pan ak'exel jun chike ri ak'ajol. Y kan xtinjikiba' ri ruq'atbal-tzij rija'.

2 Sam 12:25

Y roma ri' ri Jehová xuteq k'a el ri Natán rik'in ri David richin xberubij chi ri ak'ual ri' chuqa' xtubini'aj Jedidías.*f7*

1 Rey 1:10

jak'a man xroyoj ta ri Salomón ri rach'alal, ni ri Natán, ni ri Benaías, ni ri e nima'q taq achi'a' ri e richin ri David.

1 Rey 1:11

Xch'on k'a ri Natán rik'in ri Betsabé, ri rute' ri Salomón y xubij chire: ¿Man awak'axan ta chi ri Adonías, ral ri Haguit, xuq'alajirisaj yan ri' chi xok rey, stape' ri David, ri qajaw, man retaman ta?

Wuj Richin ri Nehemías 13:26

Ja mak re' ri xuben ri Salomón ri rey pa ruwi' ri ruwach'ulew Israel, stape' chuwech ri ruwach'ulew man jun chik rey ri xk'oje' achi'el rija', y ri Dios kan janila xrajo' y xuben chire chi xok rey pa ruwi' chijun Israel. Ja ri ixoqi' aj juk'an chik tinamit xebanon chire richin chi xmakun.

Deut 33:12

Rix ri tzobaj richin Benjamín: Rix ri janila yixajowex roma ri Jehová y roma ri' kan ikuquban ik'u'x. Ri nimalej Dios xkixchajin ronojel q'ij; y kan xkixk'oje' chuxe' ri ruq'a' rija'.

2 Sam 5:14

Jare' ri kibi' ri ralk'ual: Ri Samúa, ri Sobab, ri Natán, ri Salomón,

Wuj Richin Etamabel-Tzij 4:3

Roma yin chuqa' xinok ak'ual y xik'oje' pa rachoch ri nata'; kan nuyon k'a yin ri xik'oje' rik'in ri nte', roma ri' kan janila k'a xirajo'.