2 Sam 11:27 - Kaqchiquel Bible

²⁷ Toq xq'ax yan ri q'ij richin bis, jari' toq ri David xuteq ruk'amik ri Betsabé richin xbek'oje' pa rachoch. Xok k'a rixjayil y xalex jun kalk'ual. Jak'a ri xuben ri David, kan itzel xutz'et ri Jehová.

2 Sam 11:27 ပူးပေါင်းရင်းမြစ်များ

2 Sam 12:9

¿Achike roma man xaya' ta rejqalen ri nuch'abel, y xa xaben itzel chinuwech? Xakamisaj k'a chi espada ri Urías ri heteo, y kan xok-qa awixjayil ri rixjayil rija'. Roma xakamisaj ri Urías rik'in ri ki-espada ri amonita,

Hebreos 13:4

Tiya' ruq'ij ri k'ulubik. Roma ri achijlonel y ri ixjayilonel man yemakun ta toq nikik'uaj-ki' chupan ri k'ulubik. Jak'a wi nikikanoj jun chik richin yek'oje' kik'in kan yemakun. Chuqa' ri man e k'ulan ta y nikikanoj jun richin yek'oje' rik'in, xa yemakun. Y ri Dios kan xtuq'et k'a tzij pa kiwi' ri keri' nikiben.

1 Crón 21:7

Jak'a ri Dios chuqa' kan itzel xutz'et ronojel re', y xuteq-pe jun ruk'ayewal pa kiwi' ri winaqi' israelita.

Deut 22:29

ri achin ri xk'oje' rik'in ri xten, xtuya' más juba' jun libra saqipueq chire ri rutata' ri xten. Y ri xten ri' xtok rixjayil ri achin ri' roma xuqasaj ruq'ij; y kan man xtujech ta k'a ri' rik'in chijun ruk'aslen.

Wuj Richin ri Rutikeribel 38:10

Y ri xuben ri Onán man xqa' ta chuwech ri Jehová y roma ri' ri Jehová xrelesaj ri ruk'aslen.

Wuj Richin Bix Chire ri Dios 5:6

Kan xke'ak'is k'a ri jantape' yetz'ukun-tzij; ri kamisanela' y ri q'olonela' kan ye'awixowaj rat Jehová.

San Mateo 1:6

Y re Isaí re' xralk'ualaj ri rey David. Ri rey David xralk'ualaj ri Salomón rik'in ri Betsabé ri rixjayil. Ri Betsabé ri', ja ri rixjayil kan ri Urías.

2 Sam 15:26

Jak'a wi ri Dios xtubij chuwe chi man yiqa' ta chik chuwech, kan tubana' k'a wik'in ri niqa' chuwech rija'.

1 Rey 21:16

Y toq xrak'axaj ri Acab chi ri Nabot kamineq chik, xbe y xberuchapa' kan ri qejoj ri tikon uva chuwech ri richin kan ri Nabot.

1 Rey 21:20

Y ri Acab xubij chire ri Elías: ¿Y kan xino'awila' chik re wawe' rat etzelanel wichin?, xcha'. Y ri Elías xubij chire: Ja' xatonwila' chik, roma rat kan ajachon awi' chubanik ri etzelal chuwech ri Jehová.

Wuj Richin Etamabel-Tzij 6:29

Y keri' ri nuk'uluwachij jun achin ri nuju' ri' rik'in jun k'ulan ixoq; ri achin ri' kan xtrejqalej-wi k'a ri mak ri'.

Wuj Richin ri Isaías 29:15

Toq'ex iwech rix ri niwewaj-iwi' chinuwech yin richin niwewaj ri ich'obonik chinuwech. Toq'ex iwech rix ri k'o niben pa taq q'equ'm y nibij chi man yixintz'et ta.

Wuj Richin ri K'uxla'anik 3:36

toq nijal rubanik ri qitzij toq k'o jun ch'ojikil, ronojel re banobel re' kan man utz ta nutz'et ri Jehová.