2 Sam 11:6 - Kaqchiquel Bible

⁶ K'ari' ri David xuteq rubixik chire ri Joab chi tutaqa-pe ri Urías ri hitita. Y ri Joab kan xuteq k'a pe ri Urías rik'in ri David.

2 Sam 11:6 ပူးပေါင်းရင်းမြစ်များ

Wuj Richin Etamabel-Tzij 28:13

Ri man yeruq'alajirisaj ta ri itzel taq rubanobal ri yeruben, xa ronojel itzel ye'el chuwech; jak'a ri yeruq'alajirisaj y nuya' kan rubanik, kan xtril kuyubel rumak.

San Mateo 26:74

Kan jari' k'a ri Pedro xuchop nroyoj itzel pa ruwi-qa rija', y nuya' rutzij chuwech ri Dios chi rija' man nretaman ta ruwech ri Jesús. Y jari' k'a toq xbesik'in-pe jun mama'.

San Mateo 26:72

Jak'a ri Pedro xa xrewaj chik k'a jun bey. Rija' xubij: Kan ninya' nutzij chuwech ri Dios; ninbij chi yin man wetaman ta ruwech la jun achin la', xcha'.

San Mateo 26:70

Jak'a rija' xa kan chikiwech k'a konojel xrewaj, y xubij: Man niq'ax ta chinuwech achoq chirij yach'on-wi, xcha' chire.

Wuj Richin ri Isaías 29:13

Rix xaxe rik'in ri ich'abel niya' nuq'ij; jak'a ri iwánima xa kan k'o janila nej chuwe yin. Y toq niya' nuq'ij, xaxe nikamuluj pixa' ri e banon koma winaqi'.

1 Sam 15:30

Y ri Saúl xubij chire ri Samuel: Kan qitzij na wi chi yin ximakun, jak'a nink'utuj utzil chawe chi taya' wejqalen chikiwech ri achi'a' ri k'o kiq'ij y chikiwech konojel ri qawinaq, y katzolin chik k'a wik'in richin chi junan niqaya' ruq'ij ri Jehová ri qa-Dios, xcha'.

Wuj Richin ri Rutikeribel 4:7

Roma toq ja ri utz ri naben, nak'ul ri aq'ij; ja wi xa ja ri itzel ri naben, ri mak kan at ruq'eleben k'a y nrajo' yaruchop. Jak'a rat k'o chi yach'akon chirij, xcha'.

2 Sam 11:5

Toq xq'ax yan juba' q'ij, ri ixoq xunabej chi royoben jun ak'ual. Y re' xuteq rubixik chire ri David.

2 Sam 11:7

Toq ri Urías xapon, ri rey David xuk'utuj rutzil ruwech ri Joab y rutzil kiwech konojel ri aj-labal. Y xuk'utuj chuqa' achike beneq ri labal.

2 Sam 23:39

y ri Urías, ri hitita. Konojel e juwineq wuqlajuj.