2 Sam 12:11 - Kaqchiquel Bible

^11-12 Re ruk'ayewal re' xtipe pan awi' y kan ja ri e aj pan awachoch ri xkek'amon-pe pan awi'. Kan chawech rat xkenk'uaj-el ri awixjayilal y xkenjech chire jun chike ri aj pan awachoch, richin xtik'oje' kik'in. Y re' man pan ewel ta xtibanatej-wi, roma xa kan chijun re tinamit xtitz'eton. Rat abanon-pe ri mak ri' pan ewel, jak'a yin xtinben richin xtiq'alajin chuwech chijun re ruwach'ulew Israel. Yin Jehová ri yibin, xcha' ri Natán.

2 Sam 12:11 ပူးပေါင်းရင်းမြစ်များ

Deut 28:30

Chuqa' xtik'utuj jun xten richin nok iwixjayil y xa jun chik achin ri xtik'oje' rik'in. Xtipaba-q'anej jun iwachoch y xa jun chik xtik'oje' chupan; y chuqa' xtitik-qa uva y xa ch'aqa' chik ri xketijo ruwech.

2 Sam 15:10

K'ari' ri Absalón pan ewel xeruteq uk'uey rutzijol kik'in konojel ri winaqi' israelita richin xbekibij chi toq xtikak'axaj chi xtiq'ajan ri trompeta, jari' toq xtikibij chi ja rija' ri rey, y ja rija' ri niq'aton-tzij pan Hebrón.

2 Sam 15:6

Y keri' k'a xuben kik'in konojel ri winaqi' israelita ri yepe rik'in ri rey richin nikichojmirisaj xabachike na'oj. Keri' xuben ri Absalón richin utz xtz'et koma ri winaqi', y xa kan rik'in rija' xkikuquba-wi kik'u'x.

Ez 14:9

Wi k'o ta jun q'alajirisanel ri nuya' jun rutzijol ri xa man qitzij ta, re' ja yin Jehová ri xibanon chire chi tiq'olon. Y k'ari' yin xtinya' ri rutojbalil-mak pa ruwi' y kan xtinkamisaj.

Deut 17:17

Chuqa' man tik'oje' k'iy rixjayil richin man tisach kan ruk'u'x y numestaj kan ri Jehová y chuqa' man tik'oje' pa ruk'iyal q'anapueq y saqipueq rik'in.

2 Sam 15:14

K'ari' ri David xubij chike konojel ri e tata'al ri k'a ek'o rik'in: Qojyakatej y qojanimej, roma man xqojtikir ta xtiqakol-qi' chuwech ri Absalón. Wi man xqojanimej ta, man xqojkolotej ta, y ri Absalón kan xtuben k'a janila chi kamik. Jo' chi'anin richin man yojruq'i' ta y yojruk'is roj y konojel ri winaqi' richin re tinamit, xcha'.

2 Sam 16:11

K'ari' ri David xubij chire ri Abisai y chike konojel ri e tata'al: Wi ri nuk'ajol ri walk'ualan, nrajo' nrelesaj nuk'aslen, ¡K'a ta la' chik k'a jun chike ri rijatzul kan ri Benjamín! Tiya' k'a q'ij chire richin nroyoj itzel pa nuwi', roma rik'in juba' kan ja ri Jehová biyon chire.

Wuj Richin ri Achin Job 31:10

wi ta keri', ri wixjayil xa utz ta chi niberilij y nuben ta ri nrajo' jun chik achin, xa nibek'oje' ta pa ruch'at xabachike achin.