2 Sam 12:20 - Kaqchiquel Bible

²⁰ K'ari' ri David xyakatej-q'anej pan ulew, xatin, xuyala-el jubulej taq aq'om chirij y xukusaj-el ri rutziaq. K'ari' xbe pa rachoch ri Jehová richin xuya' ruq'ij. Toq xtzolin chirachoch, xuk'utuj ruway y xwa-xuk'ya'.

2 Sam 12:20 ပူးပေါင်းရင်းမြစ်များ

2 Sam 12:19

Ri David e rutzuliben-apo ri rusamajela' toq pan ewel yech'on chikiwech, y xq'ax chuwech chi ri ak'ual xa xken yan. Roma ri' xuk'utuj k'a apo chike wi xken ri ak'ual. Y rije' xkibij chi ja'.

2 Sam 12:21

Y ri rusamajela' xkibij chire: ¿Achike roma toq k'a k'es na ri ak'ual, man jun nawajo' richin natej y k'a xken na, k'ari' xayakatej-pe y xatej away?, xecha' chire.

2 Sam 14:2

jari' toq xuteq ruk'amik jun ixoq aj-Tecoa ri kan janila nowineq. Y xuk'utuj utzil chire chi tubana-el achi'el xa ta janila nibison, y tukusaj-el tzieq richin bis, y man tuya-el jubulej aq'om chirij. Chuqa' xubij chi chirij ri' tapon rik'in ri rey, y tubana' chi achi'el xa ta k'iy yan juna' k'o-pe pa bis roma k'o jun ri xken rik'in.

2 Sam 19:24

Chuqa' ri Mefi-bóset ri rumam kan ri rey Saúl xbe richin xberuk'ulu' ri David, y kan man atiwineq ta k'a, ni man ruchojmirisan ta ri rusumal-ruchi', ni man jalowineq ta. Kan keri' k'a xuch'ob richin nuben chupan ri q'ij toq xbe ri rey k'a toq xtzolin chik na rik'in uxlanibel-k'u'x.

2 Sam 6:17

Ri David kan runaban k'a jun jay banon rik'in tzieq. Y chiri' xbekiya-wi kan ri káxa richin ri Jehová. Y k'ari' xusuj chikop richin niporox jumul y xusuj sipanik ri nuq'alajirisaj chi junan ruwech rik'in ri Jehová.

2 Sam 7:18

K'ari' ri rey David xok-apo chupan ri jay ri banon rik'in tzieq, y xbek'oje' chuwech ri Jehová richin nich'on rik'in. Y xubij: Nimalej Jehová, ¿in achike ta k'a yin y ri wijatzul richin chi oj ato'on-pe k'a re wawe'?

Wuj Richin ri Achin Job 1:20

Kan jari' toq ri Job xuretz ri rutziaq chirij roma bis, y xujuk'uk'ej-el ri rusumal-ruwi', y xuxuk-xumej-ri' richin xuya' ruq'ij ri Dios roma ri xuk'uluwachij,

Wuj Richin ri Achin Job 2:10

Roma ri' ri Job xubij chire ri rixjayil: Rat yach'on achi'el ri yech'on ri ixoqi' ri maneq kina'oj. ¿Xaxe kami ri utz ri ruk'amon chi niqak'ul chire ri Dios y ri man utz ta man niqak'ul ta?, xcha'. Man rik'in ri' ri Job man xmakun ta rik'in ri ruch'abel.

Wuj Richin Bix Chire ri Dios 103:1

Yin kan jantape' xtinnimirisaj ruq'ij ri Jehová. Kan rik'in k'a chijun nuk'aslen xtinimirisaj ri loq'olej rubi' ri Dios.

Wuj Richin Bix Chire ri Dios 103:8

Ri Jehová kan joyowanel y koch'onel-wi. Kan man chi'anin ta nipe royowal, y kan janila nim ri rujoyowanik.

Wuj Richin Bix Chire ri Dios 39:9

Man nujaqon ta ri nuchi', man jun ch'abel ri nubin, roma rat keri' xaben chuwe.

Wuj Richin Bix Chire ri Dios 95:6

Kixanpe k'a, tiqaya' ruq'ij ri Jehová, y tiqaqasaj-qi' chuwech. Kan qojxuke' k'a chuwech ri Jehová ri xbanon qichin.

Wuj Richin Etamabel-Tzij 3:7

Man jun bey tatzu-qa-awi' chi kan k'o-wi ana'oj, xa tik'oje' rukiy ri Dios chawech y xtajech'ej-awi' chuwech ri etzelal.

Wuj Richin ri Molojri'il 9:8

Kan jantape' k'a chuqa' takusaj ri saqilej atziaq, y taya' k'a ri aq'om pan awi', richin ri rusumal-awi' jebel nitzu'un.

San Mateo 6:17

Jak'a toq rix yixmewayin, xa kan jebel tich'aja' ipalej, tiya' juba' jubulej aq'om chiwij y jebel tijika' ri rusumal-iwi'.

San Lucas 7:46

Rat chuqa' man xaq'ej ta juba' aceite pa nujolon toq xinok-pe. Jak'a re ixoq re', kan jubulej aq'om ri xuyala' chirij re waqen.

Wuj Richin ri Rut 3:3

Wakami k'a tabana' ri ninbij chawe yin: Katatin-el, taya-el jubulej taq aq'om chawij y takusaj-el ri más jebel atziaq; k'ari' kabiyin akuchi k'o-wi rija'. Xaxe man tak'ut-awi' chuwech toq k'a man jani tiwa' y tuk'ya'.

1 Sam 15:25

Y katzolin k'a wik'in richin keri' junan k'a niqaya' ruq'ij ri Jehová, xcha'.

1 Sam 15:31

Y xtzolin chik k'a ri Samuel rik'in ri Saúl, y ri Saúl xuya' ruq'ij ri Jehová.