2 Sam 12:13 - Kaqchiquel Bible

¹³ K'ari' ri David xuq'alajirisaj chuwech ri Natán chi kan makuwineq-wi chuwech ri Jehová. K'ari' ri Natán xubij chire ri David chi ri Jehová kan xukuy yan ri rumak, y man xtrelesaj ta ri ruk'aslen.

2 Sam 12:13 ပူးပေါင်းရင်းမြစ်များ

Wuj Richin ri Rutikeribel 39:9

Chupan re awachoch man jun ri k'o ta más ruq'ij achi'el yin. Y roma ri' ri wajaw ruya'on q'ij richin ninben ronojel. Yin yitikir ninben ri ninwajo' rik'in ri k'o pa nuq'a', jak'a awik'in rat kan man jun xtinben, roma rat at rixjayil ri wajaw; yin man yitikir ta ninben ri nabij rat, roma man ruk'amon ta y yimakun chuwech ri Dios, xcha' ri José chire ri ixoq.

2 Sam 24:10

Jak'a toq ri David xuben yan re tz'iban bi'aj re', k'ari' xuna' chi xmakun, y xubij k'a chire ri Jehová: Yin kan janila ximakun chawech roma xinben re jun tz'iban bi'aj re'. Wakami k'a, nink'utuj utzil chawe chi takuyu' numak, roma yin kan xinben re' roma maneq nuna'oj, xcha'.

2 Sam 24:17

Y toq ri David xutz'et ri ángel ri nikamisan kichin ri winaqi', xubij chire ri Jehová: ¡Ja yin ri ximakun! ¡Ja yin ri in aj-mak! Ri nuwinaq xa kan e achi'el k'a taq karne'l ri maneq kimak. Yin nink'utuj utzil chawe chi pa kik'exel rije' taya' ri tijoj-poqonal pa nuwi' yin y pa kiwi' ri wijatzul, xcha'.

1 Rey 13:4

Toq ri rey Jeroboam xrak'axaj ri xubij ri achin ri' pa ruwi' ri porobel ri k'o chiri' pa Betel, jari' toq k'a chiri' rik'in ri porobel xuk'ut rik'in ri ruq'a', y xubij: ¡Tichapa' la achin la'!, xcha'. Y kan jari' toq ri ruq'a' ri achoq ik'in xuk'ut-wi ri achin richin ri Dios kan che-che' xuben kan y man xtikir ta chik xuqasaj-qa.

1 Rey 21:20

Y ri Acab xubij chire ri Elías: ¿Y kan xino'awila' chik re wawe' rat etzelanel wichin?, xcha'. Y ri Elías xubij chire: Ja' xatonwila' chik, roma rat kan ajachon awi' chubanik ri etzelal chuwech ri Jehová.

1 Rey 22:8

Y ri Acab xubij chire ri Josafat: K'a k'o na kan jun achin rubini'an Micaías ruk'ajol ri Imlá ri achoq ik'in niqak'ulubej-wi achike nubij ri Jehová, jak'a yin kan itzel nina' chire roma man jun bey nuk'en ta pe utzilej taq rutzijol chuwe, xcha'. Y ri Josafat xubij chire ri Acab chi man tich'on itzel chirij ri achin ri'.

2 Rey 1:9

K'ari' ri Ocozías xuteq k'a el jun aj-raqen ri k'o pa kiwi' e kawineq lajuj aj-labal, y re achi'a' re' xebe-el akuchi k'o-wi ri Elías ri tz'uyul pa ruwi' jun juyu'. Y ri aj-raqen xubij chire: Rat ri at achin richin ri Dios, ri rey xuteq-pe rubixik chi kaqaqa-el re wawe', xcha'.

1 Crón 21:8

K'ari' ri David xuq'alajirisaj chire ri Dios chi rija' man utz ta xuben chuwech, y roma ri' ri David xuk'utuj kuyubel rumak chuwech, y xubij k'a: Kan jun nimalej mak ri xinben. Y nink'utuj chawe richin takuyu' ri itzel banobel ri xinben chawech yin ri in asamajel, roma xinben chi achi'el xa ta in jun nakanik chawech rat, xcha'.

2 Crón 16:10

Y roma ri' ri Asá xyakatej janila royowal chirij ri Hananí, y xuya' pa cárcel; y chuqa' janila xerutz'ila' e jujun chike ri winaqi' richin ri tinamit.

2 Crón 25:16

Y toq ri q'alajirisanel nubij keri', jari' toq ri rey xubij-apo: ¿At ya'on kan rat richin napixabaj ri rey? Man chaq ronojel ke'abij. ¿O nawajo' richin yakamisex?, xcha'. K'ari' ri q'alajirisanel xtane' rik'in re ch'abel re': Wakami wetaman chik chi ri Dios kan xkaberuk'isa' roma kere' xaben, y man xataqej ta ri xinbij chawe, xcha'.

Wuj Richin ri Achin Job 33:27

K'ari' rija' xtapon kik'in ri ch'aqa' chik winaqi' y xtubij chike: Yin kan man pa ruchojmilal ta xinben, xa xinyoj rubanik ri choj, jak'a ri Dios man xuya' ta ruk'ayewal pa nuwi', achi'el ri ruk'amon.

Wuj Richin Bix Chire ri Dios 103:12

Ri qamak kan nej k'a xrelesaj-el chiqe roj. Kan achi'el k'a ri nej rukojol ri relebel-q'ij rik'in ri qajbel-q'ij.

Wuj Richin Bix Chire ri Dios 51:16

Rat kan man niqa' ta k'a chawech chi yin ninsuj kamelabel chawe. Man nawajo' ta chi ninporoj chikop chawech.

Wuj Richin Bix Chire ri Dios 51:4

Kan chawech k'a rat, kan xaxe k'a chawech rat ximakun. Kan xinben k'a ri man niqa' ta chawech rat. Roma ri' kan choj ri aq'atbel-tzij ri xaya' pa nuwi'. Kan roma k'a ri numak toq naya' ruk'ayewal pa nuwi'.

Wuj Richin Bix Chire ri Dios 51:6

Rat kan niqa' k'a chawech ri wineq ri kan ch'ajch'oj ri ránima. Roma ri' kinatijoj achike rubanik yibiyin rik'in na'oj.

Ex 9:27

K'ari' ri rey xuteq koyoxik ri Moisés y ri Aarón y xubij chike: Wakami ninna' chi ximakun, roma ri Jehová kan janila choj ri nuben, jak'a yin y ri nuwinaq xa oj itzel taq winaqi' chuwech.

Wuj Richin Etamabel-Tzij 25:12

Achi'el rejqalen ri ruwi' ixkinaj ri banon rik'in q'anapueq y ronojel ruwech wiqobel ri kan e q'anapueq chuqa', kan keri' rejqalen ri ruch'abel ri aj-na'oj, chuwech ri jun ri kan nuben ri nrak'axaj.

Wuj Richin Etamabel-Tzij 28:13

Ri man yeruq'alajirisaj ta ri itzel taq rubanobal ri yeruben, xa ronojel itzel ye'el chuwech; jak'a ri yeruq'alajirisaj y nuya' kan rubanik, kan xtril kuyubel rumak.

Wuj Richin ri Isaías 38:17

Xintej poqon richin yik'ase' pa ruchojmilal. Rat kan yinawajo', y roma ri' xaya' chik nuk'aslen. Roma ri awajowabal xakuy ronojel ri numak.

Wuj Richin ri Isaías 43:24

Man xik'en ta pe chuwe ri jubulej aj, ni man xisuj ta ri q'en chuwe. Jak'a xa kan janila q'axo'n xiya' chuwe roma ri imak; y kan janila xik'o nuk'u'x iwik'in, rik'in ri itzel taq ibanobal.

Wuj Richin ri Isaías 44:22

Yin kan xinyoj yan k'a ronojel imak, kan xinben yan chire achi'el toq nik'is-el ri sutz' richin nimaq'a'. Roma ri' kan titzolin k'a pe ik'u'x wik'in, roma yin kan xixinkol yan.

Wuj Richin ri K'uxla'anik 3:32

Stape' xuben chiqe chi xqaq'axaj tijoj-poqonal, xa kan nujoyowaj chik k'a qawech, roma ri rajowabal man jun bey xtik'is.

Wuj Richin ri Chojmirisabelri'il 20:10

Wi k'o ta jun achin ri nik'oje-qa rik'in ri rixjayil ri rachpochel, ri achin y ri ixoq kan xemakun, y chi e ka'i' k'a xkekamisex.

Wuj Richin ri Chojmirisabelri'il 24:17

Keri' chuqa' wi k'o ta jun wineq ri xtikamisan jun chik wineq, chuqa' rija' kan xtikamisex.

Wuj Richin ri Zacarías 3:4

K'ari' ri ángel xubij chike ri yeto'on richin, chi tikijala' ri rutziaq tz'il ri Josué, y tikiwiqa' rik'in jebelej taq tzieq. Y chire rija' xubij: Ri tz'il atziaq nuk'exewachuj ri amak. Wakami k'a xinwelesaj ri amak, y xkatinwiq rik'in jebelej taq tzieq ri nuk'exewachuj ri ruchojmilal, xcha'.

San Mateo 14:10

Roma ri' xuteq k'a rutzak'ixik ruqul ri Juan ri chiri' pa cárcel.

San Lucas 15:21

Ri ala' kan jari' xubij chire ri rutata': Táta, ximakun chuwech ri Dios, y kan ximakun chuqa' chawech rat. Man chik k'a ruk'amon ta chi nabij ak'ajol chuwe, xcha'.

San Lucas 18:13

Jak'a ri moloy méro k'a nej xk'oje-wi kan richin nich'on rik'in ri Dios, pa'el y jun lukul-wi chiri', roma chuwech rija' kan man ruk'amon ta nuyek ri runaq' taq ruwech chikaj. Rija' nubajila' k'a ruwa-ruk'u'x, y nubij k'a chire ri Dios: Tajoyowaj nuwech, roma yin in jun aj-mak chawech, nicha'.

Hechos 2:37

Toq ri winaqi' xkak'axaj ri xubij ri Pedro, xq'axon janila ri kánima, y xkik'utuj k'a chire ri Pedro y chike ri ch'aqa' chik ri e taqon roma ri Cristo y xkibij: Qach'alal, ¿achike ri ruk'amon chi niqaben?, xecha'.

Hebreos 9:26

Roma xa ta k'iy bey xusuj-ri', k'iy ta bey xuk'owisaj tijoj-poqonal y k'iy ta bey xken, kan rutikeriban ta pe toq xban re ruwach'ulew. Jak'a man keri' ta ri xuben. Xa k'a chupan re ruk'isibel q'ij richin re ruwach'ulew, toq xpe y xaxe jun bey xken richin chi xojrukol chupan ri qamak.

1 Juan 1:7

Ri Dios kan k'o-wi pa saqil, y wi roj chupan re qak'aslen yojbiyin pa saqil, kan junan k'a qawech qonojel. Y chuqa' ri rukik'el ri Jesucristo ri ruk'ajol, nrelesaj ronojel ri qamak.

Apocalipsis 1:5

Y kan tik'ulu' chuqa' ri utzil y ri uxlanen ri nuya' ri Jesucristo, ri nuq'alajirisaj ri qitzij, ri xk'astej-pe nabey chikikojol ri kaminaqi' y k'o pa kiwi' konojel q'atoy taq tzij ri ek'o chuwech re ruwach'ulew. Rija' yojrajo' y roma ri' xken y xbiyin rukik'el richin xojrukol chuwech ri qamak.

1 Sam 15:20

Y ri Saúl xubij chire ri Samuel: Yin xinimaj rutzij ri Jehová, y xibe akuchi xiruteq-wi, y xenkamisaj kan konojel ri amalecita y xaxe ri Agag ri xinya' kan ruk'aslen y xink'en-pe.

1 Sam 15:30

Y ri Saúl xubij chire ri Samuel: Kan qitzij na wi chi yin ximakun, jak'a nink'utuj utzil chawe chi taya' wejqalen chikiwech ri achi'a' ri k'o kiq'ij y chikiwech konojel ri qawinaq, y katzolin chik k'a wik'in richin chi junan niqaya' ruq'ij ri Jehová ri qa-Dios, xcha'.